Amarnathji Yatra 2024: ଅମରନାଥ ଯାତ୍ରୀଙ୍କ ପାଇଁ ବଢ଼ିବ ଟେଲିକମ୍ ସଂଯୋଗୀକରଣ

Amarnathji Yatra 2024: ଚଳିତ ବର୍ଷ ଅମରନାଥ ଯାତ୍ରାରେ ଯାଉଥିବା ତୀର୍ଥଯାତ୍ରୀମାନଙ୍କ ପାଇଁ ମୋବାଇଲ୍ ସଂଯୋଗକୁ ସୁନିଶ୍ଚିତ କରିବା ପାଇଁ ଟେଲିକମ୍ ଭିତ୍ତିଭୂମିରେ ଉଲ୍ଲେଖନୀୟ ଉନ୍ନତି ଘୋଷଣା କରିଛି। ଯାତ୍ରୀଙ୍କୁ ରାସ୍ତାରେ କ୍ରମାଗତ କଭରେଜ୍ ପ୍ରଦାନ କରିବାକୁ ଏପରି ପଦକ୍ଷେପ ନିଆଯାଇଛି। ଭାରତର ଚାରୋଟି ଟେଲିକମ୍ ଅପରେଟରଙ୍କ ମଧ୍ୟରୁ ଭାରତ ସଞ୍ଚାର ନିଗମ ଲିମିଟେଡ୍ (BSNL), ରିଲାଏନ୍ସ ଜିଓ ଏବଂ ଏୟାରଟେଲ ନୂତନ ମୋବାଇଲ୍ ସାଇଟ୍ ଯୋଡି଼ହୋଇଛନ୍ତି।ଏୟାରଟେଲ ଏବଂ ବିଏସଏନଏଲ ତୁଳନାରେ ଯାତ୍ରା ରୁଟରେ ରିଲାଏନ୍ସ ଜିଓର ସର୍ବାଧିକ ସାଇଟ୍ ଅଛି।

ଏଥିସହ ତୀର୍ଥଯାତ୍ରୀମାନଙ୍କ ପାଇଁ ନୂତନ ସିମ୍ ବିତରଣ କେନ୍ଦ୍ର ଖୋଲାଯାଇଥିଲା ଯାହା ଦ୍ୱାରା ସେମାନେ ମୋବାଇଲ୍ ସଂଯୋଗ ପାଇବାକୁ ନିଜ ପସନ୍ଦର ଏକ ନୂତନ ସିମ୍ ବାଛି ପାରିବେ। ଟେଲିକମ୍ ଭିତ୍ତିଭୂମିରେ ଏହି ଉନ୍ନତି ନିଶ୍ଚିତ କରିବ ଯେ ତୀର୍ଥଯାତ୍ରୀମାନେ ପୁରା ଯାତ୍ରାରେ ସେମାନଙ୍କ ପ୍ରିୟଜନଙ୍କ ସହ କଥା ହୋଇପାରିବେ। ସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତି କିମ୍ବା ସଙ୍କଟ ସମୟରେ ସେମାନଙ୍କୁ ସାହାଯ୍ୟ ମଧ୍ୟ ପ୍ରଦାନ କରିବେ।

ସଂଯୋଗୀକରଣ ବୃଦ୍ଧି:

ଉପଭୋକ୍ତାମାନଙ୍କୁ ହାଇ ସ୍ପିଡ୍ ଇଣ୍ଟରନେଟ୍ ସଂଯୋଗ ବିତରଣ ପାଇଁ କେତେକ କ୍ଷେତ୍ରରେ 5G ସାଇଟ୍ ଯୋଡା ଯାଇଛି। ଏହି ତିନି ଟେଲିକମ୍ ଅପରେଟର ମିଳିତ ଭାବରେ ଯାତ୍ରା ରୁଟ୍ ପାଇଁ ୩୧ ଟି ନୂତନ ମୋବାଇଲ୍ ସାଇଟ୍ ଯୋଡିଛନ୍ତି। ଏହାପୂର୍ବରୁ, ୨୦୨୩ ରେ ୫୧ ଟି ସାଇଟ୍ ଥିଲା, ବର୍ତ୍ତମାନ ସମୁଦାୟ ସାଇଟ୍ ୮୨ କୁ ବୃଦ୍ଧି ପାଇଛି।ଲାଖନପୁରରୁ କାଜିଗୁଣ୍ଡ ପର୍ଯ୍ୟନ୍ତ ଏବଂ କାଜିଗୁଣ୍ଡରୁ ପହଲଗାମ ଏବଂ ବାଲ୍ଟାଲ ପର୍ଯ୍ୟନ୍ତ 2G, 3G, 4G ସହିତ ଅନେକ ସ୍ଥାନରେ 5G ଟେକ୍ନୋଲୋଜି ଅନ୍ତର୍ଭୁକ୍ତ ହୋଇଛି।