Pele Passed Away: ଫୁଟବଲର ଯାଦୁଗରଙ୍କ ୮୨ ବର୍ଷ ବୟସରେ ନିଧନ, ଶୋକରେ ବୁଡ଼ିଲା ସାରା ଦୁନିଆ

Pele Passed Away:​ କିମ୍ବଦନ୍ତୀ ବ୍ରାଜିଲର ଫୁଟବଲ ଖେଳାଳି ତଥା ଫୁଟବଲର ଯାଦୁଗର ପେଲେ (Pele) ଙ୍କର ଦେହାନ୍ତ ହୋଇଯାଇଛି । ପେଲେ (Pele) ୮୨ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି ।  ପେଲେ ବିଗତ କିଛି ସମୟ ଧରି କିଡନୀ ଓ ପ୍ରୋଷ୍ଟେଟ ରୋଗରେ ପୀଡିତ ଥିଲେ । ୨୧ ବର୍ଷର ଫୁଟବଲ କ୍ୟାରିୟର ମଧ୍ୟ ସେ ୧୩୬୩ ମ୍ୟାଚରେ ୧୨୮୧ ଗୋଲ ସ୍କୋର କରିବାର ବିଶ୍ୱ ରେକର୍ଡ କରିଛନ୍ତି । ପେଲେ (Pele) ହେଉଛନ୍ତି ଏକମାତ୍ର ଫୁଟବଲ ଖେଳାଳି ଯିଏ ତିନିଥର ବିଶ୍ୱକପ ଜିତିଛନ୍ତି । ସେ ୧୯୫୮, ୧୯୬୨ ଏବଂ ୧୯୭୦ରେ ଫୁଟବଲ ବିଶ୍ୱକପ ଜିତିଥିବା ବ୍ରାଜିଲ ଦଳରେ ସାମିଲ ଥିଲେ । ୨୦୦୦ ମସିହାରେ ତାଙ୍କୁ ଫିଫା ପ୍ଲେୟାର ଅଫ୍ ଦି ସେଞ୍ଚୁରୀ ପୁରସ୍କାର ମିଳିଥିଲା ​। ଗତ ବର୍ଷ ସେପ୍ଟେମ୍ବରରେ ତାଙ୍କର ଅନ୍ତନଳୀ ଅସ୍ତ୍ରୋପଚାର କରାଯାଇଥିଲା ଓ ଏକ ଟ୍ୟୁମର ବାହାର କରାଯାଇଥିଲା । ସେ ସାଓ ପାଉଲୋର ଆଇନଷ୍ଟାଇନ ହସ୍ପିଟାଲରେ ଚିକିତ୍ସିତ ହେଉଥିଲେ ।

ପେଲେ (Pele) ଙ୍କର ଏକ ରୁଟିନ ପରୀକ୍ଷଣରେ ଏହି ଟ୍ୟୁମର ବିଷୟରେ ଜଣାପଡ଼ି ଥିଲା । ଚଳିତ ବର୍ଷ ନଭେମ୍ବରରେ ତାଙ୍କୁ ପୁଣି ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଗୁରୁବାର ଦିନ  ପେଲେଙ୍କ ଏକ ଫଟୋ ପୋଷ୍ଟ କରାଯାଇଥିଲା, ଯେଉଁଥିରେ ଡାକ୍ତରଖାନାରେ ତାଙ୍କ ଶରୀର ଉପରେ ପରିବାର ଲୋକଙ୍କ ହାତ ରଖାହୋଇଥିଲା । ଏଥିରେ କେଲି ଲେଖିଛନ୍ତି ଯେ, "ଆମେ ଯାହା ବି କିଛି ଅଛୁ, ସେଥିପାଇଁ ଆପଣଙ୍କୁ ବହୁତ ଧନ୍ୟବାଦ । ଆମେ ଆପଣଙ୍କୁ ବହୁତ ଭଲପାଉ । ରେଷ୍ଟ ଇନ୍ ପିସ୍ ।"

ପେଲେଙ୍କ ମୃତ୍ୟୁକୁ ନିଶ୍ଚିତ କରି ଡାକ୍ତରଖାନା ପରିଚାଳନା କହିଛି ଯେ, "ଶରୀରର ବିଭିନ୍ନ ଅଙ୍ଗ ବିଫଳତା ଯୋଗୁଁ ତାଙ୍କର ମୃତ୍ୟୁ ଘଟିଛି । ଏହା କୋଲୋନ କର୍କଟ ସଂକ୍ରମଣ ବୃଦ୍ଧି ହେତୁ ଘଟିଛି ।" ପେଲେଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରେ ଲେଖା ଯାଇଛି ଯେ, "ପେଲେ କେବଳ ସର୍ବକାଳୀନ ସର୍ବଶ୍ରେଷ୍ଠ ଖେଳାଳି ନୁହଁନ୍ତି । ସେ ଏହାଠାରୁ ଅଧିକ ଥିଲେ । ଆମର ଫୁଟବଲର ରାଜା ବ୍ରାଜିଲର ସବୁଠାରୁ ବଡ଼ ପ୍ରତୀକ ଥିଲେ । ସେ କଦାପି ଭୟ କରି ନଥିଲେ । ସେ ତାଙ୍କ ପିତାଙ୍କୁ ବିଶ୍ୱକପ ଜିତିବାକୁ ପ୍ରତିଜ୍ଞା କରିଥିଲେ ଓ ସେ ଆମକୁ ତିନିଟି ବିଶ୍ୱକପ ପ୍ରଦାନ କରିଛନ୍ତି । ସେ ଆମକୁ ଏକ ନୂତନ ବ୍ରାଜିଲ ଦେଇଛନ୍ତି ଓ ଆମେ ତାଙ୍କ ଉତ୍ତରାଧିକାରୀ ପାଇଁ କୃତଜ୍ଞ । ଧନ୍ୟବାଦ ପେଲେ ।"

ଅଧିକ ପଢ଼ନ୍ତୁ:-ଆରପାରିରେ ପିଏମ ମୋଦିଙ୍କ ମା' ହୀରାବେନ

ଅଧିକ ପଢ଼ନ୍ତୁ:-IPL Auction 2023ରେ ୧୩.୨୫ କୋଟି ଆୟ କରିଥିବା ଖେଳାଳିଙ୍କୁ ବଡ଼ ଝଟକା, ECB ଏହି ଲିଗରେ ଖେଳିବାକୁ କଲା ମନା

ଅଧିକ ପଢ଼ନ୍ତୁ:-ନୂଆ ବର୍ଷରେ ୧୨ କୋଟି ଚାଷୀଙ୍କୁ ମିଳିବ ଉପହାର, ପିଏମ ମୋଦି କଲେ ବଡ଼ ଘୋଷଣା!

ଏଡସନ୍ ଆରେଣ୍ଟେସ୍ ଡୋ ନାସିମେଣ୍ଟୋ ଅର୍ଥାତ୍ ପେଲେ ମାତ୍ର ୧୭ ବର୍ଷ ବୟସରେ ଏକ ଫୁଟବଲ୍ ଷ୍ଟାର୍ ହୋଇଯାଇଥିଲେ । ୧୯୫୮ ବିଶ୍ୱକପ ଜିତିବାରେ ବ୍ରାଜିଲକୁ ସାହାଯ୍ୟ କରିବାରେ ସେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । କ୍ୱାର୍ଟର ଫାଇନାଲରେ ୱେଲ୍ସ ବିପକ୍ଷରେ ଜିତିବା ପାଇଁ ସେ ଏକମାତ୍ର ଗୋଲ ସ୍କୋର କରିଥିଲେ । ସେମିଫାଇନାଲରେ ଫ୍ରାନ୍ସ ବିପକ୍ଷରେ ପେଲେ ହ୍ୟାଟ୍ରିକ୍ ସ୍କୋର କରିଥିବାବେଳେ ସେ ଫାଇନାଲରେ ସ୍ୱିଡେନ ବିପକ୍ଷରେ ଦୁଇଟି ଗୋଲ୍ ସ୍କୋର କରିଥିଲେ ।