PPF Rate: ନୂଆ ବର୍ଷରେ ଲୋକଙ୍କ ଭାଙ୍ଗିଲା ଆଶା! ପିପିଏଫ୍ ଓ ସୁକନ୍ୟା ସମୃଦ୍ଧି ଯୋଜନାକୁ ନେଇ ସରକାର କଲେ ଏହି ଘୋଷଣା

Central Government Hikes Interest Rates: କେନ୍ଦ୍ରର ମୋଦି ସରକାର (Modi Govt) କ୍ଷୁଦ୍ର ଜମା ଯୋଜନା ଗୁଡ଼ିକ ଉପରେ ସୁଧ ହାରରେ ବୃଦ୍ଧି ଘୋଷଣା କରିଛନ୍ତି । ଏଥିରେ ଡାକଘର ଫିକ୍ସଡ ଡିପୋଜିଟ୍ (Post Office Fixed Deposit), NSC (ଜାତୀୟ ସଞ୍ଚୟ ପ୍ରମାଣପତ୍ର) ଏବଂ ବରିଷ୍ଠ ନାଗରିକ ସଞ୍ଚୟ ଯୋଜନା (Senior Citizen Savings Scheme) ସାମିଲ ଅଛି । ଅର୍ଥ ବ୍ୟବସ୍ଥାରେ ସୁଧ ହାରରେ ମଜବୁତି ଅନ୍ତର୍ଗତ ଜାନୁଆରୀ ୧ରୁ ଏହି ଜମା ଯୋଜନାର ସୁଧ ହାରକୁ ୧.୧ ପ୍ରତିଶତ ବୃଦ୍ଧି କରିବାକୁ ଘୋଷଣା କରାଯାଇଛି ।

ତେବେ ପବ୍ଲିକ ପ୍ରୋଭିଡେଣ୍ଟ ପାଣ୍ଠି (PPF) ଓ ବାଳିକା ସଞ୍ଚୟ ଯୋଜନା ସୁକନ୍ୟା ସମୃଦ୍ଧି (Sukanya Samriddhi Scheme) ଉପରେ ସୁଧ ହାରରେ ପରିବର୍ତ୍ତନ କରାଯାଇ ନାହିଁ । ଜାତୀୟ ସଞ୍ଚୟ ପ୍ରମାଣପତ୍ର (NSC) ଜାନୁଆରୀ ୧ରୁ ସାତ ପ୍ରତିଶତ ସୁଧ ପାଇବ, ବର୍ତ୍ତମାନ ଏହା ଉପରେ ୬.୮ ପ୍ରତିଶତ ସୁଧ ହାର ମିଳୁଛି । ସେହିଭଳି ବରିଷ୍ଠ ନାଗରିକ ସଞ୍ଚୟ ଯୋଜନା ବର୍ତ୍ତମାନର ୭.୬ ପ୍ରତିଶତ ତୁଳନାରେ ୮ ପ୍ରତିଶତ ସୁଧ ପାଇବ । ଏକରୁ ପାଞ୍ଚ ବର୍ଷର ଅବଧି ପୋଷ୍ଟ ଅଫିସ୍ ଟର୍ମ ଜମା ସ୍କିମ୍ ଉପରେ ସୁଧ ହାର ଜାନୁଆରୀ ୧, ୨୦୨୩ରୁ ୧.୧ ପ୍ରତିଶତକୁ ବୃଦ୍ଧି ପାଇବ । ମାସିକ ଆୟ ଯୋଜନାରେ ସୁଧ ହାର ୬.୭ ପ୍ରତିଶତରୁ ୭.୧ ପ୍ରତିଶତକୁ ବୃଦ୍ଧି କରାଯାଇଛି । 

ଅଧିକ ପଢ଼ନ୍ତୁ:-ବସ୍-କାର ମୁହାଁମୁହିଁ ଧକ୍କା; ୯ ମୃତ, ୩୨ ଆହତ, ଶୋକ ପ୍ରକାଶ କଲେ ଗୃହମନ୍ତ୍ରୀ

ଅଧିକ ପଢ଼ନ୍ତୁ:-ରେଲୱେ ବାତିଲ କଲା ପୁଣି ୨୩୯ ଟ୍ରେନ୍, ଜାଣନ୍ତୁ ତାଲିକାରେ ଓଡ଼ିଶା କେଉଁ କେଉଁ ଟ୍ରେନ ରହିଛି ସାମିଲ; ଘରୁ ବାହାରିବା ପୂର୍ବରୁ ଦେଖି ନିଅନ୍ତୁ ପୂରା ଲିଷ୍ଟ୍

ଅଧିକ ପଢ଼ନ୍ତୁ:-ଋଷଭ ପନ୍ତଙ୍କ ସ୍ୱାସ୍ଥ୍ୟବସ୍ଥା ଉପରେ ଆସିଲା ବଡ଼ ଅପଡେଟ୍, ଜାଣନ୍ତୁ ବର୍ତ୍ତମାନ କେତେ ଦିନ ପର୍ଯ୍ୟନ୍ତ କ୍ରିକେଟ୍ ଠାରୁ ଦୂରେଇ ରହିବେ ସେ

ଛୋଟ ଜମା ସଞ୍ଚୟ ଯୋଜନାର ସୁଧ ହାରରେ ବୃଦ୍ଧି ମୋଦି ସରକାରଙ୍କ ତରଫରୁ ଏକ ନୂତନ ବର୍ଷର ଉପହାର ଭାବରେ ଦେଖାଯାଉଛି । ବର୍ତ୍ତମାନ ଜାନୁଆରୀରୁ ମାର୍ଚ୍ଚ ତ୍ରୈମାସିକ ପାଇଁ ଏହି ବୃଦ୍ଧି କରାଯାଇଛି । ଡାକ ବିଭାଗର ଏକ ବର୍ଷର ସଞ୍ଚୟ ଯୋଜନାରେ ସରକାର ସୁଧ ହାରକୁ ୫.୫ ପ୍ରତିଶତରୁ ୬.୬ ପ୍ରତିଶତକୁ ବୃଦ୍ଧି କରିଛନ୍ତି । ସେହିପରି ୨ ବର୍ଷର ସ୍କିମ୍ ଉପରେ ୬.୮ ପ୍ରତିଶତ ହାରରେ ସୁଧ ମିଳିବ, ଯାହା ପୂର୍ବରୁ ୫.୭ ପ୍ରତିଶତ ଥିଲା । ୩ ବର୍ଷର ଯୋଜନାରେ ସୁଧ ହାର ୬.୯ ପ୍ରତିଶତକୁ ବୃଦ୍ଧି କରାଯାଇଛି, ଯାହା ପୂର୍ବରୁ ୫.୮ ପ୍ରତିଶତ ଥିଲା । ଏଥି ସହିତ ପାଞ୍ଚ ବର୍ଷର ଯୋଜନାରେ ୭ ହାରରେ ସୁଧ ଦିଆଯିବ, ଏହା ପୂର୍ବରୁ ୬.୭ ପ୍ରତିଶତ ଥିଲା । ତ୍ରୈମାସିକ ଭିତ୍ତିରେ କେନ୍ଦ୍ର ସରକାର କ୍ଷୁଦ୍ର ସଞ୍ଚୟ ଯୋଜନାର ସୁଧ ହାର ସମୀକ୍ଷା କରନ୍ତି । ଛୋଟ ବଜେଟ୍ ଯୋଜନା ପାଇଁ ସୁଧ ହାର ହିସାବ କରିବାର ସୂତ୍ର ଶ୍ୟାମଲା ଗୋପୀନାଥ କମିଟି ଦ୍ୱାରା ଦିଆଯାଇଥିଲା ।