Currency Notes: ୨ ପ୍ରତିଶତ ହିନ୍ଦୁ ବି ନାହାଁନ୍ତି, ତଥାପି ଏହି ଦେଶର ମୁଦ୍ରାରେ କାହିଁକି ଛପା ଯାଉଛି ଗଣେଶଙ୍କ ଫଟୋ?

Indonesia Currency Notes: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ (Arvind Kejriwal) ବୁଧବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ (Prime Minister Narendra Modi) ଦେବୀ ଲକ୍ଷ୍ମୀ (Goddess Lakshmi) ଓ ଭଗବାନ ଗଣେଶଙ୍କ (Lord Ganesha) ପ୍ରତିମୂର୍ତ୍ତିକୁ ଭାରତୀୟ ମୁଦ୍ରାରେ ଛପାଇବାକୁ ଅନୁରୋଧ କରିଛନ୍ତି । ତେବେ ଭାରତୀୟ ଜନତା ପାର୍ଟି କେଜ୍ରିୱାଲଙ୍କ ଅନୁରୋଧକୁ କଡ଼ା ସମାଲୋଚନା କରି ଆସନ୍ତା ନିର୍ବାଚନ ପୂର୍ବରୁ ତାଙ୍କ ଦଳର ହିନ୍ଦୁ ବିରୋଧୀ ଚେହେରାକୁ ଲୁଚାଇବା ଏକ ବିଫଳ ପ୍ରୟାସ ବୋଲି କହିଛି । ପ୍ରଧାନମନ୍ତ୍ରୀଙ୍କୁ ନିବେଦନ କରି କେଜ୍ରିୱାଲ ଏପରି ଏକ ଦେଶ ବିଷୟରେ କହିଛନ୍ତି, ଯେଉଁଠାରେ ମୁସଲମାନ ସଂଖ୍ୟାଗରିଷ୍ଠତା ଥିବା ସତ୍ତ୍ୱେ ପ୍ରଭୁ ଗଣେଶଙ୍କ ଚିତ୍ର ତାଙ୍କ ନୋଟରେ ଛପା ଯାଇଥାଏ ।

ବାସ୍ତବରେ କେଜ୍ରିୱାଲ ଇଣ୍ଡୋନେସିଆ ବିଷୟରେ କହିଛନ୍ତି । AAP ଜାତୀୟ ସଂଯୋଜକ କେଜ୍ରିୱାଲ ସ୍ପଷ୍ଟ କରିଛନ୍ତି ଯେ ତାଙ୍କ ପରାମର୍ଶ କାହା ବିରୁଦ୍ଧରେ ନୁହେଁ । ସେ କହିଛନ୍ତି ଯେ ଇଣ୍ଡୋନେସିଆରେ ମଧ୍ୟ ୮୫% ରୁ ଅଧିକ ମୁସଲମାନ ଜନସଂଖ୍ୟା ଓ ଦୁଇ ପ୍ରତିଶତରୁ କମ୍ ହିନ୍ଦୁ ଅଛନ୍ତି, ଏହାର ମୁଦ୍ରା ନୋଟରେ ଭଗବାନ ଗଣେଶଙ୍କ ଚିତ୍ର ରହିଛି । ଇଣ୍ଡୋନେସିଆ ଏହାର ୨୦,୦୦୦ ଟଙ୍କିଆ ନୋଟରେ ଭଗବାନ ଗଣେଶଙ୍କ ଚିତ୍ର ରଖିଛନ୍ତି ।

ଇଣ୍ଡୋନେସିଆରେ ୨୦,୦୦୦ ଟଙ୍କା ମୂଲ୍ୟର ଏକ ନୋଟ୍ ଅଛି, ଯେଉଁଥିରେ ଭଗବାନ ଗଣେଶ ଛପା ଯାଇଛି । ଏହା ହେଉଛି ଏକମାତ୍ର ଦେଶ ଯେଉଁଠାରେ ଭଗବାନ ଗଣେଶଙ୍କୁ ନୋଟରେ ରଖାଯାଇଛି । ଭଗବାନ ଗଣେଶଙ୍କ ଚିତ୍ର ସହିତ ଏହା ପାଖରେ 'କି ହଜାରେ ଦେବନ୍ତରା'ର ଚିତ୍ର ଅଛି । ୧୯୪୯ ମସିହାରେ, କି ହଜାର ଦେବନ୍ତରା ବେ ଇଣ୍ଡୋନେସିଆର ପ୍ରଥମ ଜାତୀୟ ଶିକ୍ଷା ମନ୍ତ୍ରୀ ଥିଲେ । ନୋଟର ପଛ ଭାଗରେ ଏକ ଶ୍ରେଣୀଗୃହର ଚିତ୍ର ଅଛି, ଯେଉଁଠାରେ ପିଲାମାନେ ଅଧ୍ୟୟନ କରୁଛନ୍ତି । ଇଣ୍ଡୋନେସିଆ ହେଉଛି ବିଶ୍ୱର ସବୁଠାରୁ ଜନସଂଖ୍ୟା ବିଶିଷ୍ଟ ମୁସଲମାନ ଦେଶ ଓ ବିଶ୍ୱର ତୃତୀୟ ବୃହତ୍ତମ ଗଣତନ୍ତ୍ର ।

ଇଣ୍ଡୋନେସିଆ ମୁଦ୍ରାରେ ଗଣେଶଙ୍କ ଚିତ୍ର ତାଙ୍କର 'ଧର୍ମନିରପେକ୍ଷତା'କୁ ଦର୍ଶାଉଛି । ବାସ୍ତବରେ ଇଣ୍ଡୋନେସିଆ ସରକାର ୬ ଟି ଧର୍ମକୁ ଆନୁଷ୍ଠାନିକ ଭାବେ ସ୍ୱୀକୃତି ଦେଇଛନ୍ତି । ଏଥିମଧ୍ୟରେ ଇସଲାମ, ପ୍ରୋଟେଷ୍ଟାଣ୍ଟିଜିମ୍, କ୍ୟାଥୋଲିକ୍, ହିନ୍ଦୁ ଧର୍ମ, ବୌଦ୍ଧ ଧର୍ମ ଓ କନଫୁସିଆନିଜିମ୍ ଅନ୍ତର୍ଭୁକ୍ତ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଇଣ୍ଡୋନେସିଆରେ ହିନ୍ଦୁମାନଙ୍କର ଜନସଂଖ୍ୟା ଦୁଇ ପ୍ରତିଶତରୁ କମ୍ ଅର୍ଥାତ ୧.୭ ପ୍ରତିଶତ ରହିଛି । ଏହାର ଅଳ୍ପ ଜନସଂଖ୍ୟା ସତ୍ତ୍ୱେ ଏହାର ଇତିହାସ ହିନ୍ଦୁ ବିଶ୍ୱାସ ଓ ସଂସ୍କୃତି ସହିତ ଜଡିତ ।ଏଠାରେ ଏହିପରି ଅନେକ ଐତିହାସିକ ସ୍ଥାନ ଦେଖିବାକୁ ମିଳେ, ଯାହା ଇଣ୍ଡୋନେସିଆବାସୀଙ୍କ ସହିତ ହିନ୍ଦୁ ଧର୍ମର ମିଳନକୁ ଦର୍ଶାଉଛି ।

ଇଣ୍ଡୋନେସିଆ ଏକଦା ଚୋଳ ରାଜବଂଶର ରାଜାମାନଙ୍କ ଅଧୀନରେ ଥିଲା, ଯେଉଁଠାରେ ଅନେକ ମନ୍ଦିର ଅଛି । ଏହି ମୁସଲମାନ ସଂଖ୍ୟାଲଘୁ ଦେଶରେ ଭଗବାନ ଗଣେଶଙ୍କୁ ଜ୍ଞାନ, ସମୃଦ୍ଧତା, କଳା ଓ ବିଜ୍ଞାନର ପ୍ରତୀକ ଭାବରେ ଦେଖାଯାଏ । ଏଠାରେ ଗଣେଶଙ୍କୁ ଶିକ୍ଷାର ଭଗବାନ ଭାବରେ ପୂଜା କରାଯାଏ । ଏହି କାରଣରୁ ଇଣ୍ଡୋନେସିଆ ୨୦,୦୦୦ ଟଙ୍କା ମୁଦ୍ରା ନୋଟରେ ଭଗବାନ ଗଣେଶଙ୍କୁ ସ୍ଥାନ ଦେଇଛି ।

ଏହା ବି ପଢ଼ନ୍ତୁ: Ram Rahim: ହନିପ୍ରୀତଙ୍କ ନାମକୁ 'ରୁହ ଦି'ରେ କାହିଁକି ବଦଳାଇଲେ ରାମ ରହୀମ, ନିଜେ ବୁଝାଇଲେ ଏହାର କାରଣ