Top 10 News: ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ, ଠେଲା ପେଲାରେ ୨ ସାଂସଦ ଆହାତ, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines 19 August 2024: H1. Odisha BJP youth wing protest: ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀଙ୍କୁ ରାହୁଲ ଗାନ୍ଧୀ ଠେଲି ଦେବା ପ୍ରସଙ୍ଗକୁ ନେଇ ଭାରତୀୟ ଜନତା ପାର୍ଟିର ଯୁବ ମୋର୍ଚ୍ଚା ଗୁରୁବାର ଦିନ ଭୁବନେଶ୍ୱରର ମାଷ୍ଟର କ୍ୟାଣ୍ଟିନ ଛକରେ ବିକ୍ଷୋଭ କରିଛି। ଏହା ସମେତ ଏମାନେ ରାହୁଲ ଗାନ୍ଧୀଙ୍କୁ କ୍ଷମା ମାଗିବାକୁ ଦାବି କରିଛନ୍ତି। ବିକ୍ଷୋଭ ସମୟରେ ରାହୁଲ ଗାନ୍ଧିଙ୍କ କୁଶପୁତ୍ତଳିକା ପୋଡ଼ିଥିଲେ। 

H2. Armed Police Company to guard Odisha's Similipal: ରାଜ୍ୟ ସରକାରଙ୍କ ଶିମିଳିପାଳ ସୁରକ୍ଷା ଚିନ୍ତା ବଢ଼ିଛି। ଶିମିଳିପାଳ ଅଭୟାରଣ୍ୟର ସୁରକ୍ଷା ପାଇଁ ମୁତୟନ ହେବେ ଗୋଟିଏ କମ୍ପାନୀ ଆର୍ମଡ୍ ପୋଲିସ ଫୋର୍ସ। ଏଜିଙ୍କୁ ଚିଠି ଲେଖିଲେ ଗୃହ ବିଭାଗ ସଚିବ ସତ୍ୟବ୍ରତ ସାହୁ। ମୟୁରଭଞ୍ଜ ଜିଲ୍ଲାରେ ୧୩୧ ପଦବୀ ସୃଷ୍ଟି ସହ ରାଜ୍ୟପାଳଙ୍କ ମଞ୍ଜୁରୀ ପାଇଁ ଅନୁରୋଧ କଲେ ରାଜ୍ୟ ସରକାର। 

H3. CM Majhi To Leave For 5-Day Visit To Delhi & Rajasthan: ଆଜିଠାରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୫ ଦିନିଆ ଦିଲ୍ଲୀ ଏବଂ ରାଜସ୍ଥାନ ଗସ୍ତରେ ଯିବେ। ମୁଖ୍ୟମନ୍ତ୍ରୀ ଗୁରୁବାର ସନ୍ଧ୍ୟା ସାଢ଼େ ୫ଟାରେ ଦିଲ୍ଲୀ ଅଭିମୁଖେ ଯାତ୍ରା କରିବେ। ମୁଖ୍ୟମନ୍ତ୍ରୀ ୧୯, ୨୦ ଓ ୨୧ ତାରିଖ ରାଜସ୍ଥାନରେ ରହିବାର କାର୍ଯ୍ୟକ୍ରମ ରହିଛି। ତେବେ ୨୧, ୨୨ ଓ ୨୩ ତାରିଖ ଦିଲ୍ଲୀରେ ରହିବେ ବୋଲି କୁହାଯାଉଛି। ୨୦ ତାରିଖରେ ଦିଲ୍ଲୀରୁ ରାଜସ୍ଥାନ ଯିବେ। ସେଠାରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ। ରାଜସ୍ଥାନରେ ପ୍ରାକ୍ ବଜେଟ୍ ପ୍ରସ୍ତୁତି ଆଲୋଚନାରେ ମୁଖ୍ୟମନ୍ତ୍ରୀ ଭାଗ ନେବେ।

H4. Amit Shah To Pay Two-Day Visit To Odisha: ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ । ଶାହଙ୍କ ଏହି ଦୁଇ ଦିନିଆ ଓଡ଼ିଶା ଗସ୍ତ ନେଇ ରାଜ୍ୟ ବିଜେପି ସଭାପତି ମନମୋହନ ସାମଲ ସୂଚନା ଦେଇଛନ୍ତି । ସେ କେଉଁ ତାରିଖରେ ଆସିବେ ସେନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ। କିନ୍ତୁ ଚଳିତ ଡିସେମ୍ବର ମାସ ଶେଷ ବେଳକୁ ଓଡ଼ିଶା ଆସିପାରନ୍ତି ବୋଲି ଶ୍ରୀ ସାମଲ ସୂଚନା ପ୍ରଦାନ କରିଛନ୍ତି। 

H5. Parliament Scuffle: ଗୁରୁବାର ଦିନ ରାହୁଲ ଗାନ୍ଧୀ ସଂସଦ ପରିସରରେ ବିଜେପି ୨ ସାଂସଦକୁ ଠେଲି ହୋଇଥିବାର ଅଭିଯୋଗ କରିଛନ୍ତି। ବିଜେପି ଦାବି କରିଛି ଯେ ରାହୁଲ ଗାନ୍ଧୀ ଏବଂ ତାଙ୍କ ସାଂସଦଙ୍କ ଧକ୍କା ମାରିଥିଲେ ଯାହଫଳରେ ଦୁଇ ସାଂସଦ ପ୍ରତାପ ଷଡ଼ଙ୍ଗୀ ଏବଂ ମୁକେଶ ରାଜପୁତ ଆହତ ହୋଇଛନ୍ତି।  ଏହି ଉଭୟ ବିଜେପି ସାଂସଦଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।

H6. PM Modi speaks to King Charles: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ବ୍ରିଟେନର ରାଜା ଚାର୍ଲ୍ସଙ୍କ ସହ କଥା ହୋଇ ବ୍ୟାପକ ରଣନୀତିକ ଭାଗିଦାରୀକୁ ମଜବୁତ କରିବାକୁ ଭାରତର ପ୍ରତିବଦ୍ଧତାକୁ ନିଶ୍ଚିତ କରିଛନ୍ତି। ସେମାନଙ୍କର ଆଲୋଚନା ସମୟରେ, ସେମାନେ ଐତିହାସିକ ସମ୍ପର୍କ ଉପରେ ପ୍ରତିଫଳିତ ହୋଇଥିଲେ ଏବଂ ବିଭିନ୍ନ କ୍ଷେତ୍ରରେ ଗଭୀର ସହଯୋଗକୁ ପ୍ରୋତ୍ସାହିତ କରିବାର ସେମାନଙ୍କର ସହଭାଗୀ ଲକ୍ଷ୍ୟ ଉପରେ ଗୁରୁତ୍ୱାରୋପ କରିଥିଲେ ।

H7. Congress On Parliament Ruckus: ଗୁରୁବାର ଦିନ ଏକ ସାମ୍ବାଦିକ ସମ୍ମିଳନୀରେ ମଲ୍ଲିକାର୍ଜୁନ ଖଡ୍ଗେ କହିଛନ୍ତି ଯେ ଆମେ ପ୍ରତିଦିନ ସଂସଦରେ ବିରୋଧ କରୁଥିଲୁ, କୌଣସି ହିଂସା ହୋଇନଥିଲା। ଆଜି ବି ଆମେ ଶାନ୍ତିପୂର୍ଣ୍ଣ ଭାବେ ବିରୋଧ କରୁଥିଲୁ। ଏହି ସମୟରେ ଆମକୁ ଆକ୍ରମଣ କରାଯାଇଥିଲା। ବିଜେପି ସାଂସଦମାନେ ମୋତେ ଠେଲି ଦେଇଥିଲେ।

H8. No Trust Move Against Vice President: ଉପରାଷ୍ଟ୍ରପତି ଜଗଦୀପ ଧନଖରଙ୍କ ବିରୋଧରେ ବିରୋଧୀଙ୍କ ଦ୍ୱାରା ଅଣାଯାଇଥିବା ଅନସ୍ଥା ପ୍ରସ୍ତାବ ନୋଟିସକୁ ପ୍ରତ୍ୟାଖ୍ୟାନ କରାଯାଇଛି। ଏହା ପଛର କାରଣ ହେଉଛି ଯେ କୌଣସି ଅନାସ୍ଥା ପ୍ରସ୍ଥାବର ନୋଟିସକୁ ଅତି କମରେ ୧୪ ଦିନ ପୂର୍ବରୁ ଅଣାଯିବା ଉଚିତ, ଯାହା ଘଟି ନଥିଲା।

H9. Smriti Mandhana Creates History: ଟି-୨୦ ସିରିଜରେ ଲଗାତାର ଦୁଇଟି ଅର୍ଦ୍ଧଶତକ ହାସଲ କରିବା ପରେ ସ୍ମୃତି ମନ୍ଧନା ୱେଷ୍ଟଇଣ୍ଡିଜ୍ ବିପକ୍ଷ ତୃତୀୟ ମ୍ୟାଚ୍‌ରେ ବ୍ୟାଟିଂ କରିବାକୁ ଆସିଥିଲେ ଏବଂ ଅର୍ଦ୍ଧ ଶତକର ହ୍ୟାଟ୍ରିକ୍ ମାରି ଏକ ନୂତନ ଇତିହାସ ସୃଷ୍ଟି କରିଛନ୍ତି। ତୃତୀୟ ଟି-୨୦ ମ୍ୟାଚରେ କ୍ରମାଗତ ତୃତୀୟ ୫୦+ ସ୍କୋର କରି ସେ ୯ ଦିନ ମଧ୍ୟରେ ଦ୍ୱିତୀୟ ପ୍ରମୁଖ ବିଶ୍ୱ ରେକର୍ଡ ଭାଙ୍ଗିଛନ୍ତି। 

H10. ICC on Champions Trophy 2025: ଆଇସିସି ସ୍ପଷ୍ଟ କରିଛି ଯେ ଭାରତ ଏବଂ ପାକିସ୍ତାନ ମଧ୍ୟରେ ସମସ୍ତ ମ୍ୟାଚ୍ ନିରପେକ୍ଷ ସ୍ଥାନରେ ଖେଳାଯିବ। ଏହାର ଅର୍ଥ ହେଉଛି ଯେ ବର୍ତ୍ତମାନ ଉଭୟ ଦଳ ଆଇସିସି ଟୁର୍ଣ୍ଣାମେଣ୍ଟରେ ପରସ୍ପରର ଦେଶ ଭ୍ରମଣ କରିବେ ନାହିଁ। ଏହି ନିୟମ ୨୦୨୪-୨୭ ପର୍ଯ୍ୟନ୍ତ ବଳବତ୍ତର ରହିବ।