Odisha's tourism sector : ପର୍ଯ୍ୟଟନର ବିକାଶ ପାଇଁ ଓଡ଼ିଶାକୁ ସହାୟତା ଦେବେ କେନ୍ଦ୍ର ସରକାର: ନିର୍ମଳା ସୀତାରମଣ

Budget 2024 : ମଙ୍ଗଳବାର ଉପସ୍ଥାପିତ ହୋଇଥିବା ୟୁନିୟନ ବଜେଟ୍ ୨୦୨୪ରେ ପର୍ଯ୍ୟଟନ କ୍ଷେତ୍ରକୁନେଇ ଏକ ବଡ଼ ଘୋଷଣା କରାଯାଇଛି।ପର୍ଯ୍ୟଟନକୁ ପ୍ରୋତ୍ସାହିତ କରିବା ପାଇଁ ସରକାର ଅନେକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି, ଯାହା କେବଳ ଦେଶରେ ପର୍ଯ୍ୟଟନକୁ ପ୍ରୋତ୍ସାହନ ଦେବ ନାହିଁ ବରଂ ରୋଜଗାରର ସୁଯୋଗ ମଧ୍ୟ ସୃଷ୍ଟି କରିବ ।ଅର୍ଥମନ୍ତ୍ରୀ କହିଛନ୍ତି ଯେ ଭାରତକୁ ବିଶ୍ୱ ପର୍ଯ୍ୟଟନ ସ୍ଥଳ ଭାବରେ ପ୍ରତିଷ୍ଠା କରିବା ପାଇଁ ଆମର ପ୍ରୟାସ । ରୋଜଗାର ସୃଷ୍ଟି, ପୁଞ୍ଜି ବିନିଯୋଗ ଏବଂ ଅନ୍ୟାନ୍ୟ କ୍ଷେତ୍ରରେ  ଅର୍ଥନୈତିକ ସୁଯୋଗ ସୃଷ୍ଟି କରିବ।

ବଜେଟ୍ ଆକଳନ ଅନୁଯାୟୀ,୨୦୨୫ ଆର୍ଥିକ ବର୍ଷର ପର୍ଯ୍ୟଟନ କ୍ଷେତ୍ର ପାଇଁ ସରକାର ୨୪୭୯ କୋଟି ଟଙ୍କା ଆବଣ୍ଟନ କରିଛନ୍ତି। ଅପରପକ୍ଷେ, ସରକାର ଚଳିତବର୍ଷ ୨୪୦୦ କୋଟି ଟଙ୍କା ଆବଣ୍ଟନ କରିଥିଲେ। ସଂଶୋଧିତ ଆକଳନ ଅନୁଯାୟୀ ଚଳିତ ୨୦୨୪ ରେ ପର୍ଯ୍ୟଟନ କ୍ଷେତ୍ର ପାଇଁ ୧୬୯୨.୧୦ କୋଟି ଟଙ୍କା ଆବଣ୍ଟନ କରିଛନ୍ତି।

ଓଡ଼ିଶା ପର୍ଯ୍ୟଟନର ବିକାଶ ପାଇଁ ବଜେଟରେ ଘୋଷଣା କରାଯାଇଛି। ଏନେଇ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଘୋଷଣା କରିଛନ୍ତି।ଓଡିଶା ପର୍ଯ୍ୟଟନ ବୃଦ୍ଧି ପାଇବ
ଓଡିଶାର ପ୍ରାକୃତିକ ସୌନ୍ଦର୍ଯ୍ୟ, ମନ୍ଦିର, ସ୍ମାରକୀ, କାରିଗରୀ, ବନ୍ୟଜନ୍ତୁ ଅଭୟାରଣ୍ୟ,ଏବଂ ସୁନ୍ଦର ବେଳାଭୂମି ଏହାକୁ ଏକ ଆଦର୍ଶ ପର୍ଯ୍ୟଟନ ସ୍ଥଳୀରେ ପରିଣତ କରେ।ମନ୍ଦିର, ବନ୍ୟଜନ୍ତୁ, ସାମୁଦ୍ରିକ ସଂପଦ ପାଇଁ ଓଡ଼ିଶା ବେଶ୍ ଜଣାଶୁଣା।ଏସବୁର ବିକାଶ ପାଇଁ ସରକାର ସହାୟତା ପ୍ରଦାନ କରିବେ। ଏହି ସମସ୍ତ ପଦକ୍ଷେପ ପର୍ଯ୍ୟଟନ କ୍ଷେତ୍ରକୁ ନୂତନ ଶକ୍ତି ଯୋଗାଇବ ଏବଂ ଦେଶର ଅର୍ଥନୀତିରେ ଯଥେଷ୍ଟ ଅବଦାନ ଦେବ। ବଜେଟରେ ପର୍ଯ୍ୟଟନ କ୍ଷେତ୍ର ଉପରେ ଗୁରୁତ୍ୱ ଦିଆଯାଉଥିବାରୁ ଶିଳ୍ପରେ ଉତ୍ସାହ ରହିଛି ଏବଂ ଏହା ଦେଶରେ ପର୍ଯ୍ୟଟନର ଏକ ନୂତନ ଅଧ୍ୟାୟ ଆରମ୍ଭ କରିବ ବୋଲି ଆଶା କରାଯାଉଛି।

ସେହିପରି ବିହାରର ଅନେକ ମନ୍ଦିର ମଧ୍ୟ ବିକଶିତ ହେବ 
ବିହାରରେ ବିଷ୍ଣୁପଦ ମନ୍ଦିର (ଗୟା) ଏବଂ ମହାବୋଦି ମନ୍ଦିରର ବ୍ୟାପକ ବିକାଶ ପାଇଁ ବଜେଟରେ ଘୋଷଣା କରାଯାଇଛି। ଏହି ମନ୍ଦିରଗୁଡିକ ବିଶ୍ୱ ସ୍ତରର ତୀର୍ଥଯାତ୍ରା ଏବଂ ପର୍ଯ୍ୟଟନସ୍ଥଳୀ ଭାବରେ ବିକଶିତ ହେବ। ଏଗୁଡିକ କାଶୀ ବିଶ୍ୱନାଥ ମନ୍ଦିର କରିଡରର ଲାଇନରେ ବିକଶିତ କରାଯିବ।