Odisha News: ଆଜିଠୁ ତାରିଣୀଙ୍କ ଚଇତି ପର୍ବ, ସୁନାବେଶରେ ଦର୍ଶନ ଦେଉଛନ୍ତି ମାଆ

Odisha News: କେନ୍ଦୁଝର ଜିଲ୍ଲା ଅଧିଷ୍ଟାତ୍ରୀ ଦେବୀ ମା ତାରିଣୀଙ୍କ ୮୮ ତମ ଚଇତି ପର୍ବ ଆଜିଠାରୁ ଆରମ୍ଭ ହୋଇଛି।  ଆଜିଠାରୁ ଆରମ୍ଭ ହୋଇ ୭ ଦିନ ପର୍ଯ୍ୟନ୍ତ ଅର୍ଥାତ ଆସନ୍ତା ୧୫ ତାରିଖ ଯାଏ ଚାଲିବ । ଏ ଅବସରରେ  ଆଜି ହୋମ ଯଜ୍ଞ, ଚଣ୍ଡିପାଠ, ସତ୍ୟ ନାରାୟଣ ପୂଜା ସହ ମାଆଙ୍କ ନିତୀ ପୂଜା ମନ୍ଦିର ପରିସରରେ କରାଯାଇଛି। 

ଆଜି ପ୍ରଥମ ଦିନରେ ମାଆଙ୍କ ନିତୀ ପୂଜା ସହିତ ମାଙ୍କ ପୀଠରେ ଭାଗବତ ପାଠ, ଚଣ୍ଡି ପାଠ, ହୋମ ଯଜ୍ଞ ଓ ସତ୍ୟ ନାରାୟଣ ପୂଜା ଅନୁଷ୍ଟିତ ହୋଇଛି । ଆଜି ସକାଳୁ ମା''ଙ୍କର ସ୍ନାନ କାର୍ଯ୍ୟ ସମାପନ କରାଯାଇ ସୁନାବେଶ କରାଯିବା ସହ ଯଥା ବିଧିରେ ପୂଜା ବିଧିରେ ସକାଳ ମଙ୍ଗଳ ଆଳତୀ କରାଯାଇଛି । ଚଇତି ପର୍ବରେ ମାଙ୍କ ସୁନା ବେଶ ଦର୍ଶନ କରାଯାଇଛି। ମାଆଙ୍କ ଏହି ସୁନା ବେଶ ଦେଖିବା ପାଇଁ ଦୂର ଦୁରାନ୍ତରୁ ଭକ୍ତମାନେ ଘଟଗାଁ ପିଠକୁ ଆସିଛନ୍ତି। ବ୍ୟାରିକେଟ ମଧ୍ୟରେ ଶୃଙ୍ଖଳିତ ଭାବେ ମାଆଙ୍କ ଅପୂର୍ବ ସୁନା ବେଶ ଦର୍ଶନ କରୁଛନ୍ତି ଭକ୍ତ । ମନ୍ଦିରରେ ଭକ୍ତ ମାନେ କିପରି ଶୃଙ୍ଖଳିତ ଭାବେ ଦର୍ଶନ କରିବେ । ସେଥିପାଇଁ ସମସ୍ତ ପ୍ରକାର ବନ୍ଦୋବସ୍ତ ମନ୍ଦିର ପ୍ରଶାସନ ପକ୍ଷରୁ କରାଯାଇଛି।