Assembly Election Results: ବିଜୁ ଜନତା ଦଳ (ବିଜେଡି) ଦେଶର ୩ ଟି ରାଜ୍ୟ ନିର୍ବାଚନରେ ବିଜେପିର ବିଶାଳ ବିଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଅଭିନନ୍ଦନ ଜଣାଇଛନ୍ତି ।
Trending Photos
12
12
12
7 "Assembly Elections Result 2023")
Assembly Elections Result 2023: ସୋମବାର (୪ ଡିସେମ୍ବର) ଦିନ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ (Naveen Patnaik) ୫ଟି ରାଜ୍ୟର ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି (ବିଜେପି) ୩ଟି ରାଜ୍ୟ ତଥା ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡରେ ବିଜୟ କରିବା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଅଭିନନ୍ଦନ ଜଣାଇଛନ୍ତି । ରବିବାର ଦିନ (୩ ଡିସେମ୍ବର) ନିର୍ବାଚନ ଫଳାଫଳ ଘୋଷଣା କରାଯାଇଥିଲା ।
ଓଡ଼ିଶା ସିଏମ କାର୍ଯ୍ୟାଳୟ ଦ୍ୱାରା ଜାରି ଏକ ସରକାରୀ ବିଜ୍ଞପ୍ତି ଅନୁଯାୟୀ ନବୀନ ପଟ୍ଟନାୟକ ପ୍ରଧାନମନ୍ତ୍ରୀଙ୍କ ସହ ଫୋନରେ କଥା ହୋଇ ତାଙ୍କୁ ଶୁଭେଚ୍ଛା ଜଣାଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ର ସଭାପତି ।
'ଓଡ଼ିଶାର ରାଜନୀତିରେ ପ୍ରଭାବ ପକାଇବ ନାହିଁ ଏହାର ଫଳାଫଳ'
ତେବେ ବିଜେଡି ଏହା ମଧ୍ୟ କହିଛି ଯେ ଏହି ଫଳାଫଳ ଓଡ଼ିଶା ରାଜନୀତିରେ କିମ୍ବା ବର୍ତ୍ତାମାନ ରାଜ୍ୟରେ ଶାସକ ଦଳର ନିର୍ବାଚନୀ ଆଶା ଉପରେ କୌଣସି ପ୍ରଭାବ ପକାଇବ ନାହିଁ ।
'କୌଣସି ରାଜ୍ୟରେ ନବୀନ ପଟ୍ଟନାୟକଙ୍କ ପରି କୌଣସି ନେତା ନାହାଁନ୍ତି'
ବିଜେଡି ସାଂସଦ ଅମର ପଟ୍ଟନାୟକ ଏକ ବୟାନରେ କହିଛନ୍ତି, “କୌଣସି ରାଜ୍ୟରେ ନବୀନ ପଟ୍ଟନାୟକଙ୍କ ପ୍ରତିମୂର୍ତ୍ତିର ନେତା ନାହାଁନ୍ତି । ମୋର ମୂଲ୍ୟାଙ୍କନ ହେଉଛି ଏହି ବିଜୟ ଓଡ଼ିଶା ଉପରେ କୌଣସି ପ୍ରଭାବ ପକାଇବ ନାହିଁ ।"
ବିଜେପିର ଓଡିଶା ୟୁନିଟ୍ ସଭାପତି ମନମୋହନ ସାମଲ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଆସନ୍ତା ବର୍ଷ ଓଡି଼ଶାରେ ବିଜେପି ସରକାର ଗଠନ କରିବ । ଆସନ୍ତା ବର୍ଷ ଆରମ୍ଭରେ ରାଜ୍ୟରେ ଲୋକସଭା ନିର୍ବାଚନ ସହିତ ବିଧାନସଭା ନିର୍ବାଚନ ଅନୁଷ୍ଠିତ ହେବ ।
"ଓଡି଼ଶା ନିର୍ବାଚନରେ ମୋଦୀଙ୍କ ଲୋକପ୍ରିୟତା ଦୃଶ୍ୟମାନ ହେବ"
ଓଡି଼ଶାରେ ପ୍ରଧାନମନ୍ତ୍ରୀ ମୋଦିଙ୍କର ବହୁତ ଲୋକପ୍ରିୟତା ରହିଛି ଓ ଏହା ନିର୍ବାଚନରେ ଦୃଶ୍ୟମାନ ହେବ ବୋଲି ମନମୋହନ ସାମଲ ଦାବି କରିଛନ୍ତି । ରାଜ୍ୟ ସରକାର ଦୁର୍ନୀତିରେ ସମ୍ପୃକ୍ତ ଅଛନ୍ତି ବୋଲି ସେ ଅଭିଯୋଗ କରିଛନ୍ତି ।
'ଗତ ୯ ବର୍ଷରେ ୧୯ ଲକ୍ଷ କୋଟି ଟଙ୍କା ଦେଇଛନ୍ତି ମୋଦୀ ସରକାର'
ସାମଲ କହିଛନ୍ତି "ମୋଦୀ ସରକାର ଗତ ୯ ବର୍ଷ ମଧ୍ୟରେ ଓଡିଶା ପାଇଁ ପ୍ରାୟ ୧୯ ଲକ୍ଷ କୋଟି ଟଙ୍କାର ଅର୍ଥ ଅନୁମୋଦନ କରିଛନ୍ତି, କିନ୍ତୁ ଏହାର ସଠିକ୍ ଉପଯୋଗ କରାଯାଇ ନାହିଁ । ଯୁବକ କାମ ପାଇଁ ଅନ୍ୟ ରାଜ୍ୟକୁ ଚାଲି ଯାଉଛନ୍ତି ।"
'ବିଜେଡିକୁ ପରାସ୍ତ କରିବାକୁ କଂଗ୍ରେସ'
ଏହି ସମୟରେ ଓଡି଼ଶା ପ୍ରଦେଶ କଂଗ୍ରେସ କମିଟି (ଓପିସିସି) ସଭାପତି ସରତ ପଟ୍ଟନାୟକ ଦାବି କରିଛନ୍ତି ଯେ ତାଙ୍କ ଦଳ ବିଜେଡିକୁ କ୍ଷମତାରୁ ହଟାଇବ । ସେ କହିଛନ୍ତି ଯେ ତେଲେଙ୍ଗାନାରେ କଂଗ୍ରେସ ଏକ ଆଞ୍ଚଳିକ ଦଳକୁ ପରାସ୍ତ କରିଛି ଓ ଏହା ଓଡି଼ଶାରେ ମଧ୍ୟ ପୁନରାବୃତ୍ତି ହେବ । ସେ କହିଛନ୍ତି ଯେ ଲୋକମାନେ ବର୍ତ୍ତମାନ ହୃଦୟଙ୍ଗମ କରିଛନ୍ତି ଯେ ବିଜେଡି ଓ ବିଜେପି ଗୋଟିଏ ମୁଦ୍ରାର ଦୁଇ ପାର୍ଶ୍ୱ ।"
