Odisha Crime: କୋରାପୁଟ ପଟାଙ୍ଗି ଥାନା କୁନ୍ଦୁଲିରେ ଡବଲ ମର୍ଡର(Double Murder)। ପଟାଙ୍ଗି ଥାନା କୁନ୍ଦୁଲି ହାଟ ପଦା ନିକଟରେ ଘଟି ଯାଇଛି ଦୁଇ ଦୁଇଟି ହତ୍ୟା କାଣ୍ଡ। ଗତକାଲି କୁନ୍ଦୁଲିବାସୀ ଦଶହରା ପୂଜା ପାଳନ କରୁଥିବା ବେଳେ ଏଭଳି ଏକ ଅଘଟଣ ଆଜି ସ୍ଥାନୀୟବାସୀଙ୍କୁ ଚକିତ କରିଛି।
Trending Photos
12
12
6
12 "Odisha Crime: ସେପଟେ ଦଶହରା ପାଳନ ଚାଲିଥିବା ବେଳେ ଏପଟେ ଗଡ଼ିଲା ଦୁଇ ଦୁଇଟି ମୁଣ୍ଡ..")
Odisha Crime: କୋରାପୁଟ ପଟାଙ୍ଗି ଥାନା କୁନ୍ଦୁଲିରେ ଡବଲ ମର୍ଡର(Double Murder)। ପଟାଙ୍ଗି ଥାନା କୁନ୍ଦୁଲି ହାଟ ପଦା ନିକଟରେ ଘଟି ଯାଇଛି ଦୁଇ ଦୁଇଟି ହତ୍ୟା କାଣ୍ଡ। ଗତକାଲି କୁନ୍ଦୁଲିବାସୀ ଦଶହରା ପୂଜା ପାଳନ କରୁଥିବା ବେଳେ ଏଭଳି ଏକ ଅଘଟଣ ଆଜି ସ୍ଥାନୀୟବାସୀଙ୍କୁ ଚକିତ କରିଛି। ଦୁର୍ଗା ପୂଜା ଅବସରରେ ମାର୍କେଟରେ ପ୍ରବଳ ଗହଳି ଲାଗି ରହିଥିଲା। ଏହାରି ମଧ୍ୟରେ ଠେମା ଗ୍ରାମର ଗୋବର୍ଦ୍ଧନ ପାଣ୍ଡକା ନାମକ ଜଣେ ଯୁବକକୁ କୁନ୍ଦୁଲିର(Kunduli) ରାଜକୁମାର ରୂଢି ସମେତ ତାଙ୍କ ପରିବାର ସଦସ୍ୟ ଅଚାନକ ଆକ୍ରମଣ କରିଥିଲେ।
କୌଣସି ଏକ ଧାରୁଆ ଅସ୍ତ୍ରରେ ଆକ୍ରମଣ କରିବାରୁ ଘଟଣା ସ୍ଥଳରେ ଗୋବର୍ଦ୍ଧନଙ୍କ ମୃତ୍ୟୁ ହୋଇଥିଲା। ଏହା ଜାଣିବା ପରେ ଗୋବର୍ଦ୍ଧନଙ୍କ ପରିବାର ଘଟଣାରେ ପ୍ରତିକ୍ରିୟାଶିଳ ହୋଇ ରାଜକୁମାରଙ୍କୁ ଖୋଜି ଖୋଜି ଆକ୍ରମଣ କରିଥିଲେ। ଏହି ସମୟରେ ସାଥିରେ ରାଜକୁମାରଙ୍କ ପରିବାର ସଦସ୍ୟ ମଧ୍ୟ ଥିଲେ। ତେବେ ଠେମା ଗ୍ରାମର ଲୋକଙ୍କ ଆକ୍ରମଣରେ ରାଜକୁମାରଙ୍କ ମୃତ୍ୟୁ ହୋଇଥିବା କୁହାଯାଉଛି। ଏହି ଆକ୍ରମଣରେ ତାଙ୍କ ପରିବାରର ଦୁଇ ଜଣ ସଦସ୍ୟ ମଧ୍ୟ ଗୁରୁତର ଆହତ ହୋଇଥିବା ଜଣା ପଡ଼ିଛି। ଆହତମାନେ କୋରାପୁଟ ମେଡିକାଲ ରେ ଭର୍ତି କରାଯାଇଛି। ତେବେ ଏହି ହତ୍ୟାକାଣ୍ଡ ପଛରେ କାରଣ କଣ ରହିଛି ସ୍ପଷ୍ଟ ହୋଇ ନ ଥିଲେ ମଧ୍ୟ ପୂର୍ବରୁ ଦୁଇ ଜଣଙ୍କ ମଧ୍ୟରେ ଶତ୍ରୁତା ରହିଥିବା ଆଲୋଚନା ହେଉଛି। ପଟାଙ୍ଗୀ ପୋଲିସ ଘଟଣାର ତଦନ୍ତ କରୁଛି। ତଦନ୍ତ ପରେ ହତ୍ୟାର ପ୍ରକୃତ କାରଣ ଜଣା ପଡ଼ିବ।
Also Read: Kartika Niti at Srimandir: ଆଜି ରାଧାଦାମୋଦର ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି ମହାପ୍ରଭୁ...
