Weather Updates: ବର୍ଷା ସହିତ ଆସିବ ତୁଫାନ, ଏହି ରାଜ୍ୟଗୁଡିକୁ ନେଇ ଆଗାମୀ ୪ ଦିନ ପାଇଁ ଆଲର୍ଟ ଜାରି କଲା IMD

IMD Weather Updates: ମାର୍ଚ୍ଚ ମାସର ପ୍ରାୟ ଅଧାଦିନ ବିତିସାରିଛି। ବର୍ତ୍ତମାନ ପାଗ ଗରମ ରହିବାରେ ଲାଗୁଛି। ଭାରତୀୟ ପାଣିପାଗ ବିଭାଗ (ଆଇଏମଡି) ଅନୁଯାୟୀ ଦେଶର ବିଭିନ୍ନ ରାଜ୍ୟରେ ବର୍ଷା ଓ କୁଆପଥର ବର୍ଷା ହେବାର ସମ୍ଭାବନା ରହିଛି। ଆଗାମୀ ଦୁଇ ଦିନ ମଧ୍ୟରେ ପଶ୍ଚିମବଙ୍ଗରେ ବର୍ଷା ହେବା ସହିତ ତୁଫାନ ଆସିବାର ସମ୍ଭାବନା ରହିଛି। ଆସନ୍ତା ଚାରି ଦିନ ମଧ୍ୟରେ ତେଲେଙ୍ଗାନା ଉପରେ ଭିନ୍ନ ଭିନ୍ନ ସ୍ଥାନରେ ହାଲୁକା ରୁ ମଧ୍ୟମ ବର୍ଷା ସମ୍ଭାବନା ରହିଛି। ଆସନ୍ତୁ ସମଗ୍ର ଦେଶରେ ପାଣିପାଗ ପରିସ୍ଥିତି କିପରି ରହିବ ଜଣାଉଛି।

ଆଗାମୀ ୪ଦିନ ପାଇଁ ଏହି ରାଜ୍ୟଗୁଡିକରେ ହେବ ବର୍ଷା
IMD ଅନୁଯାୟୀ, ୧୭ରୁ ୨୧ ଯାଏଁ ଗାଙ୍ଗେଟିକ୍ ପଶ୍ଚିମବଙ୍ଗ ଉପରେ ବିଭିନ୍ନ ସ୍ଥାନରେ ବଜ୍ରପାତ ଓ ତୁଫାନ ସହିତ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ଅଛି। ୧୯ ମାର୍ଚ୍ଚରେ କୁଆପଥର ଓ ତୁଫାନ (୫୦-୬୦ କିଲୋମିଟର ବେଗରେ) ହେବାର ସମ୍ଭାବନା ଅଛି। ମାର୍ଚ୍ଚ ୧୭ରୁ ୨୦ ମଧ୍ୟରେ ଝାଡଖଣ୍ଡ, ଓଡି଼ଶା, ବିଦର୍ଭ, ଛତିଶଗଡ ଓ ପୂର୍ବ ମଧ୍ୟପ୍ରଦେଶରେ ବର୍ଷା, ବଜ୍ରପାତ ଓ ପ୍ରବଳ ପବନ ସହିତ ହାଲୁକା ଓ ମଧ୍ୟମ ଧରଣର ବର୍ଷା ହେବ। ମାର୍ଚ୍ଚ ୧୭ରୁ ୧୯ ମଧ୍ୟରେ ମଧ୍ୟପ୍ରଦେଶ ଓ ଛତିଶଗଡରେ ହାଲୁକା ଓ ମଧ୍ୟମ ବର୍ଷା ହେବାର ସମ୍ଭାବନା ରହିଛି ଏବଂ ମାର୍ଚ୍ଚ ୧୯ ରେ ଝାଡଖଣ୍ଡ ଓ ଓଡି଼ଶାରେ ହାଲୁକା ଓ ମଧ୍ୟମ ଧରଣର ବର୍ଷା ହେବାରେ ସମ୍ଭାବନା ରହିଛି।

ଓଡି଼ଶାରେ ମଧ୍ୟ ହେବ ବର୍ଷା 
ଓଡ଼ିଶାରେ ୧୭ ମାର୍ଚ୍ଚରେ ଅଲଗା ଅଲଗା ସ୍ଥାନରେ ଓ ୧୮ ମାର୍ଚ୍ଚରେ କିଛି ସ୍ଥାନରେ ଘଡଘଡ଼ି ଓ ବଜ୍ରପାତ ସହିତ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ। ୧୯ ମାର୍ଚ୍ଚରେ ଘଡଘଡ଼ି, ବଜ୍ରପାତ ଓ ଘୂର୍ଣ୍ଣିବଳୟ ସହିତ ହାଲୁକାରୁ ମଧ୍ୟମ ଧରଣର ବର୍ଷା ଓ ୧୯ ମାର୍ଚ୍ଚରେ ଅନେକ ସ୍ଥାନରେ ଘଡଘଡ଼ି, ବଜ୍ରପାତ ଓ ପ୍ରବଳ ପବନ ସହିତ ବିଚ୍ଛିନ୍ନ ସ୍ଥାନଗୁଡିକ ହାଲୁକା ଓ ମଧ୍ୟମ ଧରଣର ବର୍ଷା ହୋଇପାରେ। ୧୯ ମାର୍ଚ୍ଚରେ ବିଚ୍ଛିନ୍ନ ସ୍ଥାନରେ କୁଆପଥର ବର୍ଷା ଓ ୨୦ ରେ ବିଭିନ୍ନ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ମଧ୍ୟ ରହିଛି।

ଦେଶର ରାଜଧାନୀରେ ପାଗ କେମିତି ଅଛି?
ଦେଶର ରାଜଧାନୀ ଦିଲ୍ଲୀ ବିଷୟରେ କହିବାକୁ ଗଲେ ରବିବାର ଦିନ ଜାତୀୟ ରାଜଧାନୀରେ ସର୍ବନିମ୍ନ ତାପମାତ୍ରା ୧୧.୯ ଡିଗ୍ରୀ ସେଲସିୟସ ରେକର୍ଡ କରାଯାଇଛି, ଯାହା ଏହି ସିଜିନର ହାରାହାରି ଠାରୁ ପାଞ୍ଚ ଡିଗ୍ରୀ ସେଲସିୟସ କମ୍ ଅଟେ। ଆଜି ମେଘୁଆ ଆକାଶର ପୂର୍ବାନୁମାନ କରିଛି ଭାରତ ପାଣିପାଗ ବିଭାଗ। ସେ କହିଛନ୍ତି ଯେ ଆର୍ଦ୍ରତା ସ୍ତର ୬୭ ପ୍ରତିଶତରେ ସକାଳ ୮.୩୦ ରେ ରେକର୍ଡ କରାଯାଇଛି। କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ଅନୁଯାୟୀ, ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (AQI) ସକାଳ ୧୦ ଟାରେ ରେକର୍ଡ କରାଯାଇଥିଲା, ଯାହା ମଧ୍ୟମ ବର୍ଗରେ ଅଛି।