IPL ଇତିହାସରେ ଶୁଭମନ ଗିଲ ହାସଲ କଲେ ବଡ ସଫଳତା; ପଛରେ ରହିଗଲେ ବିରାଟ, ରାଇନା ଓ ସଞ୍ଜୁ ସାମସନ

Shubman Gill: ଟିମ୍ ଇଣ୍ଡିଆର ତାରକା ଖେଳାଳି ଶୁବମନ ଗିଲ ଆଇପିଏଲ ଇତିହାସରେ ଆଉ ଏକ ବଡ଼ ଧରଣର ସଫଳତା ହାସଲ କରିଛନ୍ତି । ଏହି ଲିଗରେ ୨୦୦୦ ରନ୍ ପୂରଣ କରିବାରେ ସେ ଦ୍ୱିତୀୟ କନିଷ୍ଠ ଖେଳାଳି ହୋଇଛନ୍ତି । ସେ ୨୩ ବର୍ଷ ୨୧୪ ଦିନ ବୟସରେ ଆଇପିଏଲରେ କୋଲକାତା ନାଇଟ୍ ରାଇଡର୍ସ ବିପକ୍ଷରେ ୧୩ ସ୍କୋର କରିବା ସହିତ ଗିଲ ଏହି ସଫଳତା ହାସଲ କରିଥିଲେ ।

ଆଇପିଏଲର କନିଷ୍ଠରେ ୨୦୦୦ ରନ୍ କରିବାର ରେକର୍ଡ ଋଷଭ ପନ୍ତଙ୍କ ନାମରେ ଅଛି, ଯିଏ ମାତ୍ର ୨୩ ବର୍ଷ ୨୭ ଦିନ ବୟସରେ ଏହି କାରନାମା କରିଥିଲେ । ଏହା ପରେ ଗିଲର ନାମ ଲିପିବଦ୍ଧ ହୋଇଛି । ସାନ ବୟସରେ ୨୦୦୦ ରନ୍ ପୂରଣ କରିଥିବାବେଳେ ଗିଲ୍ ସଞ୍ଜୁ ସାମସନ୍, ବିରାଟ କୋହଲି ଓ ସୁରେଶ ରାଇନାଙ୍କୁ ପଛରେ ପାକି ଦେଇଛନ୍ତି ।

ଆଇପିଏଲରେ ୨୦୦୦ ରନ୍ ପୂରଣ କରିଥିବା ସର୍ବ କନିଷ୍ଠ ଖେଳାଳି ସୂଚୀ
ଋଷଭ ପନ୍ତ, ୧୩ ବର୍ଷ ୨୭ ଦିନ
ଶୁବମନ ଗିଲ, ୨୩ ବର୍ଷ ୨୧୪ ଦିନ 
ସଞ୍ଜୁ ସାମସନ୍, ୨୪ ବର୍ଷ ୧୪୦ ଦିନ 
ବିରାଟ କୋହଲି, ୨୪ ବର୍ଷ ୧୭୫ ଦିନ 
ସୁରେଶ ରାଇନା, ୨୫ ବର୍ଷ ୧୫୫ ଦିନ

ଶୁବମାନ ଗିଲଙ୍କ ଆଇପିଏଲ୍ ରେକର୍ଡ 
ଟିମ୍ ଇଣ୍ଡିଆର ଶୁଭମାନ ଗିଲ ଆଇପିଏଲ୍ ଟୁର୍ଣ୍ଣାମେଣ୍ଟରେ ଏକ ଗୁରୁତ୍ୱପୂର୍ଣ୍ଣ ଖେଳାଳି । ଆଜିର ମ୍ୟାଚକୁ ବାଦ୍ ଦେଲେ ଗିଲ ଏପର୍ଯ୍ୟନ୍ତ ୭୬ ଟି ମ୍ୟାଚ୍ ଖେଳିଛନ୍ତି। ଏହି ସମୟରେ ସେ ୧୯୭୭ ରନ୍ ସ୍କୋର କରିଥିଲେ । ଏହି ଲିଗରେ ଗିଲ ୧୫ଟି ଅର୍ଦ୍ଧଶତକ ହାସଲ କରିଛନ୍ତି । ଏହି ସମୟରେ ସେ ୫୦ ଟି ଛକା ଓ ୨୦୨ ଚୌକା ମାରିଛନ୍ତି । ଓ ତାଙ୍କର ଆଇପିଏଲର ସର୍ବାଧିକ ସ୍କୋର ୯୬ ରହିଛି । 

ଚର୍ଚ୍ଚାରେ ଶୁବମାନ ଗିଲଙ୍କ ବ୍ୟକ୍ତିଗତ ଜୀବନ

ନିକଟରେ ଏକ ବିମାନରେ ସାରା ଅଲି ଖାନ ଓ ଶୁଭମନ ଗିଲଙ୍କୁ ଏକାଠି ଦେଖିବାକୁ ମିଳିଥିଲା । ପୂର୍ବରୁ ଉଭୟ ଏକ ରେସ୍ତୋରାଁରେ ମଧ୍ୟ ଏକାଠି ନଜର ଆସିଥିଲେ । ବର୍ତ୍ତମାନ ଚାଟ୍ ଶୋ 'ଦିଲ୍ ଦିୟା ଗଲ୍ଲା' ସମୟରେ ତାଙ୍କୁ ସାରା ଅଲି ଖାନଙ୍କୁ ଡେଟ କରୁଛନ୍ତି କି ବୋଲି ପଚରାଯାଇଥିଲା । ଏହି ପ୍ରଶ୍ନର ଉତ୍ତରରେ ସେ କହିଥିଲେ, 'ବୋଧହୁଏ' । ତାଙ୍କୁ ଏ ବିଷୟରେ ଅଧିକ ଉତ୍ସାହିତ କରାଯାଇଥିଲା ଓ ସାରାଙ୍କୁ ନେଇ ସମ୍ପୂର୍ଣ୍ଣ ସତ୍ୟତା କହିବା ପାଇଁ କୁହାଯାଇଥିଲା । ଏହା ଉପରେ ସେ କହିଥିଲେ, ସେ ସମ୍ପୂର୍ଣ୍ଣ ସତ୍ୟ କହିଛନ୍ତି । ବୋଧହୁଏ ହଁ, ବୋଧହୁଏ ନା' ।

ଏହି ଶୋ’ରେ ଶୁଭମନଙ୍କୁ ମଧ୍ୟ ପଚରାଯାଇଥିଲା ଯେ ତାଙ୍କ ଅନୁଯାୟୀ ବଲିଉଡର ସବୁଠାରୁ ଫିଟ୍ ଅଭିନେତ୍ରୀ କିଏ? ଏହାର ଉତ୍ତର ସେ କହିଥିଲେ ସାରା । ଶୁଭମନଙ୍କ ଏହି ଜବାବ ପରେ, ଏହାକୁ ନେଇ ଚର୍ଚ୍ଚା ମଧ୍ୟ ତୀବ୍ର ହୋଇଛି ଯେ ଉଭୟଙ୍କ ମଧ୍ୟରେ କିଛି ତ ଚାଲୁଛି ।

କହିରଖୁଛୁ ଯେ ଶୁଭମନ ଗିଲଙ୍କ ନାମ ସଚିନ୍ ତେନ୍ଦୁଲକରଙ୍କ ଝିଅ ସାରାଙ୍କ ସହିତ ମଧ୍ୟ ଜଡିତ ଅଛି । ଶୁଭମନଙ୍କ ଜନ୍ମଦିନରେ ତାଙ୍କର ଜଣେ କ୍ରିକେଟର ବନ୍ଧୁ ମଧ୍ୟ ସାରାଙ୍କ ସହ ସମ୍ପର୍କ ବିଷୟରେ ସୂଚନା ଦେଇଥିଲେ । ସେ ଲେଖିଥିଲେ, ଅନେକ ସାରା ପ୍ରେମ ।

ଏହା ବି ପଢ଼ନ୍ତୁ: Shaun Tait on Suryakumar Yadav: ସୂର୍ଯ୍ୟକୁମାର ଯାଦବଙ୍କର ଦୁର୍ବଳତା କ’ଣ? ପାକିସ୍ତାନ ପୂର୍ବତନ ବୋଲିଂ କୋଚ୍ ଦେଲେ ଏହି ଜବାବ