Kamal Nath On Congress PM Candidate: ୨୦୨୪ରେ କଂଗ୍ରେସରୁ କିଏ ହେବେ ପ୍ରଧାନମନ୍ତ୍ରୀ ପ୍ରାର୍ଥୀ, କମଲ ନାଥ କଲେ ଖୁଲାସା

Kamal Nath On Congress PM Candidate: ଧୀରେ ଧୀରେ ପାଖେଇ ଆସୁଛି ଲୋକସଭା ନିର୍ବାଚନ ୨୦୨୪ (Lok Sabha Elections 2024) । ଏଥିପାଇଁ କଂଗ୍ରେସ (Congress) ସମେତ ବିଭିନ୍ନ ରାଜନୈତିକ ଦଳ ପ୍ରସ୍ତୁତି ଆରମ୍ଭ କରିଦେଇଛନ୍ତି । କଂଗ୍ରେସ ନିଜ ସଂଗଠନକୁ ମଜବୁତ କରିବାକୁ ଲାଗିଛି । ଏହା ଅନ୍ତର୍ଗତ ଦଳ ତରଫରୁ ଭାରତ ଯୋଡ଼ୋ ଯାତ୍ରା (Bharat Jodo Yatra) ଚାଲୁଛି । ଏହି ସମୟରେ କଂଗ୍ରେସର ବରିଷ୍ଠ ନେତା ତଥା ମଧ୍ୟ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ (Kamal Nath) ଶୁକ୍ରବାର ଦିନ କହିଛନ୍ତି ଯେ, ରାହୁଲ ଗାନ୍ଧୀ (Rahul Gandhi) କେବଳ ୨୦୨୪ ଲୋକସଭା ନିର୍ବାଚନରେ ​​ବିରୋଧୀଙ୍କ ଚେହେରା ହେବେ ନାହିଁ, ବରଂ ପ୍ରଧାନମନ୍ତ୍ରୀ ପଦ (PM Candidate) ର ଚେହେରା ମଧ୍ୟ ହେବେ । ପିଟିଆଇକୁ ଦିଆଯାଇଥିବା ଏକ ସାକ୍ଷାତକାରରେ କମଲ ନାଥ ଏହା କହିଛନ୍ତି ।

କଂଗ୍ରେସ ନେତା କମଲ ନାଥ (Kamal Nath) କହିଛନ୍ତି ଯେ, "ଯେଉଁଠି ୨୦୨୪ ନିର୍ବାଚନର ପ୍ରଶ୍ନ ରହିଛି, ତ ରାହୁଲ ଗାନ୍ଧୀ (Rahul Gandhi) ଜୀ ନା କେବଳ ବିରୋଧୀ ଦଳର ଚେହେରା ହେବେ, ବରଂ ପ୍ରଧାନମନ୍ତ୍ରୀ ପଦ ଚେହେରା ମଧ୍ୟ ହେବେ ।" ତାଙ୍କ ଅନୁସାରେ, "ଦୁନିଆର ଇତିହାସରେ ୩୫୦୦ କିଲୋମିଟରରୁ ଅଧିକ ପଦଯାତ୍ରା କୌଣସି ବ୍ୟକ୍ତି କରି ନାହାଁନ୍ତି । ଭାରତ ଦେଶ ପାଇଁ ଗାନ୍ଧୀ ପରିବାର (Gandhi Family) ଯେତିକି ବଳିଦାନ ଦେଇଛନ୍ତି, ତାହା ଅନ୍ୟ କୌଣସି ପରିବାର ଦେଇନାହାଁନ୍ତି ।"

କମଲ ନାଥ (Kamal Nath) ଆଗକୁ କହିଛନ୍ତି ଯେ, "ରାହୁଲ ଗାନ୍ଧୀ (Rahul Gandhi) କ୍ଷମତାର ରାଜନୀତି କରନ୍ତି ନାହିଁ । ସେ ଜନତାଙ୍କ ରାଜନୀତି କରନ୍ତି ଓ ଯିଏ ଜନତାଙ୍କ ରାଜନୀତି କରନ୍ତି, ଜନସାଧାରଣ ତାଙ୍କୁ ସ୍ୱୟଂଚାଳିତ ଭାବରେ ସିଂହାସନରେ ବସାନ୍ତି ।" ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ କହିଛନ୍ତି ଯେ, "ରାହୁଲ ଗାନ୍ଧୀ ଏହା ସ୍ପଷ୍ଟ କରିଛନ୍ତି କି ଭାରତ ଯୋଡ଼ୋ ଯାତ୍ରା (Bharat Jodo Yatra) ଏକ ରାଜନୈତିକ ଯାତ୍ରା ନୁହେଁ । ଏହି ଯାତ୍ରାର ଉଦ୍ଦେଶ୍ୟ ହେଉଛି ଭାରତକୁ ଭାଙ୍ଗୁଥିବା ଶକ୍ତିକୁ ପରାସ୍ତ କରିବା ଓ ଘୃଣାକୁ ଶେଷ କରୁବାର ଅଛି । ଯେଉଁଠି ନିର୍ବାଚନର ପ୍ରଶ୍ନ ଆସେ, ମଧ୍ୟପ୍ରଦେଶରେ ପ୍ରଚଣ୍ଡ ସଂଖ୍ୟା ଗରିଷ୍ଠକତା ସହ କଂଗ୍ରେସ ସରକାର ଗଠନ ହେବ ଏହା ନିଶ୍ଚିତ । ଭାରତ ଯୋଡ଼ୋ ଯାତ୍ରା ପରେ କାର୍ଯ୍ୟକର୍ତ୍ତା ମାନେ ଦୁଇ ଗୁଣା ଅଧିକ ଉତ୍ସାହର ସହିତ କାମ କରୁଛନ୍ତି ।"

ଅଧିକ ପଢ଼ନ୍ତୁ:-କେନ୍ଦ୍ର ସରକାର ଦେଲେ ନୂଆ ବର୍ଷର ଉପହାର, ଏସବୁ ସ୍କିମ ଉପରେ ମିଳିବ ଅଧିକ ସୁଧ ହାର

ଅଧିକ ପଢ଼ନ୍ତୁ:-ବସ୍-କାର ମୁହାଁମୁହିଁ ଧକ୍କା; ୯ ମୃତ, ୩୨ ଆହତ, ଶୋକ ପ୍ରକାଶ କଲେ ଗୃହମନ୍ତ୍ରୀ

ଅଧିକ ପଢ଼ନ୍ତୁ:-ରେଲୱେ ବାତିଲ କଲା ପୁଣି ୨୩୯ ଟ୍ରେନ୍, ଜାଣନ୍ତୁ ତାଲିକାରେ ଓଡ଼ିଶା କେଉଁ କେଉଁ ଟ୍ରେନ ରହିଛି ସାମିଲ; ଘରୁ ବାହାରିବା ପୂର୍ବରୁ ଦେଖି ନିଅନ୍ତୁ ପୂରା ଲିଷ୍ଟ୍

ଭବିଷ୍ୟତରେ ଜ୍ୟୋତିରାଦିତ୍ୟ ସିନ୍ଧିଆ ଓ ଦଳ ଛାଡିଥିବା ଅନ୍ୟ କେତେକ ନେତାଙ୍କ କଂଗ୍ରେସକୁ ଫେରିବା ସମ୍ଭବ କି ବୋଲି ପଚରାଯିବାରୁ କମଲ ନାଥ କହିଛନ୍ତି ଯେ, ମୁଁ କୌଣସି ନିର୍ଦ୍ଦିଷ୍ଟ ବ୍ୟକ୍ତିଙ୍କ ଉପରେ ମନ୍ତବ୍ୟ କରେ ନାହିଁ । କିନ୍ତୁ ଯେଉଁମାନେ ଦଳ ପ୍ରତି ବିଶ୍ୱାସଘାତକତା କରିଛନ୍ତି, କାର୍ଯ୍ୟକର୍ତ୍ତା ମାନଙ୍କ ବିଶ୍ୱାସ ଭାଙ୍ଗିଛନ୍ତି ଏବଂ ମଧ୍ୟପ୍ରଦେଶର ଲୋକଙ୍କୁ ଧୋକା ଦେଇଛନ୍ତି, ସେମାନଙ୍କ ପାଇଁ କଂଗ୍ରେସର ଦ୍ୱାର ବନ୍ଦ ରହିଛି ।