Accident News: ଦୁର୍ଘଟଣାରେ ୨୦ ଗାଡି ପାଉଁଶ, ୫ ଜୀବନ୍ତ ଦଗ୍ଧ

Accident News: ନୂଆଦିଲ୍ଲୀ: ରାଜସ୍ଥାନରେ ସକାଳୁ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୫ ଜଣଙ୍କ ଜୀବନ ହାନୀ ଘଟିଛି। କେମିକାଲ ବୋଝେଇ ଏକ ଟ୍ରକକୁ ସିଏନଜି ଗ୍ୟାସ ଭର୍ତ୍ତି ଟ୍ୟାଙ୍କର ଧକ୍କା ଦେଇଥିଲା। ଫଳରେ ଏହି ଦୁର୍ଘଟଣା ପରେ ଦୁଇଟି ଯାକ ଦୁର୍ଘଟଣାଗ୍ରସ୍ତ ଗାଡିରେ ନିଆଁ ଲାଗିଯାଇଥିଲା। ଆଖିପିଛୁଳାକେ ନିଆଁ ବ୍ୟାପିବାରୁ ନିକଟରେ ଥିବା ଅନ୍ୟ ଗାଡି ଗୁଡିକରେ ମଧ୍ୟ ନିଆଁ ଲାଗିଯାଇଥିଲା। ଏହି ନିଆଁରେ ଜଳି ୫ ଜଣଙ୍କ ମୃତ୍ୟୁ ହୋଇଥିବା ବେଳେ ୧୫ ଜଣ ଅତ୍ୟନ୍ତ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। 

#WATCH | Jaipur, Rajasthan | 4 dead and several injured in a major accident and fire incident in the Bhankrota area.

A fire broke out due to the collision of many vehicles one after the other. Efforts are being made to douse the fire. pic.twitter.com/3WHwok5u8W

— ANI (@ANI) December 20, 2024

ସେପଟେ ଏକ ବସ ଚାଳକଙ୍କ ଉପସ୍ଥିତି ବୁଦ୍ଧିଯୋଗୁଁ ଏକାଧିକ ଯାତ୍ରୀ ସୁରକ୍ଷିତ ଭାବେ ଏହି ଦୁର୍ଘଟଣାରୁ ବର୍ତ୍ତି ଯାଇଛନ୍ତି। ଏକ କାରଖାନାରେ ମଧ୍ୟ ନିଆଁ ଲାଗିଯାଇ ପାଉଁଶ ହୋଇଯାଇଥିଲା। ଏହି ଦୁର୍ଘଟଣା ଯୋଗୁଁ ଅଜମେର ରାଜପଥରେ ଯାତାୟାତ ବନ୍ଦ ହୋଇଯାଇଛି। ସିଭିଲ୍ ଡିଫେନ୍ସ ପୋଲିସ୍ ଏବଂ ସ୍ଥାନୀୟ ଲୋକଙ୍କ ସହାୟତାରେ ଅଗ୍ନିଶମ ବିଭାଗର କର୍ମଚାରୀମାନେ ଦୁର୍ଘଟଣା ଗାଡିରୁ ଲୋକଙ୍କୁ ନେଇ ଡାକ୍ତରଖାନା ନେଇଥିଲେ। ଦୁର୍ଘଟଣାରେ ପୀଡିତଙ୍କୁ ଭେଟିବା ପାଇଁ ମୁଖ୍ୟମନ୍ତ୍ରୀ ଭଜନ ଲାଲ ଡାକ୍ତରଖାନାରେ ପହଞ୍ଚିଥିବାର ଖବର ସାମ୍ନାକୁ ଆସିଛି।