ପ୍ରକାଶ ପାଇଲା IPL 2024 କାର୍ଯ୍ୟସୂଚୀ, ପ୍ରଥମ ମ୍ୟାଚ୍ ଖେଳିବ RCB; ଜାଣନ୍ତୁ କେବେ ଏବଂ କେଉଁଠାରେ ଖେଳାଯିବ

IPL 2024 Schedule Announced: ଇଣ୍ଡିଆନ୍ ପ୍ରିମିୟର ଲିଗ୍ (IPL 2024) ର ୧୭ ତମ ସଂସ୍କରଣର କାର୍ଯ୍ୟସୂଚୀକୁ ସମସ୍ତେ ଉତ୍ସାହର ସହିତ ଅପେକ୍ଷା କରିଥିଲେ। ବର୍ତ୍ତମାନ କାର୍ଯ୍ୟସୂଚୀ ସାମ୍ନାକୁ ଆସିଛି ଏବଂ ମାର୍ଚ୍ଚ ୨୨ ରୁ ଏହି ଟୁର୍ଣ୍ଣାମେଣ୍ଟ ଆରମ୍ଭ କରିବାକୁ ନିଷ୍ପତ୍ତି ନିଆଯାଇଛି। କେବଳ ଆଇପିଏଲ୍ ୨୦୨୪ ମ୍ୟାଚ୍ ର ପ୍ରଥମ ୧୭ଦିନର କାର୍ଯ୍ୟସୂଚୀ ପ୍ରକାଶ ପାଇଛି। ଚଳିତ ବର୍ଷ ଭାରତରେ ହେବାକୁ ଥିବା ଲୋକସଭା ନିର୍ବାଚନ ଯୋଗୁଁ କାର୍ଯ୍ୟସୂଚୀ ଘୋଷଣା ବିଳମ୍ବ ହୋଇଛି। ନିର୍ବାଚନ ତାରିଖ ଘୋଷଣା ପରେ ହିଁ ଅବଶିଷ୍ଟ ମ୍ୟାଚଗୁଡିକର କାର୍ଯ୍ୟସୂଚୀ ସ୍ଥିର ହେବ। ଆଇପିଏଲ୍ ଚେୟାରମ୍ୟାନ୍ ଅରୁଣ ଧୁମାଲ ପୂର୍ବରୁ କହିଥଲେ ଯେ ନିର୍ବାଚନର ଅନ୍ତିମ ତାରିଖ ପରେ ସମ୍ପୂର୍ଣ୍ଣ କାର୍ଯ୍ୟସୂଚୀ ଆସିବ ଏବଂ କାର୍ଯ୍ୟସୂଚୀ ପ୍ରଥମ ଦୁଇଟି ଭାଗରେ ପ୍ରକାଶ ପାଇବ।

ପ୍ରଥମ ୨୧ଟି ମ୍ୟାଚ୍ ର କାର୍ଯ୍ୟସୂଚୀ ବର୍ତ୍ତମାନ ପ୍ରକାଶ ପାଇଛି। ୨୨ ମାର୍ଚ୍ଚରୁ ୭ ଏପ୍ରିଲ ପର୍ଯ୍ୟନ୍ତ ମ୍ୟାଚ୍ ବିଷୟରେ ସୂଚନା ପ୍ରକାଶ ପାଇଛି। ଆଇପିଏଲ୍ ୨୦୨୪ ର ପ୍ରଥମ ମ୍ୟାଚ୍ ଚେନ୍ନାଇ ସୁପର କିଙ୍ଗସ୍ ଏବଂ ଆରସିବି ମଧ୍ୟରେ ଖେଳାଯିବ। ଚେନ୍ନାଇ ଏହି ମ୍ୟାଚ୍ ଆୟୋଜନ କରିବ ଏବଂ ଏହି ମ୍ୟାଚ୍ ଚେପକ୍ ଗ୍ରାଉଣ୍ଡରେ ଖେଳାଯିବ। ମାର୍ଚ୍ଚ ୨୪ ରେ ଗୁଜୁରାଟ ଟାଇଟାନ୍ସ ମୁମ୍ବାଇ ଇଣ୍ଡିଆନ୍ସ ସହିତ ପ୍ରଥମ ମ୍ୟାଚ୍ ଖେଳିବ।

ଚାରିଟି ଡବଲ୍ ହେଡର୍ ମ୍ୟାଚ୍ ମଧ୍ୟ ହେବ 
ଏପର୍ଯ୍ୟନ୍ତ ପ୍ରକାଶିତ କାର୍ଯ୍ୟସୂଚୀରେ ଚାରୋଟି ଡବଲ୍ ହେଡର୍ ମ୍ୟାଚ୍ ମଧ୍ୟ ହେବାକୁ ଯାଉଛି। ଚାରୋଟି ଡବଲ୍ ହେଡର୍ ମ୍ୟାଚ୍ ମାର୍ଚ୍ଚ ୨୩ ରେ, ସିଜିନର ଦ୍ୱିତୀୟ ଦିନ, ମାର୍ଚ୍ଚ ୨୪ ତୃତୀୟ ଦିନରେ, ମାର୍ଚ୍ଚ ୩୧ ଓ ଏପ୍ରିଲ୍ ୭ ରେ ଖେଳାଯିବ। ଏହି ଅବଧି ମଧ୍ୟରେ, ପ୍ରତ୍ୟେକ ଦଳ ପ୍ରାୟ ୪ଟି ମ୍ୟାଚ୍ ଖେଳିବେ।