Rishabh Pant Health Update: କ୍ରିକେଟ ଫ୍ୟାନ୍ସଙ୍କ ପାଇଁ ଖୁସି ଖବର, ଅଷ୍ଟ୍ରେଲିଆ ସିରିଜ୍ ପୂର୍ବରୁ ଋଷଭ ପନ୍ତ ଦେଲେ ବହୁତ ବଡ଼ ସୂଚନା

Rishabh Pant Health Update: ଟିମ୍ ଇଣ୍ଡିଆର ଷ୍ଟାର ୱିକେଟ୍ କିପର ବ୍ୟାଟ୍ସମ୍ୟାନ୍ ଋଷଭ ପନ୍ତ (Rishabh Pant) ଙ୍କ ସହ ଜଡିତ ଏକ ବଡ଼ ଖବର ସାମ୍ନାକୁ ଆସୁଛି । ୩୦ ଡିସେମ୍ବର ୨୦୨୨ରେ ଏକ କାର ଦୁର୍ଘଟଣା (Rishabh Pant Car Accident) ରେ ଋଷଭ ପନ୍ତ ଗୁରୁତର ଆହତ ହୋଇଥିଲେ । ବର୍ତ୍ତମାନ ଋଷଭ ପନ୍ତଙ୍କ ସ୍ୱାସ୍ଥ୍ୟ ଉପରେ ଏକ ବଡ଼ ଅପଡେଟ୍ (Rishabh Pant Health Update) ଆସିଛି । ଏହି ଅପଡେଟ୍ ଋଷଭ ପନ୍ତଙ୍କ ପ୍ରଶଂସକଙ୍କ ପାଇଁ ଖୁସି ଖବରଠାରୁ କମ୍ ନୁହେଁ । ଋଷଭ ପନ୍ତ ନିଜେ ତାଙ୍କ ପ୍ରଶଂସକଙ୍କୁ ଏହି ବଡ଼ ସୂଚନା ଦେଇଛନ୍ତି ।

ଆଜି (ମଙ୍ଗଳବାର) ଅର୍ଥାତ ଫେବୃଆରୀ ୭ରେ ଋଷଭ ପନ୍ତ (Rishabh Pant)  ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ପୋଷ୍ଟ କରିଛନ୍ତି । ଏହି ଫଟୋ ସହିତ ଋଷଭ ପନ୍ତ ମଧ୍ୟ ଏକ ଭାବପ୍ରବଣ କ୍ୟାପସନ୍ ଦେଇଛନ୍ତି । ଋଷଭ ପନ୍ତ (Rishabh Pant) ଲେଖିଛନ୍ତି ଯେ, "କେବେ ଜାଣି ନଥିଲି କି ବାହାରେ ବସିବା ଓ ନିର୍ମଳ ପବନରେ ନିଶ୍ୱାସ ନେବା ଏତେ ଭଲ ଅନୁଭବ ହୋଇଥାଏ ।" ଇନସାଇଡ୍ ସ୍ପୋର୍ଟର ଖବର ଅନୁଯାୟୀ ଏହି ଫଟୋ ଋଷଭ ପନ୍ତଙ୍କ ଘରର ଓ ତାଙ୍କୁ ଡାକ୍ତରଖାନାରୁ ଡିସଚାର୍ଜ ମିଳିଯାଇଛି । ଋଷଭ ପନ୍ତ (Rishabh Pant) ଜାନୁଆରୀ ୪ ତାରିଖରୁ ମୁମ୍ବାଇର କୋକିଲାବେନ୍ ହସ୍ପିଟାଲରେ ଭର୍ତ୍ତି ଥିଲେ ।

ଏଠାରେ କହି ରଖୁଛୁ ଯେ, ୨୫ ବର୍ଷୀୟ ଋଷଭ ପନ୍ତ ଡିସେମ୍ବର ୩୦ ସକାଳେ ତାଙ୍କ ମା'ଙ୍କୁ ଭେଟିବା ପାଇଁ ଦିଲ୍ଲୀରୁ ଋଡ଼କୀ ଯାଉଥିଲେ । ଏହି ସମୟରେ ଋଷଭ ପନ୍ତଙ୍କ କାର ଡିଭାଇଡର୍ ସହିତ ଧକ୍କା ହୋଇଥିଲା । ଏହା ପରେ ହରିୟାଣା ରୋଡୱେସର ବସ୍ ଡ୍ରାଇଭର ତଥା କଣ୍ଡକ୍ଟର ଋଷଭ ପନ୍ତଙ୍କୁ କାରରୁ ବାହାର କରି ଡାକ୍ତରଖାନାକୁ ନେଇଥିଲେ । ଋଷଭ ପନ୍ତ କାରରୁ ବାହାରିବା ମାତ୍ରେ ଏଥିରେ ସମ୍ପୂର୍ଣ୍ଣ ନିଆଁ ଲାଗିଯାଇଥିଲା । ତାଙ୍କର ଏମଆରଆଇ ସ୍କାନ ରିପୋର୍ଟରେ କୌଣସି ଅସୁବିଧା ନାହିଁ । ବିସିସିଆଇ ଋଷଭ ପନ୍ତ ସହିତ ନିରନ୍ତର ସମ୍ପର୍କରେ ଅଛି । ଏଥିସହିତ ପୂରା ଦେଶ ଶୀଘ୍ର ଋଷଭ ପନ୍ତଙ୍କ ଆରୋଗ୍ୟ ପାଇଁ ପ୍ରାର୍ଥନା କରୁଛନ୍ତି ।

ଅଧିକ ପଢ଼ନ୍ତୁ:-ଭାରତ-ଅଷ୍ଟ୍ରେଲିଆ ସିରିଜ ପୂର୍ବରୁ ଆହତ ହେଲେ ଏହି ଘାତକ ଅଲରାଉଣ୍ଡର, ନାଗପୁର ଟେଷ୍ଟରୁ ହେଲେ ବାହାର!

ଅଧିକ ପଢ଼ନ୍ତୁ:-ରାକ୍ଷୀ ସାୱନ୍ତଙ୍କ ସ୍ୱାମୀଙ୍କୁ ଗିରଫ କଲା ପୋଲିସ! ଆଦିଲ ଖାନ ଦୁର୍ରାନୀଙ୍କ ବିରୋଧରେ ରହିଛି ଗୁରୁତର ଅଭିଯୋଗ

ଟିମ୍ ଇଣ୍ଡିଆ ପାଇଁ ଋଷଭ ପନ୍ତ ସମସ୍ତ ତିନୋଟି ଫର୍ମାଟରେ କ୍ରିକେଟ୍ ଖେଳିଛନ୍ତି । ସେ ବିସ୍ଫୋରକ ବ୍ୟାଟିଂରେ ଜଣେ ପାରଦର୍ଶୀ ଖେଳାଳି ଓ କ୍ରିଜ ଉପରେ ପାଦ ଦେବା ମାତ୍ରେ ଆକ୍ରମଣାତ୍ମକ ବ୍ୟାଟିଂ ପାଇଁ ଜଣାଶୁଣା । ସେ ଅଷ୍ଟ୍ରେଲିଆରେ ନିଜ ଦମରେ ଭାରତୀୟ ଦଳକୁ ସିରିଜ୍ ଜିତାଇଥିଲେ । ଋଷଭ ପନ୍ତ ଭାରତ ପାଇଁ ୩୩ଟି ଟେଷ୍ଟ ମ୍ୟାଚ୍, ୩୦ଟି ODI ଏବଂ ୬୬ଟି ଟି-20 ମ୍ୟାଚ୍ ଖେଳିଛନ୍ତି ।