Virat Kohli: ବିରାଟ କୋହଲି ହଠାତ୍ କାହିଁକି କହିଲେ - ମୁଁ ଭୁଲ୍ କରିଛି

Virat Kohli On Captainship: ବିରାଟ କୋହଲି ଦୀର୍ଘ ଦିନ ଧରି ଭାରତୀୟ ଦଳର ଅଧିନାୟକ ଥିଲେ । ତାଙ୍କ ଅଧିନାୟକତ୍ୱ ଅଧୀନରେ ଭାରତ କୌଣସି ଆଇସିସି ଟ୍ରଫି (ICC trophy) ଜିତି ନଥିଲା, କିନ୍ତୁ ଏହି ଦଳ ଟେଷ୍ଟରେ ବଡ଼ ସଫଳତା ହାସଲ କରିଥିଲା । ବିରାଟ କୋହଲିଙ୍କ (Virat Kohli) ଅଧିନାୟକତ୍ୱରେ ଟିମ୍ ଇଣ୍ଡିଆ (Team India) ଟେଷ୍ଟରେ ନମ୍ବର ୱାନ ହୋଇପାରିଥଇଲା । ଏହି ଦଳ ଅଷ୍ଟ୍ରେଲିଆକୁ ତା' ଘରୋଇ ମାଟିରେ ଟେଷ୍ଟ ସିରିଜରେ ପରାସ୍ତ କରି ଇତିହାସ ସୃଷ୍ଟି କରିଥିଲା । ଯଦିଓ କୋହଲିଙ୍କ ଅଧିନାୟକତ୍ୱକୁ ଅନେକ ସମାଲୋଚନା କରାଯାଇଥିଲା ଓ ତାଙ୍କ ଉପରେ ପ୍ରଶ୍ନ ଉଠିଥିଲା ​। ବର୍ତ୍ତମାନ କୋହଲି ଏହା ଉପରେ ନିଜର ମତ ରଖିଛନ୍ତି ।

କୋହଲି ୨୦୧୪ ରେ ଟେଷ୍ଟ ଦଳର ଅଧିନାୟକତ୍ୱ ଓ ୨୦୧୭ ରେ ଦିନିକିଆ ଓ ଟି-୨୦ ଦଳର ଅଧିନାୟକତ୍ୱ ଗ୍ରହଣ କରିଥିଲେ । ତାଙ୍କ ଅଧିନାୟକତ୍ୱ ଅଧୀନରେ ଭାରତ ବିଦେଶୀ ମାଟିରେ ଟେଷ୍ଟରେ ଭଲ ପ୍ରଦର୍ଶନ କରିଥିଲା ​​କିନ୍ତୁ ଚାରିଟି ଆଇସିସି ଇଭେଣ୍ଟରେ ଦଳ ଗୋଟିଏ ବି ସଫଳତା ପାଇ ପାରି ନଥିଲା । ଏହା ଥିଲା କୋହଲିଙ୍କ ଅଧିନାୟକତ୍ୱକୁ ସମାଲୋଚନାର ସବୁଠାରୁ ବଡ କାରଣ ।

ମୁଁ ଭୁଲ୍ କରିଛି: ବିରାଟ କୋହଲି 
କୋହଲି ପୁମାର ଡକ୍ୟୁମେଣ୍ଟାରୀ ସିରିଜରେ ତାଙ୍କ ଅଧିନାୟକତ୍ୱ ବିଷୟରେ କହିଛନ୍ତି । ସେ ଅଧିନାୟକ ଭାବରେ ଭୁଲ୍ କରିଥିବା ସ୍ୱୀକାର କରିଛନ୍ତି କିନ୍ତୁ ସେହି ସମୟରେ ସେ କହିଛନ୍ତି ଯେ ବ୍ୟକ୍ତିଗତ ସ୍ୱାର୍ଥ ପାଇଁ ସେ କେବେବି କିଛି କରିନାହାଁନ୍ତି । କୋହଲି କହିଛନ୍ତି ଯେ ସେ ମଧ୍ୟ ଗ୍ୟାରେଣ୍ଟି ଦେଉଛନ୍ତି ଯେ ଅଧିନାୟକଙ୍କ ଶେଷ ଦିନ ପର୍ଯ୍ୟନ୍ତ ସେ ନିଜ ସ୍ୱାର୍ଥ ପାଇଁ କୌଣସି ନିଷ୍ପତ୍ତି ନେଇ ନାହାଁନ୍ତି । ଦଳକୁ ଆଗକୁ ନେବା ପାଇଁ ତାଙ୍କର କେବଳ ଗୋଟିଏ ଲକ୍ଷ୍ୟ ଥିଲା ବୋଲି କୋହଲି କହିଛନ୍ତି ।

This love >>>>

Thank you, Virat Kohli, for everything you do. We’re honoured to be part of your legacy. #PlayBold #ನಮ್ಮRCB #IPL2023 @imVkohli pic.twitter.com/Gcwkgf1VkM

— Royal Challengers Bangalore (@RCBTweets) May 12, 2023

କୋହଲି କହିଛନ୍ତି ଯେ ମଣିଷ ଭୁଲ କରିଥାଏ । ସେ କହିଛନ୍ତି ଯେ ବିଫଳତା ଆସିବ ଯିବ କିନ୍ତୁ ତାଙ୍କର ଉଦ୍ଦେଶ୍ୟ କେବେ ଭୁଲ ରହି ନଥିଲା । ସେ କହିଛନ୍ତି ଯେ ମଣିଷ ଭୁଲ କରେ ଓ ସେଥିରୁ ସେ ଶିକ୍ଷାଲାଭ କରିଥାଏ ।

ଏହି ଜିନିଷଗୁଡ଼ିକ ବହୁତକିଛି ଶିକ୍ଷା ଦିଏ 
କୋହଲି କହିଛନ୍ତି ଯେ ଏଭଳି ଜିନିଷ ଜୀବନରେ ବହୁତ କିଛି ଶିକ୍ଷା ଦିଏ । ତାଙ୍କର ଉଦ୍ଦେଶ୍ୟ ସବୁବେଳେ ଠିକ୍ ବୋଲି ସେ କହିଛନ୍ତି । ସେ କହିଥିଲେ ଯେ ଏହି ପୂରା ଯାତ୍ରା ଏପରି ଯେ ଆପଣ ଯେତେବେଳେ ନିଷ୍ପତ୍ତି ନିଅନ୍ତି, ସେଥିମଧ୍ୟରୁ କିଛି ଭୁଲ ଓ କିଛି ଠିକ୍ ହୋଇଥାଏ । ପୂର୍ବତନ ଭାରତୀୟ ଅଧିନାୟକ କହିଛନ୍ତି ଯେ ଆପଣ ସବୁ ପ୍ରକାର ପରିସ୍ଥିତିରୁ ଶିକ୍ଷାଲାଭ କରିଥାନ୍ତି ।

ଏହା ବି ପଢନ୍ତୁ: India vs Pakistan: ଏସିଆ କପକୁ ନେଇ ପୁଣିଥରେ ଧମକ ଦେଲା ପାକିସ୍ତାନ, ଜାଣନ୍ତୁ ବର୍ତ୍ତମାନ କ’ଣ ରଖିଲା ଡିମାଣ୍ଡ

ଏହା ବି ପଢ଼ନ୍ତୁ: ODI World Cup 2023: ନ୍ୟୁଜଲ୍ୟାଣ୍ଡ ଓ ଇଂଲଣ୍ଡ ମଧ୍ୟରେ ହେବ ପ୍ରଥମ ମ୍ୟାଚ୍; ଜାଣନ୍ତୁ କେଉଁ ଦିନ ଲଢ଼ିବେ ଭାରତ-ପାକିସ୍ତାନ