Chandrayaan-3 ବିଷୟରେ ଖୁସି ଖବର: ୪ର୍ଥ କକ୍ଷରେ କଲା ପ୍ରବେଶ, ଜାଣନ୍ତୁ କ'ଣ କହିଲା ISRO

Chandrayaan-3: ନୂଆଦିଲ୍ଲୀ, ଭାରତୀୟ ମହାକାଶ ଗବେଷଣା ସଂଗଠନ (ISRO) ଗୁରୁବାର ଦିନ ଚନ୍ଦ୍ରଯାନ -୩ ବିଷୟରେ ଏକ ଗୁରୁତ୍ୱପୂର୍ଣ୍ଣ ସୂଚନା (Important information) ଦେଇଛି। ISRO କହିଛି ଯେ ଚନ୍ଦ୍ରଯାନ -୩ ପୃଥିବୀର ତୃତୀୟ କକ୍ଷ ପଥ (3th Orbit) ସମାପ୍ତ କରିଛି। ବର୍ତ୍ତମାନ ସେ ସଫଳତାର ସହ ଚତୁର୍ଥ କକ୍ଷ (4th Orbit)ରେ ପ୍ରବେଶ କରିଛି । ତୃତୀୟ କକ୍ଷପଥ ସମାପ୍ତ ହେବା ପରେ, ISRO ଚନ୍ଦ୍ରଯାନ-୩ର ଇଞ୍ଜିନକୁ ଷ୍ଟାର୍ଟ କରି ପରବର୍ତ୍ତୀ କକ୍ଷପଥ (Next orbit) ଆଡକୁ ନେଇଛି । ISRO ଦ୍ବାରା ଏହା କୁହାଯାଇଥିଲା ଯେ ଆସନ୍ତା ପାଞ୍ଚ ଦିନ ମଧ୍ୟରେ ଚନ୍ଦ୍ରଯାନ-୩ ପୃଥିବୀର ଚତୁର୍ଥ କକ୍ଷପଥରେ ଏହାର କକ୍ଷପଥକୁ ସମ୍ପୂର୍ଣ୍ଣ କରିବ। ବର୍ତ୍ତମାନ ଜୁଲାଇ ୨୫ରେ, ୫ମ କକ୍ଷରେ ପ୍ରବେଶ ପାଇଁ ଇଞ୍ଜିନ ପୁଣି ଷ୍ଟାର୍ଟ (Start) କରାଯିବ। 

ଇଣ୍ଡିଆନ୍ ସ୍ପେସ୍ ଏଜେନ୍ସି (Indian Space Agency) କହିଛି ଯେ ଜୁଲାଇ ୨୫ ରେ, ଅପରାହ୍ନ ଦୁଇରୁ ତିନିଟା ମଧ୍ୟରେ ଚନ୍ଦ୍ରଯାନ ପରବର୍ତ୍ତୀ କକ୍ଷପଥରେ ପ୍ରବେଶ କରିବ । କୁହାଯାଉଛି ଯେ ଅଗଷ୍ଟ ୨୪ ରେ ଚନ୍ଦ୍ରଯାନ ଚନ୍ଦ୍ର ପୃଷ୍ଠରେ ସଫ୍ଟ ଅବତରଣ (Soft landing) କରିବେ। ଆସନ୍ତୁ ଜାଣିବା, ISRO ଜୁଲାଇ ୧୪ ରେ ଶ୍ରୀହରିକୋଟା ସ୍ଥିତ ସତୀଶ ଧୱନ ମହାକାଶ କେନ୍ଦ୍ରରୁ ଚନ୍ଦ୍ରଯାନ -୩ ଲଞ୍ଚ କରିଥିଲା। ଦୀର୍ଘ ଦିନର ବ୍ୟବଧାନ ପରେ ଚନ୍ଦ୍ରଯାନକୁ ଚନ୍ଦ୍ରରେ ଅବତରଣ କରିବ । ଜୁଲାଇ ୧୮ ରେ, ଚନ୍ଦ୍ରଯାନ -୩ ତୃତୀୟ କକ୍ଷ ପଥରେ ପ୍ରବେଶ କରିଥିଲା । ଯଦି ଚନ୍ଦ୍ରଯାନ ମିଶନ ସଫଳ ହୁଏ, ତେବେ ଚନ୍ଦ୍ର ପୃଷ୍ଠରେ ସଫ୍ଟ ଅବତରଣ କରିବାରେ ଭାରତ ଚତୁର୍ଥ ଦେଶ ହେବ।

୬ ଟି କମ୍ପାନୀ ISRO କୁ ସମର୍ଥନ କଲେ
ଯଦି ଏହି ମିଶନ ସଫଳ ହୁଏ, ତେବେ କେବଳ ଦେଶର ବୈଜ୍ଞାନିକ (Scientist)ମାନେ ଗର୍ବିତ ହେବେ ନାହିଁ, ବରଂ ଷ୍ଟକ୍ ମାର୍କେଟ (Stock market)ର ୬ଟି କମ୍ପାନୀରେ ନିବେଶ କରିଥିବା ନିବେଶକମାନେ ମଧ୍ୟ ଧନୀ ହେବେ । ଏହି ୬ଟି କମ୍ପାନୀ ଚନ୍ଦ୍ରଯାନର ଏହି ଯାତ୍ରାରେ ISRO ସହିତ ଏକ ବଡ଼ ଭୂମିକା ଗ୍ରହଣ କରିଛନ୍ତି । ଯଦି ମିଶନ୍ ସଫଳ ହୁଏ, ତେବେ ଏହି କମ୍ପାନୀ ଗୁଡିକର ସେୟାରରେ ଏକ ଜବରଦସ୍ତ କମବ୍ୟାକ୍ କରିବ ନିଶ୍ଚିତ ।

ଚନ୍ଦ୍ରଯାନ ମିଶନ ପୁଞ୍ଜି ବିନିଯୋଗର ନୂଆ ରାସ୍ତା ଖୋଲିବ
ଯଦି ଭାରତର ମହାକାଶ ଯାନ ସଫଳତାର ସହିତ ଚନ୍ଦ୍ରରେ ଅବତରଣ କରେ, ତେବେ ଚନ୍ଦ୍ର ଅନୁସନ୍ଧାନ (Research)ରେ ଭାରତ ପାଇଁ ନୂତନ ରାସ୍ତା ଖୋଲିବ ଏବଂ ଏହା ଭାରତର ଅର୍ଥନୀତି (Economy) ପାଇଁ ମଧ୍ୟ ସକରାତ୍ମକ ବୋଲି ବିବେଚନା କରାଯାଉଛି । ଏହା ଭାରତର ଘରୋଇ ସ୍ପେସ୍ କମ୍ପାନୀ (Private space company) ଗୁଡିକ ପାଇଁ ନୂତନ ପୁଞ୍ଜି ବିନିଯୋଗ (Capital investment) ପାଇଁ ନୂତନ ସୁଯୋଗ ଏବଂ ରାସ୍ତା ଖୋଲିବ । ବିଶ୍ବର ସ୍ପେସ୍ ବଜାର ମୂଲ୍ୟ ହେଉଛି ୪୮୬ ବିଲିୟନ ଡ଼ଲାର୍ ଅର୍ଥାତ୍ ପ୍ରାୟ ୪୦ ଲକ୍ଷ କୋଟି, ଯାହା ୨୦୩୨ ସୁଦ୍ଧା ୧୮୭୯ ବିଲିୟନ ଡ଼ଲାର୍ ଅର୍ଥାତ୍ ୧୫୪ ଲକ୍ଷ କୋଟିରେ ପହଞ୍ଚିବ ବୋଲି ଆଶା କରାଯାଉଛି । ଏହି ବଜାରରେ ଭାରତର ଅବଦାନ ବର୍ତ୍ତମାନଠାରୁ ବହୁଗୁଣ ବୃଦ୍ଧି ହୋଇଯିବ ।

ସୂଚନାଯୋଗ୍ୟ, ଚନ୍ଦ୍ରଯାନର ସଫଳ ଉତକ୍ଷେପଣ ଓ ଏହାର ନିର୍ମାଣ କାର୍ଯ୍ଯରେ ନିୟୋଜିତ ହୋଇଥିଲେ କେନ୍ଦ୍ରାପଡା ଡେରାବିଶ ବ୍ଲକ ମୁକୁନ୍ଦପୁର ଗ୍ରାମର ଶୁଭାଶିଷ ନାୟକ। ଶୁଭାଶିଷ ସ୍ଥାନୀୟ ବନମାଳୀ ବ୍ରହ୍ମଚାରୀ ଆଦର୍ଶ ଉଚ୍ଚ ବିଦ୍ୟାଳୟରେ ମାଟ୍ରିକ ପାସ କରିଥିଲେ। ଟେକନିକାଲ ଶିକ୍ଷା ଓ କାର୍ଯ୍ୟ ପ୍ରତି ତାଙ୍କର ଥିଲା ବହୁ ଦୁର୍ବଳତା। 3 ବର୍ଷ ଆଇଟିଆଇ ଓ 3 ବର୍ଷ ସିଟିଟିସିରେ ପାଠ ପଢିଥିଲେ ଶୁଭାଶିଷ। ଗତ 2018ରୁ ସେ ଇସ୍ରୋ ରେ କାର୍ଯ୍ୟରତ ଅଛନ୍ତି। ନିକଟରେ ଚନ୍ଦ୍ରପୃଷ୍ଠକୁ ଉତକ୍ଷେପଣ ହୋଇଥିବା ଏଲ ଭି ଏମ-3 ଫ୍ୟାଟବୟ ନିର୍ମାଣରେ ନିୟୋଜିତ ଥିବା ଟେକନିସିଆନ ଟିମରେ ତାଙ୍କର ଥିଲା ଯୋଗଦାନ। ଏହାର ଖବର ବ୍ୟାପିବା ପରେ ତାଙ୍କ ପରିବାର ପ୍ରତି ବିଭିନ୍ନ ସଂଗଠନ ଓ ଶୁଭେଚ୍ଛୁ ମାନଙ୍କ ର ସୁଅ ଛୁଟିଛି।

Also Read- Google Salary: ଲିକ୍ ହେଲା ଗୁଗୁଲ୍ କର୍ମଚାରୀଙ୍କ ଦରମା ତାଲିକା! ଜାଣନ୍ତୁ କାହାର କେତେ