Top 10 News: ମୈତ୍ରୀ ବିହାର ଗଣଦୁଷ୍କର୍ମ ଓ ଲୁଟ୍ ଅଭିଯୋଗରେ ୩ ଜଣକୁ ବାନ୍ଧିଲା ପୋଲିସ୍, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines 02 October 2024: H1. Utkarsh Odisha Make in Odisha Conclave 2025: ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝି ୨ ଦିନିଆ ଦିଲ୍ଲୀ ଗସ୍ତ କରୁଛନ୍ତି। ଆସନ୍ତା ବର୍ଷ ଜାନୁୟାରୀ ୨୮ ଓ ୨୯ ତାରିଖରେ ହେବାକୁ ଥିବା 'ଉତ୍କର୍ଷ ଓଡ଼ିଶା: ମେକ ଇନ ଓଡ଼ିଶା କନକ୍ଲେଭ ୨୦୨୫' ର ପ୍ରାକ ପ୍ରସ୍ତୁତି ପାଇଁ ଏହି ଗସ୍ତ କରୁଥିବାବେଳେ ମୁଖ୍ୟମନ୍ତ୍ରୀ ଦିଲ୍ଲୀରେ ନିବେଶକ ସମ୍ମିଳନୀରେ ଯୋଗଦେବେ। ଏହି ନୂଆଦିଲ୍ଲୀ ଗସ୍ତରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସମେତ ଶିଳ୍ପ ମନ୍ତ୍ରୀ ସମ୍ପଦ ସ୍ବାଇଁ, ମୁଖ୍ୟ ଶାସନ ସଚିବ ମନୋଜ କୁମାର ଆହୁଜା, ଶିଳ୍ପ ବିଭାଗର ପ୍ରମୁଖ ଶାସନ ସଚିବ ହେମନ୍ତ ଶର୍ମା ଓ ବରିଷ୍ଠ ଅଧିକାରୀ  ଯାଉଛନ୍ତି ।

H2. Education Minister Nityananda Gond on School uniform: ହାଇସ୍କୁଲ ଛାତ୍ରଛାତ୍ରୀଙ୍କ ୟୁନିଫର୍ମ ରଙ୍ଗ ପରିବର୍ତ୍ତନ ନେଇ ଗଣଶିକ୍ଷା ମନ୍ତ୍ରୀ ନିଜର ପ୍ରତିକ୍ରିୟା ରଖିଛନ୍ତି । ମନ୍ତ୍ରୀ କହିଛନ୍ତି, "ସ୍କୁଲ ୟୁନିଫର୍ମ ପରିବର୍ତ୍ତନର ଆବଶ୍ୟକ ଥିଲା। ପୂର୍ବ ସରକାର ରାଜନୈତିକ ଉଦ୍ଦେଶ୍ୟ ରଖି ସ୍କୁଲ ୟୁନିଫର୍ମର ରଙ୍ଗ ପରିବର୍ତ୍ତନ କରିଥିଲେ । କେବଳ ସେତିକି ନୁହେଁ, ରାଜନୈତିକ ଉଦ୍ଦେଶ୍ୟ ରଖି ସ୍କୁଲ ଘର ରଙ୍ଗ ମଧ୍ୟ ବଦଳାଯାଉଥିଲା । କିନ୍ତୁ ଆମ ସରକାର କୌଣସି ରାଜନୈତିକ ଉଦ୍ଦେଶ୍ୟ ନରଖି କାର୍ଯ୍ୟ କରୁଛି । ରଙ୍ଗ ପରିବର୍ତ୍ତନ ଆବଶ୍ୟକ ଥିବାରୁ ପରିବର୍ତ୍ତନ କରାଗଲା।"

H3. Odisha Weather Update: ଭାରତୀୟ ପାଣିପାଗ ବିଜ୍ଞାନ କେନ୍ଦ୍ର ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ରଙ୍କ ଅନୁଯାୟୀ ବୁଧବାର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ହୋଇଛି। ଦକ୍ଷିଣ ପୂର୍ବ ବାଂଲାଦେଶ ଉପରେ ଏହା ସକ୍ରିୟ ରହିଛି । କ୍ରମଶଃ ଏହା ପଶ୍ଚିମ ଉତ୍ତର ପଶ୍ଚିମ ଦିଗକୁ ଗତି କରି ଉତ୍ତର ବଙ୍ଗୋପସାଗର ନିକଟସ୍ଥ ପଶ୍ଚିମବଙ୍ଗ ଏବଂ ଓଡ଼ିଶା ଉପକୂଳ ନିକଟରେ ଲଘୁଚାପର ରୂପ ନେବ । ବର୍ତ୍ତମାନ ଏହାକୁ ନେଇ କୌଣସି ବାତ୍ୟା ଭୟ ନାହିଁ । ଏହାର ପ୍ରଭାବରେ ୪ ତାରିଖ ବେଳକୁ ଉତ୍ତର ଓଡ଼ିଶାରେ ବର୍ଷା ସମ୍ଭାବନା ରହିଛି ।

H4. Maitri Vihar Gang-Rape Case: ଭୁବନେଶ୍ୱରର ମୈତ୍ରୀ ବିହାର ଅଞ୍ଚଳରେ ଥିବା ଜଣେ ମହିଳାଙ୍କୁ ତାଙ୍କ ବାସଭବନରେ ଗଣଦୁଷ୍କର୍ମ ଓ ଲୁଟ୍ ଅଭିଯୋଗରେ ବୁଧବାର ଦିନ କମିଶନରେଟ ପୋଲିସ ଦ୍ୱାରା ତିନି ଜଣଙ୍କୁ ଗିରଫ କରାଯାଇଛି। ଚୋରମାନେ ଆପାର୍ଟମେଣ୍ଟରେ ପ୍ରବେଶ କରି ସେତେବେଳେ ଏହି ଜଘନ୍ୟ ଅପରାଧ କରିଥିଲେ, ଯେତେବେଳେ ମହିଳା ଜଣକ ନିଜ ଛୋଟ ଝିଅ ସହିତ ଏକୁଟିଆ ଥିଲେ।

H5. Internet Services Restored In Bhadrak: ଭଦ୍ରକ ଓ ଧାମନଗରରେ ସ୍ବାଭାବିକ ହେଲା ଇଣ୍ଟରନେଟ ସେବା। ଦୀର୍ଘ ୪ ଦିନ ପରେ ସ୍ବାଭାବିକ ହେଲା ଇଣ୍ଟରନେଟ ସୁବିଧା। ଗତ ୨୭ ତାରିଖରେ ବିବାଦୀୟ ସୋସିଆଲ ମିଡିଆ ପୋଷ୍ଟ ନେଇ ଭଦ୍ରକରେ ଉତ୍ତେଜନା ସୃଷ୍ଟି ହୋଇଥିଲା। ଇଣ୍ଟରନେଟ୍‌ ସେବା ସ୍ୱାଭାବିକ ହୋଇଥିଲେ ମଧ୍ୟ ୧୬୩ ଜାରି ରହିଛି।

H6. Odisha IPS Reshuffle: ଆଇପିଏସ ସ୍ତରରେ ବଡ଼ ଧରଣର ଅଦଳବଦଳ କରାଯାଇଛି । ବିନୋଦ ପାଟିଲଙ୍କୁ ମାଲକାନଗିରି ଏସ୍‌ପି ଭାବେ ଦାୟିତ୍ୱ ଦିଆଯାଇଛି । ସେହିପରି ରାହୁଲ ଗୋଏଲଙ୍କୁ କଟକ ରେଲୱେ ଏସ୍‌ପି ଭାବେ ଦାୟିତ୍ୱ ମିଳିଛି । ତୁରନ୍ତ କାର୍ଯ୍ୟରେ ଯୋଗ ଦେବାକୁ ଗୃହ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି । ନିକଟରେ ଓପିଏସ୍‌ ମିହିର ପଣ୍ଡାଙ୍କୁ ନବରଙ୍ଗପୁର ଏସ୍‌ପି ଭାବେ ନିଯୁକ୍ତି ଦିଆଯାଇଥିଲା ତାଙ୍କୁ ମଧ୍ୟ ତୁରନ୍ତ କାର୍ଯ୍ୟରେ ଯୋଗଦେବାକୁ ନିର୍ଦ୍ଦେଶ ଦିଆଯାଇଛି ।

H7. Israel Bans Antonio Guterres: ଇସ୍ରାଏଲର ବୈଦେଶିକ ମନ୍ତ୍ରୀ ଜାତିସଂଘ ମୁଖ୍ୟଙ୍କୁ ଇସ୍ରାଏଲ ବିରୁଦ୍ଧରେ ପକ୍ଷପାତିତା କରିଥିବା ଅଭିଯୋଗ କରିଛନ୍ତି ଏବଂ ତାଙ୍କୁ ଦେଶ ଭିତରକୁ ପସିବାକୁ ଦିଆଯିବ ନାହିଁ ବୋଲି କହିଛନ୍ତି। ଇସ୍ରାଏଲର ବୈଦେଶିକ ମନ୍ତ୍ରୀ କହିଛନ୍ତି ଜାତିସଂଘର ମୁଖ୍ୟଙ୍କୁ ଦେଶ ଭିତରକୁ ପ୍ରବେଶ କରିବାକୁ ଦିଆଯିବ ନାହିଁ। ବୈଦେଶିକ ମନ୍ତ୍ରୀ ବୁଧବାର ଦିନ କହିଛନ୍ତି ଯେ ସେ ଜାତିସଂଘର ମହାସଚିବଙ୍କୁ ଇସ୍ରାଏଲରେ ପ୍ରବେଶ କରିବାକୁ ବ୍ୟାନ୍ କରୁଛି।

H8. Israel-Lebanon Conflict Row: ଇସ୍ରାଏଲ ଏବଂ ହିଜବୁଲ ମଧ୍ୟରେ ବିବାଦ ମଧ୍ୟରେ ଲେବାନନରେ ଇସ୍ରାଏଲର ୧୫ ଜଣ ସୈନିକ ପ୍ରାଣ ହରାଇଛନ୍ତି। ବୁଧବାର ଦିନ ଇସ୍ରାଏଲ୍ ସେନା ଏହି ସୂଚନା ଦେଇ କହିଛି ଯେ ଲେବାନନରେ ସେମାନଙ୍କ ଦଳର କମାଣ୍ଡରଙ୍କୁ ହତ୍ୟା କରାଯାଇଛି। ଇସ୍ରାଏଲ ଲିବାନୋନରେ ପ୍ରବେଶ କରିବା ପରେ ଏହା ପ୍ରଥମ ଯୁଦ୍ଧ ସମ୍ବନ୍ଧୀୟ ମୃତ୍ୟୁ ଅଟେ। ନ୍ୟୁଜ୍ ଏଜେନ୍ସି 'ରଏଟର୍ସ' ଏବଂ 'ସ୍କାଏ ନ୍ୟୁଜ୍'ର ରିପୋର୍ଟ ଅନୁଯାୟୀ ମୃତ ବ୍ୟକ୍ତିଙ୍କ ୨୨ ବର୍ଷୀୟ କ୍ୟାପଟେନ ଇଟାନ ଇଜାକ ଓଷ୍ଟର ବୋଲି ଜଣାପଡିଛି। ତାଙ୍କୁ 'ଇଗୋ ୟୁନିଟ୍'ରେ ପୋଷ୍ଟ କରାଯାଇଥିଲା।

H9. Tina Ahuja on Govinda Health Update: ମଙ୍ଗଳବାର ଦିନ ବଲିଉଡ ଅଭିନେତା ଗୋବିନ୍ଦା ସେତେବେଳେ ଏକ ବଡ଼ ଦୁର୍ଘଟଣାର ସମ୍ମୁଖୀନ ହୋଇଥିଲେ ଯେତେବେଳେ ତାଙ୍କ ବନ୍ଧୁକରୁ ହଠାତ୍ ଗୁଳି ବାହାରି ଗୋଡରେ ବଜିଥିଲା। ଏହା ପରେ ତାଙ୍କର ପ୍ରଶଂସକମାନେ ବହୁତ ଚିନ୍ତିତ ହୋଇପଡିଥିଲେ। କିନ୍ତୁ ବର୍ତ୍ତମାନ ଅଭିନେତାଙ୍କ ଝିଅ ଟିନା ଅହୁଜା ପ୍ରଶଂସକ ଏବଂ ଗଣମାଧ୍ୟମକୁ କହିଛନ୍ତି ଯେ ଅଭିନେତା ବର୍ତ୍ତମାନ ଆଇସିୟୁରୁ ​​ବାହାରି ସାଧାରଣ ୱାର୍ଡକୁ ସ୍ଥାନାନ୍ତରିତ ହୋଇଛନ୍ତି। ଟିନା କହିଛନ୍ତି ଯେ ଗୋବିନ୍ଦା ବର୍ତ୍ତମାନ ଭଲ ଅଛନ୍ତି।

H10. Latest ICC Ranking: ଭାରତ ଏବଂ ବାଂଲାଦେଶ ମଧ୍ୟରେ କାନପୁର ଟେଷ୍ଟ ପରେ ଟେଷ୍ଟ ର଼୍ୟାଙ୍କିଙ୍ଗରେ ପରିବର୍ତ୍ତନ ଆସିଛି। ଆନ୍ତର୍ଜାତୀୟ କ୍ରିକେଟ୍ ପରିଷଦ (ICC) ବୁଧବାର ଦିନ (୨ ଅକ୍ଟୋବର) ନିଜର ସର୍ବଶେଷ ଟେଷ୍ଟ ର଼୍ୟାଙ୍କିଙ୍ଗ୍ ଜାରି କରିଛି। ଏହି ଫର୍ମାଟରେ ଦ୍ରୁତ ବୋଲର ଜସପ୍ରୀତ ବୁମ୍ରା ନମ୍ବର-୧ ବୋଲର ହୋଇଛନ୍ତି। ଏହାପୂର୍ବରୁ ରବିଚନ୍ଦ୍ରନ ଅଶ୍ୱିନ ଶୀର୍ଷରେ ଥିଲେ। ବୁମ୍ରା ଦ୍ୱିତୀୟ ଥର ପାଇଁ ଶୀର୍ଷ ମାନ୍ୟତାରେ ପହଞ୍ଚିଛନ୍ତି। ବ୍ୟାଟ୍ସମ୍ୟାନଙ୍କ ବିଷୟରେ କହିବାକୁ ଗଲେ ଅଧିନାୟକ ରୋହିତ ଶର୍ମା ବହୁତ କ୍ଷତି ସହିଛନ୍ତି।