GT vs MI Qualifier 2: ମୁମ୍ବାଇ ଇଣ୍ଡିଆନ୍ସ ଓ ଗୁଜୁରାଟ ଟାଇଟାନ୍ସ ମଧ୍ୟରେ କ୍ୱାଲିଫାୟର-୨ ମ୍ୟାଚ୍ ୨୬ ମଇରେ ଖେଳାଯିବ । ଦୁଇ ଦଳ ମଧ୍ୟରେ ଏହି ମ୍ୟାଚ୍ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ ।
Trending Photos
8
12
5
12 "ସୌ: ସୋସିଆଲ ମିଡିଆ")
IPL 2023: ଆଇପିଏଲ୍ ୨୦୨୩ ର ଦ୍ୱିତୀୟ କ୍ୱାଲିଫାୟର ମ୍ୟାଚ୍ ୨୬ ମଇରେ ଖେଳାଯିବ । ଏହି ମ୍ୟାଚ୍ ଗୁଜୁରାଟ ଟାଇଟାନ୍ସ ଓ ମୁମ୍ବାଇ ଇଣ୍ଡିଆନ୍ସ (GT vs MI) ମଧ୍ୟରେ ହେବ । ଗୁଜୁରାଟର ନରେନ୍ଦ୍ର ମୋଦୀ କ୍ରିକେଟ୍ ଷ୍ଟାଡିୟମରେ (Narendra Modi Cricket Stadium) ଏହି ମ୍ୟାଚ୍ ଅନୁଷ୍ଠିତ ହେବ । ମ୍ୟାଚର ଆରମ୍ଭ ସମୟ ସନ୍ଧ୍ୟା ୭.୩୦ ଓ ଟସ୍ ମ୍ୟାଚ୍ ଆରମ୍ଭ ହେବାର ଅଧ ଘଣ୍ଟା ପୂର୍ବରୁ ଅର୍ଥାତ୍ ସନ୍ଧ୍ୟା ୭ଟାରେ ପଡିବ । ଏହା ପୂର୍ବରୁ ଆସନ୍ତୁ ଜାଣିବା ଉଭୟ ଦଳର କ’ଣ ରହିଛି ହେଡ୍ ଟୁ ହେଡ୍ ରେକର୍ଡ?
ପଏଣ୍ଟ ଟେବୁଲର ଶୀର୍ଷ ସ୍ଥାନରେ ଅଛି ଗୁଜୁରାଟ
କହିରଖୁଛୁ ଯେ ମୁମ୍ବାଇ ଇଣ୍ଡିଆନ୍ସ ଓ ଗୁଜୁରାଟ ଟାଇଟାନ୍ସ (Mumbai Indians vs Gujarat Titans) ମଧ୍ୟରେ ଏପର୍ଯ୍ୟନ୍ତ ମୋଟ ୩ଟି ମ୍ୟାଚ୍ ଖେଳାଯାଇଛି । ଏଥିମଧ୍ୟରୁ ଗୁଜୁରାଟ ଟାଇଟାନ୍ସ ଗୋଟିଏ ମ୍ୟାଚ୍ ଜିତିଥିବା ବେଳେ ୨ଟିରେ ହାରିଛି । ଏଭଳି ପରିସ୍ଥିତିରେ ମୁମ୍ବାଇ ଇଣ୍ଡିଆନ୍ସର ରେକର୍ଡ ଭଲ ରହିଛି । କିନ୍ତୁ ଏହା ସତ୍ତ୍ୱେ ଦଳ ପାଇଁ ଏହି ମ୍ୟାଚ୍ ଜିତିବା ଏତେ ସହଜ ହେବ ନାହିଁ । କାରଣ ଗୁଜୁରାଟ ଦଳ ଉତ୍କୃଷ୍ଟ ଫର୍ମରେ ଅଛି ଓ ଆଇପିଏଲ୍ ୨୦୨୩ (IPL 2023) ଆରମ୍ଭରୁ ପଏଣ୍ଟ ଟେବୁଲର ଶୀର୍ଷରେ ଅଛି ।
ଗ୍ରୁପ୍ ପର୍ଯ୍ୟାୟରେ ଉଭୟ ଦଳର କିପରି ରହିଛି ପ୍ରଦର୍ଶନ
ଗୁଜୁରାଟର ନିଜ ଘରୋଇ ପଡ଼ିଆରେ ମ୍ୟାଚ୍ ଖେଳିବାର ଲାଭ ପାଇପାରେ । ଗ୍ରୁପ୍ ପର୍ଯ୍ୟାୟରେ ଗୁଜୁରାଟ ମୋଟ ୧୪ ଟି ମ୍ୟାଚ୍ ଖେଳିଛି । ଏଥିରୁ ଦଳ ୧୦ଟିରେ ବିଜୟ ଓ ୪ଟିରେ ପରାଜୟର ସମ୍ମୁଖୀନ ହୋଇଛି । ଅନ୍ୟପକ୍ଷରେ, ଯଦି ଆମେ ମୁମ୍ୱାଇ ବିଷୟରେ କଥା ହେବା, ତେବେ ଏହାର ଶେଷ ମ୍ୟାଚ୍ରେ ଦଳ ୮୧ ରନ୍ର ଏକ ବଡ଼ ବିଜୟ ପଞ୍ଜିକୃତ ହୋଇଥିଲା । ଏହି ବିଜୟ ସହିତ ମୁମ୍ବାଇର ଆତ୍ମବିଶ୍ୱାସ ବହୁତ ବୃଦ୍ଧି ପାଇଛି । ଗ୍ରୁପ୍ ପର୍ଯ୍ୟାୟରେ ମୁମ୍ବାଇ ଇଣ୍ଡିଆନ୍ସ ୧୪ଟି ମ୍ୟାଚ ମଧ୍ୟରୁ ୮ଟି ଜିତିଛି ।
ମୁମ୍ବାଇ ଇଣ୍ଡିଆନ୍ସ ତରଫରୁ ଏହି ସିଜନରେ କ୍ୟାମେରନ୍ ଗ୍ରୀନ୍ ୪୨୨ ରନ୍ ସ୍କୋର କରିଛନ୍ତି । ତିଲକ ଭର୍ମା ୩୦୦, ସୂର୍ଯ୍ୟକୁମାର ଯାଦବ ୫୪୪, ଇଶାନ କିଶନ ୪୫୪ ଓ ରୋହିତ ଶର୍ମା ୩୨୪ ରନ ସ୍କୋର କରିସାରିଛନ୍ତି । ଏହି ଆକଳନଗୁଡିକ ଦର୍ଶାଏ ଯେ ୨୦-୨୦ ଫର୍ମାଟରେ ୨୦୦ ରନ୍ ମାର୍କକୁ ଛୁଇଁବା କିମ୍ବା ଅତିକ୍ରମ କରିବା ମୁମ୍ବାଇ ପାଇଁ କିପରି କଷ୍ଟକର କାର୍ଯ୍ୟ ନୁହେଁ । ଏଥିମଧ୍ୟରୁ କ୍ୟାମେରନ୍ ଗ୍ରୀନ୍, ତିଲକ ଭର୍ମା ଓ ସୂର୍ଯ୍ୟ କୁମାର ଯାଦବଙ୍କ ଷ୍ଟ୍ରାଇକ୍ ହାର ମଧ୍ୟ ୧୫୦ ରୁ ଅଧିକ । ମୁମ୍ବାଇ ଇଣ୍ଡିଆନ୍ସ ଚଳିତ ସିଜନରେ ଏପର୍ଯ୍ୟନ୍ତ ଖେଳିଥିବା ମ୍ୟାଚରେ ୬ ଥର ୨୦୦ ମାର୍କ ଅତିକ୍ରମ କରିଛି । ଏଥିରୁ ସେ ପାଞ୍ଚ ଥର ଜିତିଛି । ଗୁଜୁରାଟ ପାଇଁ ଏହା ହେଉଛି ଏକ ଆଲାର୍ମ ଘଣ୍ଟି ।
ଏହା ବି ପଢନ୍ତୁ: Asia Cup 2023: ଆଇପିଏଲ୍ ଫାଇନାଲ୍ ପରେ ଏସିଆ କପ୍ ଉପରେ ନିଷ୍ପତ୍ତି; ବିସିସିଆଇ ସଚିବ ଜୟ ଶାହା ଦେଲେ ଏକ ବଡ ଅପଡେଟ୍
ଏହା ବି ପଢନ୍ତୁ: World Cup 2023: ବିଶ୍ୱକପ୍ ପାଇଁ ଘୋଷଣା ହେଲା କାର୍ଯ୍ୟସୂଚୀ, ଜାଣନ୍ତୁ କେବେ ଏବଂ କେଉଁଠାରେ ଖେଳାଯିବ ମ୍ୟାଚ୍
