କଣ୍ଟେନର ଧକ୍କାରେ ବାଇକ୍ ଚାଳକ ଗୁରୁତର

ଖୋର୍ଦ୍ଧା: ଇନଫୋଭ୍ୟାଲି ଥାନା ଅନ୍ତର୍ଗତ ଜଟଣୀ ତଳଖେତା ରାସ୍ତାରେ କଣ୍ଟେନର ଧକ୍କାରେ ଜଣେ ବାଇକ ଚାଳକ ଗୁରୁତର ହୋଇଛନ୍ତି। ତାଙ୍କୁ ଉଦ୍ଧାର କରି ହସ୍ପିଟାଲ୍ ରେ ଭର୍ତ୍ତି କରାଯାଇଛି। ତେବେ ଦୁର୍ଘଟଣା ପରେ କଣ୍ଟେନରଟି ରାସ୍ତା ଉପରେ ଛିଡ଼ା ହୋଇଥିବାରୁ ରାସ୍ତା ସଂପୂର୍ଣ୍ଣ ଜାମ ହୋଇଯାଇ ଥିଲା। ଘଟଣାସ୍ଥଳରେ ପୁଲିସ ପହଞ୍ଚି ଟ୍ରାଫିକ ନିୟନ୍ତ୍ରଣ କରିବା ସହ ବାଇକ ଓ କଣ୍ଟେନରକୁ ଜବତ କରିଛି। 

ଘଟଣାନୁଯାୟୀ, ଆଜି ଅପରାହ୍ନ ପ୍ରାୟ ସାଢେ଼ ୪ଟା ବେଳେ ଜଟଣୀ ଗେଟ୍ ଆଡ଼ୁ ବାଇକ ଚାଳକ... ଆସୁଥିଲେ। ଏହି ସମୟରେ ଜଟଣୀ କିଷ୍ଟ କଲେଜ ସ୍ଥିତ କେନାଲ ନିକଟରେ ବାଇକ ଚାଳକ ଉପରେ ମାଡ଼ି ଯାଇଥିଲା କଣ୍ଟେନର। କିଛି ବାଟ ଆଗକୁ ଘୋଷାଡ଼ି ଘୋଷାଡ଼ି ବାଇକଟିକୁ ନେଇଯାଇଥିଲା। ଦୁର୍ଘଟଣାରେ ବାଇକ ଚାଳକକୁ ଗୁରୁତର ଅବସ୍ଥାରେ ସ୍ଥାନୀୟ ଲୋକମାନେ ୧୦୮ଆମ୍ବୁଲାନ୍ସ ଯୋଗେ ଭୁବନେଶ୍ଵର ଏମ୍ସ ହସ୍ପିଟାଲ୍ କୁ ସ୍ଥାନାନ୍ତରିତ କରିଥିଲେ। ଦୁର୍ଘଟଣାକୁ ନେଇ ରାସ୍ତାରେ ଲମ୍ବା ଲାଇନ୍ ହୋଇ ଗାଡ଼ି ଛିଡ଼ା ହୋଇଥିଲା। ପରେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଟ୍ରାଫିକ ନିୟନ୍ତ୍ରଣ କରିବାକୁ ନାକେଦମ୍ ହେବାକୁ ପଡ଼ିଥିବା ଦେଖିବାକୁ ମିଳିଥିଲା।