MI vs GT: ରସିଦ ଖାନଙ୍କ ଲଢୁଆ ବୋଲିଂ-ବ୍ୟାଟିଂ ସତ୍ତ୍ୱେ ହାରିଗଲା ଗୁଜୁରାଟ; ୨୭ ରନରେ ବିଜୟୀ ହେଲା ମୁମ୍ବାଇ

IPL 2023: Mumbai Indians vs Gujarat Titans, ୱାନ୍ଖଡେ ଷ୍ଟାଡିୟମରେ ମୁମ୍ବାଇ ଇଣ୍ଡିଆନ୍ସ ଓ ଗୁଜୁରାଟ ଟାଇଟାନ୍ସ ମଧ୍ୟରେ ଆଇପିଏଲ୍ ୨୦୨୩ ର ୫୭ ତମ ମ୍ୟାଚ୍ ଖେଳାଯାଇଥିଲା । ଏହି ରୋମାଞ୍ଚକର ମ୍ୟାଚରେ ମୁମ୍ବାଇ ଦଳ ୨୭ ରନରେ ଜିତି ନେଇଛି, କିନ୍ତୁ ଗୁଜୁରାଟ ଅଲରାଉଣ୍ଡର ଖେଳାଳି ରସିଦ ଖାନ (Rashid Khan) ନିମ୍ନ କ୍ରମରେ ବିସ୍ଫୋରକ ବ୍ୟାଟିଂ କରି ସମସ୍ତଙ୍କ ହୃଦୟ ଜିତିବାରେ ସଫଳ ହୋଇଥିଲେ । ସେ ମୋଟ ୩୨ ବଲର ସମ୍ମୁଖୀନ ହୋଇଥିଲେ । ଏହି ସମୟରେ, ୨୪୬.୮୭ ର ଷ୍ଟ୍ରାଇକ୍ ହାରରେ ଅପରାଜିତ ୭୯ ସ୍କୋର କରିବାରେ ସଫଳ ହୋଇଥିଲା । ଏହି ସମୟରେ ତାଙ୍କ ବ୍ୟାଟରୁ ତିନୋଟି ଚୌକା ଓ ୧୦ ଛକା ବାହାରିଥିଲା ।

ଗୁଜୁରାଟ ଟାଇଟାନ୍ସକୁ ଜିତିବା ପାଇଁ ୨୧୯ ରନ୍‌ର ଲକ୍ଷ୍ୟ ଦେଇଥିଲା ମୁମ୍ବାଇ ଇଣ୍ଡିଆନ୍ସ । ମୁମ୍ବାଇ ତରଫରୁ ସୁର୍ଯ୍ୟକୁମାର ଯାଦବ (Suryakumar Yadav) ବିସ୍ଫୋରକ ବ୍ୟାଟିଂ କରି ଏକ ଶତକ ହାସଲ କରିଥିଲେ । ସୂର୍ଯ୍ୟ ୪୯ ବଲରେ ଅପରାଜିତ ୧୦୩ ରନ୍ ସ୍କୋର କରିଥିଲେ । ସେ ଏହି ଶତକୀୟ ଇନିଂସରେ ୧୧ ଟି ଚୌକା ଓ ୬ଟି ଛକା ମାରିଥିଲେ । ଇଶାନ କିଶନ ୩୧ ରନ ଓ ରୋହିତ ଶର୍ମା ୨୯ ରନ ସ୍କୋର କରିଥିଲେ । ଗୁଜୁରାଟ ପାଇଁ ରସିଦ ଖାନ ସର୍ବାଧିକ ୪ ୱିକେଟ୍ ନେଇଥିଲେ । ସେ ୪ ଓଭରରେ ୩୦ ରନ୍ ଦେଇ ଏହି ସଫଳତା ହାସଲ କରିଥିଲେ । ମୋହିତ ଶର୍ମା ମଧ୍ୟ ଗୋଟିଏ ସଫଳତା ପାଇଥିଲେ ।

ୱାନ୍ଖଡେ ଷ୍ଟାଡିୟମରେ ଗତ କିଛି ମ୍ୟାଚ୍‌ରେ କ୍ରମାଗତ ୨୦୦ ରନ୍‌ର ଲକ୍ଷ୍ୟକୁ ସଫଳତାର ସହ ପିଛାକରି ଜିତୁଥିବା ମୁମ୍ବାଇ ଇଣ୍ଡିଆନ୍ସ ଆଜି ପ୍ରଥମେ ବୋଲିଂ କରିଥିଲା । ଏଥର ଦଳ ନିଜେ ପ୍ରଥମେ ବ୍ୟାଟିଂ କରି ୨୮୧ ରନ୍ ସ୍କୋର କରିଥିଲା । ୱାନ୍ଖଡେରେ ରନ୍‌ର ବର୍ଷା ଦେଖି ଗୁଜୁରାଟ ମଧ୍ୟ କଡ଼ା ଟକ୍କର ଦେବ ବୋଲି ଆଶା କରାଯାଉଥିଲା, କିନ୍ତୁ ମୁମ୍ବାଇ ବୋଲରମାନେ ଗୁଜୁରାଟର ଉପର କ୍ରମର ବ୍ୟାଟିଙ୍ଗ ଅର୍ଡରକୁ କମ୍ ସ୍କୋରରେ ଆଉଟ କରିବାରେ ସଫଳ ହୋଇଥିଲା ।

ସୂର୍ଯ୍ୟକୁମାର ଯାଦବ ନିଜ ଆଇପିଏଲ କ୍ୟାରିୟରରେ ପ୍ରଥମ ଥର ପାଇଁ ଏକ ଶତକ ହାସଲ କରିଛନ୍ତି । ଗୁଜୁରାଟ ଟାଇଟାନ୍ସ ବିପକ୍ଷ ଇନିଂସର ଶେଷ ବଲରେ ଏକ ଛକା ମାରି ମୁମ୍ବାଇ ଇଣ୍ଡିଆନ୍ସର ଷ୍ଟାର ବ୍ୟାଟ୍ସମ୍ୟାନ୍ ଜବରଦସ୍ତ ଶତକ ମାରିଥିଲେ । ସୂର୍ଯ୍ୟ ୪୯ଟି ବଲରେ ନିଜ ଶତକ ପୂରଣ କରିଥିଲେ । ଏହି ବିସ୍ଫୋରକ ଶତକ ଆଧାରରେ ମୁମ୍ବାଇ ୫ ୱିକେଟ୍ ହରାଇ ୨୧୮ ରନ୍ ସଂଗ୍ରହ କରିଥିଲା । ଗତ ଏକ ବର୍ଷରେ ଟି-୨୦ କ୍ରିକେଟରେ ସୂର୍ଯ୍ୟଙ୍କର ଏହା ହେଉଛି ଚତୁର୍ଥ ଶତକ । 

ଏହା ବି ପଢନ୍ତୁ: Suryakumar Yadav Century: ଶେଷ ବଲରେ ଛକା ମାରି ନିଜର ପ୍ରଥମ ଆଇପିଏଲ ଶତକ ପୂରା କଲେ ସୂର୍ଯ୍ୟକୁମାର ଯାଦବ, ଦେଖନ୍ତୁ ଭିଡିଓ