Iron Dome For Home: ମଶା ମାନଙ୍କର କାଳ ଏହି ମେସିନ୍, ଖୋଜି ଖୋଜି କରୁଛି ଶିକାର! ଆନନ୍ଦ ମହିନ୍ଦ୍ରା ସେୟାର କଲେ ଏକ ଆଶ୍ଚର୍ଯ୍ୟଜନକ ଭିଡିଓ

Iron Dome For Home Video: ମନସୁନ ସମୟରେ ଦେଶର ବିଭିନ୍ନ ସହରରେ ଡେଙ୍ଗୁ ରୋଗ ବୃଦ୍ଧି ପାଉଛି, ଯେଉଁଥିପାଇଁ ଲୋକମାନେ ଚିନ୍ତିତ ଅଛନ୍ତି। ଏହି ସମୟରେ ମହିନ୍ଦ୍ରା ଆଣ୍ଡ ମହିନ୍ଦ୍ରା ଅଧ୍ୟକ୍ଷ ଆନନ୍ଦ ମହିନ୍ଦ୍ରା ଏକ ଭିଡିଓ ସେୟାର କରିଛନ୍ତି ଯାହାକୁ ଦେଖିବା ପରେ ସୋସିଆଲ ମିଡିଆରେ ଲୋକମାନେ ଆଶ୍ଚର୍ଯ୍ୟ ହୋଇଯାଉଛନ୍ତି। ଏହି ଭିଡିଓରେ ଏକ ମେସିନ୍ ନଜର ଆସୁଛି, ଯାହା ଘରେ ମଶା  ମାନଙ୍କୁ ଖୋଜି ତାଙ୍କୁ ମାରିପାରେ। ଏହି ମେସିନକୁ ଜଣେ ଚାଇନିଜ୍ ବ୍ୟକ୍ତି ପ୍ରସ୍ତୁତ କରିଛନ୍ତି ଓ ମହିନ୍ଦ୍ରା ଏହାକୁ 'ଘରର ଆଇରନ୍ ଡୋମ୍' ବୋଲି ବର୍ଣ୍ଣନା କରିଛନ୍ତି।

ସୋସିଆଲ ମିଡିଆ ପ୍ଲାଟଫର୍ମ X ରେ ଏହି ଭିଡିଓ ସେୟାର କରିବାବେଳେ ସେ ଲେଖିଛନ୍ତି ଯେ ମୁମ୍ବାଇରେ ଡେଙ୍ଗୁ ରୋଗର ବୃଦ୍ଧି ଘଟୁଛି। ମୁଁ ଏହି ଛୋଟ ତୋପକୁ ହାସଲ କରିବାକୁ ଚେଷ୍ଟା କରୁଛି ଯାହା ଜଣେ ଚାଇନିଜ୍ ଲୋକ ମଶା ଖୋଜିବା ଓ ତାକୁ ନଷ୍ଟ କରିବା ପାଇଁ ତିଆରି କରିଛି । ଏକ 'ଆଇରନ୍ ଡୋମ୍'ଆପଣଙ୍କ ଘର ପାଇଁ।

With dengue on the rise in Mumbai, I’m trying to figure out how to acquire this miniature cannon, invented by a Chinese man, which can seek out & destroy mosquitoes!

An Iron Dome for your Home…

pic.twitter.com/js8sOdmDsd

— anand mahindra (@anandmahindra) August 24, 2024

ଆନନ୍ଦ ମହିନ୍ଦ୍ରା ଏହାର ଉତ୍ସ ବିଷୟରେ ବିସ୍ତୃତ ବିବରଣୀ ନକରି ଭିଡିଓ ସେୟାର କରିଛନ୍ତି, ଯେଉଁଥିରେ ଏକ ଛୋଟ ତୋପ ଏକ ଘରେ ମଶାକୁ ନଷ୍ଟ କରିଥିବାର ଦେଖାଯାଉଛି। ଭିଡିଓରେ ଏକ ନୋଟବୁକ୍ ମଧ୍ୟ ଦେଖାଯାଇଛି ଯେଉଁଥିରେ ମୃତ ମଶାକୁ ଭିନ୍ନ ଭିନ୍ନ ପୃଷ୍ଠାରେ କ୍ରମାଗତ ଭାବରେ ପେଷ୍ଟ କରାଯାଇଛି। କହି ରଖୁଛୁ ଯେ ଏହି ଭିଡିଓକୁ ଜୀ ଓଡ଼ିଶା ନ୍ୟୁଜ୍ ନିଶ୍ଚିତ କରେ ନାହିଁ।

ଏହି ଭିଡିଓ ଭାଇରାଲ ହେବା ପରେ ଅନେକ ସୋସିଆଲ ମିଡିଆ ବ୍ୟବହାରକାରୀ ଆନନ୍ଦ ମହିନ୍ଦ୍ରାଙ୍କ ମୁମ୍ବାଇରେ ବଢୁଥିବା ଡେଙ୍ଗୁ ରୋଗର ମୁକାବିଲା ପାଇଁ ତାଙ୍କ ଧାରଣାକୁ ପ୍ରଶଂସା କରୁଛନ୍ତି। ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛନ୍ତି, "ହେ ଭଗବାନ! ଉଦ୍ଭାବନ ଦୃଷ୍ଟିରୁ ଚୀନ୍ ବହୁତ ଆଗରେ ଅଛି।" ଅନ୍ୟ ଜଣେ ଉପଭୋକ୍ତା କମେଣ୍ଟ ଦେଇଛନ୍ତି, ଯଦିଓ ତୋପ ନ ମିଳେ, ତଥାପି ମୁଁ ଏହି ଲଗବୁକ୍ ପାଇବାକୁ ଚାହୁଁଛି ଯାହା ଏହି ବ୍ୟକ୍ତି ନିଜ ପାଖରେ ରଖିଛି। ଅନ୍ୟ କେତେକ ଉପଭୋକ୍ତା ମଧ୍ୟ ସେମାନଙ୍କର ପ୍ରତିକ୍ରିୟା ଦେଇଛନ୍ତି, ଯେପରି ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ଆପଣ ମୋତେ ଏକ କୋଟିପତି ବ୍ୟବସାୟ ଧାରଣା ଦେଇଛ। ଜଣେ ଉପଭୋକ୍ତା ଲେଖିଛନ୍ତି, "ଏହି ଚାଇନିଜ୍ ଲୋକ ନାନା ପାଟେକରଙ୍କୁ ବହୁତ ଗମ୍ଭୀରତାର ସହ ନେଇଛନ୍ତି!"

Also Read: SCO Meet: ପାକିସ୍ତାନ ଯିବେ ପ୍ରଧାନମନ୍ତ୍ରୀ ମୋଦୀ? SCO ବୈଠକରେ ଯୋଗଦେବାକୁ ନିମନ୍ତ୍ରଣ ପଠାଇଥିଲେ ପାକ୍ ପିଏମ୍

Also Read: Unified Pension Scheme: ସରକାରୀ କର୍ମଚାରୀମାନଙ୍କ ପାଇଁ ଖୁସି ଖବର! ଆପଣଙ୍କୁ ବେସିକ୍ ସାଲିରର ୫୦% ମିଳିବ ପେନସନ୍