ହୋଟେଲରେ ପ୍ରେମିକାକୁ ହତ୍ୟା କଲା ୨୦ ବର୍ଷୀୟ ଯୁବକ, ହ୍ବାଟସ୍ ଆପ୍ ଷ୍ଟାଟସରେ ରଖିଲା ମୃତ ଦେହ ଫଟୋ
trendingNow,recommendedStories0/zeeodisha/odisha1989636

ହୋଟେଲରେ ପ୍ରେମିକାକୁ ହତ୍ୟା କଲା ୨୦ ବର୍ଷୀୟ ଯୁବକ, ହ୍ବାଟସ୍ ଆପ୍ ଷ୍ଟାଟସରେ ରଖିଲା ମୃତ ଦେହ ଫଟୋ

Crime News:ପ୍ରେମିକାକୁ ହତ୍ୟା କରିବା ପରେ ଯୁବକ ଜଣକ ହ୍ୱାଟସ୍ ଆପ୍ ଷ୍ଟାଟସରେ  ମୃତ ଶରୀରର ଫଟୋ ରଖିଥିଲା, ଯାହାକୁ ଦେଖି କିଛି ବନ୍ଧୁ ଆଚମ୍ବିତ ହୋଇଯାଇଥିଲେ ଏଵଂ ପରେ କ୍ରୋମପେଟ ପୋଲିସକୁ ସୂଚନା ଦେଇଥିଲେ ।

ହୋଟେଲରେ ପ୍ରେମିକାକୁ ହତ୍ୟା କଲା ୨୦ ବର୍ଷୀୟ ଯୁବକ, ହ୍ବାଟସ୍ ଆପ୍ ଷ୍ଟାଟସରେ ରଖିଲା ମୃତ ଦେହ ଫଟୋ

Crime News: ଚେନ୍ନାଇର ଏକ ହୋଟେଲରୁ ୨୦ ବର୍ଷ ବୟସ୍କା ନର୍ସିଂ ଛାତ୍ରୀ (nursing student) ଫୁସିଆଙ୍କ ମୃତଦେହ ଉଦ୍ଧାର କରାଯାଇଛି। ପ୍ରେମିକାକୁ ହତ୍ୟା କରିବା ପରେ ଯୁବକ ଜଣକ ହ୍ୱାଟସ୍ ଆପ୍ ଷ୍ଟାଟସରେ (Whatsapp status) ମୃତ ଶରୀରର ଫଟୋ ରଖିଥିଲା, ଯାହାକୁ ଦେଖି କିଛି ବନ୍ଧୁ ଆଚମ୍ବିତ ହୋଇଯାଇଥିଲେ ଏଵଂ ପରେ କ୍ରୋମପେଟ ପୋଲିସକୁ ସୂଚନା ଦେଇଥିଲେ । ପୋଲିସ ଉକ୍ତ ଅଞ୍ଚଳରେ ଯାଞ୍ଚ କରି କ୍ରୋମପେଟର ସିଏଲସି ୱାର୍କସ ରୋଡରେ ଥିବା ଏକ ହୋଟେଲରେ ମୃତଦେହ ଜବତ କରିଥିବା TOI ରିପୋର୍ଟରେ ଦର୍ଶାଯାଇଛି। କ୍ରୋମପେଟର ଏକ କଲେଜର ଦ୍ୱିତୀୟ ବର୍ଷର ନର୍ସିଂ ଛାତ୍ରୀ ଫୁସିଆ ନ୍ୟୁ କଲୋନୀରେ ଏକ ହଷ୍ଟେଲରେ ରହୁଥିଲେ। ସେ ଗତ ତିନି ଦିନ ଧରି କଲେଜ ଯାଇ ନଥିଲେ।

ହୋଟେଲ କର୍ମଚାରୀ ପୋଲିସକୁ କହିଛନ୍ତି ଯେ କେସିଆର କୋଲାମରୁ ଫୁସିଆ ଏବଂ ତାଙ୍କ ପ୍ରେମିକ ୨୦ ବର୍ଷୀୟ ଆଶିକ୍ ସକାଳ ୧୦.୩୦ ରେ ଚେକ୍ ଇନ୍ କରିଥିଲେ। ପୋଲିସ ଉକ୍ତ ଅଞ୍ଚଳରେ ଥିବା ସିସିଟିଭି କ୍ୟାମେରା ଫୁଟେଜକୁ ଅନୁସନ୍ଧାନ କରି ଆଶିକଙ୍କୁ ନିକଟସ୍ଥ ଏକ ଭୋଜନାଳୟରୁ ଗିରଫ କରିଥିଲା। ପ୍ରାଥମିକ ଯାଞ୍ଚ ଅନୁଯାୟୀ, ଦମ୍ପତ୍ତି ହୋଟେଲରେ ପହଞ୍ଚିବା ପରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଫୁସିଆ ଆଶିକଙ୍କ ମୋବାଇଲରେ ଥିବା ଅନ୍ୟ ଜଣେ ମହିଳାଙ୍କ ଫଟୋ ବିଷୟରେ ପଚାରିଥିଲେ। ଏହାର ଜବାବରେ ଆଶିକ୍ ଫୁସିଆଙ୍କୁ ପିଟିବା ସହିତ ତାଙ୍କ ଟି-ସାର୍ଟ (T-shirt)ରେ ହତ୍ୟା କରିଥିଲେ, ଏହା ପରେ ସେ ତାଙ୍କ ଶରୀରର ଫଟୋକୁ ହ୍ବାଟସ୍ ଆପ୍ ଷ୍ଟାଟସରେ ଅପଲୋଡ୍ କରିଥିଲେ ବୋଲି ପୋଲିସ କହିଛି। କଲେଜରେ ଫୁସିଆଙ୍କର କିଛି ବନ୍ଧୁ, ଯେଉଁ ମାନଙ୍କର ନମ୍ବର ଆଶିକ ମୋବାଇଲରେ ଥିଲା । ରାତି ପ୍ରାୟ ୫ ଟା ସମୟରେ ଅଶୋକ ପୋଷ୍ଟ କରିଥିବା ଷ୍ଟାଟସ୍ ଦେଖିବା ପରେ ସେମାନେ ପୋଲିସକୁ ସୂଚନା ଦେଇଥିଲେ ।

ପୋଲିସର ସୂଚନାନୁସାରେ, ଏହି ଦମ୍ପତି ପାଞ୍ଚ ବର୍ଷ ଧରି ସମ୍ପର୍କରେ ଥିଲେ ଏବଂ ଗୁପ୍ତରେ ବିବାହ (Secret Marriage) କରିଥିଲେ। ଏପରିକି ସେମାନଙ୍କର ଏକ ସନ୍ତାନ ମଧ୍ୟ ଥିଲା ଯାହାକୁ ସେମାନେ ଚିକାମାଗାଲୁରରେ ପୋଷ୍ୟ ସନ୍ତାନ ଭାବରେ ଛାଡି ଦେଇଥିଲେ। ଦୁଇ ବର୍ଷ ପୂର୍ବେ ଏହି ଦମ୍ପତି ଅଲଗା ହୋଇଯାଇଥିଲେ । ଯେତେବେଳେ ଫୁସିଆ ଅନେକ ମହିଳାଙ୍କ ସହ ଆଶିକଙ୍କ ସମ୍ପର୍କ ଥିବା ଜାଣିଥିଲେ, ସେ କେରଳ ପୋଲିସ ନିକଟରେ ଅଭିଯୋଗ  କରିଥିଲେ । ଏପରିକି ପୋକ୍ସୋ ଆକ୍ଟ ଅନୁଯାୟୀ ଆଶିକକୁ ଜେଲକୁ ମଧ୍ୟ ପଠାଇଥିଲେ। ତାଙ୍କୁ ମୁକ୍ତ କରାଯିବା ପରେ ସେ କ୍ଷମା ପ୍ରାର୍ଥନା କରିଥିଲେ ଏବଂ ଦମ୍ପତି ଏକାଠି ହୋଇଥିଲେ। ସେବେଠାରୁ ଉଭୟ ବାରମ୍ବାର ଦେଖା କରୁଥିଲେ। ଫୁସିଆଙ୍କ ମୃତଦେହ କ୍ରୋମପେଟ ସରକାରୀ ଡାକ୍ତରଖାନାକୁ ପୋଷ୍ଟମର୍ଟମ (Postmortem) ପାଇଁ ପଠାଯାଇଥିଲା। ଏହି ମାମଲାର ତଦନ୍ତ ଜାରି ରହିଛି।

Also Read- 'ସନ୍ନି ଦେୱାଲଙ୍କୁ ଭୋଟ୍ ଦେଇ କ’ଣ ମିଳିଲା...', ଗୁରୁଦାସପୁରରେ ଗର୍ଜିଲେ ସିଏମ କେଜ୍ରିୱାଲ, ବିଜେପିକୁ କଲେ ଟାର୍ଗେଟ

Also Read- କାହିଁକି ସପିଂ କରୁନାହାନ୍ତି ଗ୍ରାହକ? ପାର୍ବଣ ପରେ ଫାଙ୍କା ମଲ୍ ଏବଂ ବଜାର