ଦୁର୍ଘଟଣାରେ ଗଲା ବ୍ୟକ୍ତିଙ୍କ ଜୀବନ

ଅନୁଗୁଳ: ଦୁର୍ଘଟଣାରେ ଚାଲିଗଲା ବ୍ୟକ୍ତିଙ୍କ ଜୀବନ । ବିଳମ୍ବିତ ରାତିରେ ମୃତ ବ୍ୟକ୍ତିଙ୍କ ଘରେ ପଶି କଳାକନା ବୁଲାଇ ଦେଲେ ଲୁଟେରା । ଏପରି ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲା ହଣ୍ଡପା ଥାନା ଅନ୍ତର୍ଗତ ବାଲିଆମ୍ବ ଗାଁରେ । ମୃତ ବ୍ୟକ୍ତି ଜଣଙ୍କ ହେଲେ ବିଜୟ ସାହୁ।

ଗତକାଲି ହାଟକୁ ପରିବା ବିକ୍ରି କରି ଆସିଥିବା ବେଳେ ଟ୍ରାକ୍ଟରରୁ ପଡି ଖମାର ଠାରେ ବିଜୟ ସାହୁଙ୍କ ମୃତ୍ୟୁ ହୋଇଥିଲା । ବିଜୟଙ୍କ ମୃତ୍ୟୁ ଖବର ପାଇ ତାଙ୍କ ପତ୍ନୀ ଓ ସମ୍ପର୍କୀୟ ଛେଣ୍ଡିପଦା ପହଞ୍ଚିଥିଲେ । ପରେ ବିଳମ୍ବିତ ରାତିରେ ତାଙ୍କ ସ୍ତ୍ରୀ ଓ କିଛି ସମ୍ପର୍କୀୟ ଘରକୁ ଫେରିଥିଲେ । ଘରେ ପହଞ୍ଚିବାର ମାତ୍ର କିଛି ମିନିଟ ମଧ୍ୟରେ ପ୍ରାୟ ୭ରୁ ୮ ଜଣ ଲୁଟେରା ମୃତ ବିଜୟଙ୍କ ଘରେ ପଶିଥିଲେ । ଖଣ୍ଡା, ଭୁଜାଲି ଓ ବନ୍ଧୁକ ଦେଖାଇ ପରିବାର ଲୋକଙ୍କୁ ଭୟବୀତ କରାଇଥିଲେ। ପରେ ଟଙ୍କା ଓ ସୁନା ଲୁଟି ନେଇ ଚମ୍ପଟ ମାରିଥିବା ଅଭିଯୋଗ ହୋଇଛି ।