IPL 2023: ବୋଲରଙ୍କ ଦମ ବଳରେ ହାଇଦ୍ରାବାଦକୁ ୭ ରନରେ ମାତ ଦେଲା ଦିଲ୍ଲୀ

DC vs SRH Match Result: ଚଳିତ ଆଇପିଏଲ ସଂସ୍କରଣର ୩୪ ତମ ମୁକାବିଲାରେ ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ୭ ରନ ବ୍ୟବଧାନରେ ହାଇଦ୍ରାବାଦ ସନରାଇଜର୍ସ। ସୋମବାର ଅନୁଷ୍ଠିତ ହୋଇଥିବା ମୁକାବିଲାରେ ବୋଲିଂ ବଳରେ ହାଇଦ୍ରାବାଦକୁ ପରାସ୍ତ କରି ଦିଲ୍ଲୀ ଦ୍ୱିତୀୟ ବିଜୟ ପଞ୍ଜୀକରଣ ହାସଲ କରିଛି। ଟସ୍ ଜିତିବା ପରେ ଦିଲ୍ଲୀ ଟିମ୍ ଅଧିନାୟକ ଡେଭିଡ ୱାର୍ନର ହାଇଦ୍ରାବାଦ ଦଳକୁ ବୋଲିଂ କରିବାକୁ ଆମନ୍ତ୍ରଣ କରିଥିଲେ। ପ୍ରଥମେ ବ୍ୟାଟିଂ କରି ଦିଲ୍ଲୀ କ୍ୟାପିଟାଲ୍ସ ଧାର୍ଯ୍ୟ ୨୦ ଓଭରରେ ୯ ୱିକେଟ୍ ହରାଇ ୧୪୪ ରନ୍ ସଂଗ୍ରହ କରିଥିଲା। ଏହାର ଜବାବରେ ସନରାଇଜର୍ସ ହାଇଦ୍ରାବାଦ ଦଳ ଧାର୍ଯ୍ୟ ୨୦ ଓଭରରେ ୬ ୱିକେଟ୍ ହରାଇ ୧୩୭ ରନ୍ ସଂଗ୍ରହ କରିବାକୁ ସକ୍ଷମ ହୋଇଥିଲା। 

ପ୍ରଥମେ ବ୍ୟାଟିଂ କରି ଦିଲ୍ଲୀ ରାଜଧାନୀ ଦଳ ହାଇଦ୍ରାବାଦ ସାମ୍ନାରେ ୧୪୫ ରନ ବିଜୟ ଲକ୍ଷ୍ୟ ରଖିଥିଲା। ଯଦିଓ ଏହି ମ୍ୟାଚ ଚାଲିଥିବା ସମୟରେ ହାଇଦ୍ରାବାଦ ଦଳର ପଲ୍ଲା ଭାରୀ ରହିଥିବା ଭଳି ମନେ ହେଉଥିଲା। ହେଲେ  ଦିଲ୍ଲୀ ବୋଲର ଚମତ୍କାର ପ୍ରତ୍ୟାବର୍ତ୍ତନ କରି ଦଳକୁ ଜିତାଇଥିଲେ। ଦ୍ରୁତ ବୋଲର ମୁକେଶ କୁମାର ଦ୍ୱିତୀୟ ଇନିଂସର ଶେଷ ଓଭରକୁ ଚମତ୍କାର ବୋଲିଂ କରିଥିଲେ। ସେ ଏହି ଓଭରରେ ମାତ୍ର ୫ ରନ୍ ବ୍ୟୟ କରିଥିଲେ। ହେଲେ ୩ ଓଭର ବୋଲିଂ କରିବା ପର୍ଯ୍ୟନ୍ତ ସେ କୌଣସି ୱିକେଟ୍ ପାଇନଥିଲେ। ଅକ୍ଷର ପଟେଲ ଏବଂ ଏନରିକ୍ ନୋର୍ଖିଆ ଦିଲ୍ଲୀ କ୍ୟାପିଟାଲ୍ସ ପାଇଁ ୨-୨ ୱିକେଟ୍ ନେଇଥିଲେ। ଏହା ବ୍ୟତୀତ କୁଲଦୀପ ଯାଦବ ଏବଂ ଇଶାନ୍ତ ଶର୍ମାଙ୍କୁ ଗୋଟିଏ ଲେଖାଁଏ ୱିକେଟ ମିଳିଥିଲା। 

ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଦିଆଯାଇଥିବା ୧୪୫ ରନ ବିଜୟ ଲକ୍ଷ୍ୟକୁ ପିଛା କରି ହାଇଦ୍ରାବାଦ ଦଳର ଇନିଂସ ଭଲ ରହିଥିଲା। ହେଲେ ହ୍ୟାରି ବ୍ରୁକ୍ ୭ ରନ୍ ସ୍କୋର କରିବା ପରେ ଶୀଘ୍ର ପାଭିଲିୟନକୁ ଫେରିଯାଇଥିଲେ। ହେଲେ ଏହା ପରେ ମାୟଙ୍କ ଅଗ୍ରୱାଲ ଭଲ ବ୍ୟାଟିଂ କରିଥିଲେ। ୪୯ ରନ୍ ସ୍କୋର କରିବା ଅକ୍ଷର ପଟେଲଙ୍କ ବୋଲିଂରେ କ୍ୟାଚ ଆଉଟ ହୋଇଥିଲେ ମୟଙ୍କ ଅଗ୍ରୱାଲ। ଏହା ପରେ ହେନରିକ୍ କ୍ଲାସେନ୍ ଲୋୟର ଅର୍ଡର 
ଆଡକୁ ଓହ୍ଲାଇ କିଛି ଭଲ ସଟ୍ ଖେଳିଥିଲେ। ହେଲେ ୩୧ ରନ୍ ସ୍କୋର କରିବା ପରେ ଏନରିକ୍ ନୋର୍ଖିଆଙ୍କ ଶିକାର ହୋଇଥିଲେ ହେନରିକ୍ କ୍ଲାସେନ୍। ୱାଶିଂଟନ୍ ସୁନ୍ଦର ମଧ୍ୟ ୧୪ ବଲରେ ଅପରାଜିତ ୨୪ ରନ୍ ସ୍କୋର କରିଥିଲେ। ଏହା ବ୍ୟତୀତ ଦଳର କୌଣସି ବ୍ୟାଟ୍ସମ୍ୟାନ୍ ବଡ଼ ସ୍କୋର କରିପାରିଲେ ନାହିଁ।

ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ଆସିଥିବା ଦିଲ୍ଲୀ କ୍ୟାପିଟାଲ୍ସ ସେପରି କୌଣସି ବିଶେଷ ପ୍ରଦର୍ଶନ ଦେଖାଇ ପାରିନଥିଲେ। କୌଣସି ପ୍ରକାରେ ଦଳ ୧୪୪  ରନ୍ ସ୍କୋର କରିବାରେ ସକ୍ଷମ ହୋଇଥିଲା। ଏଥିରେ ଡେଭିଡ ୱାର୍ନର (୨୧), ମିଚେଲ ମାର୍ଶ (୨୫), ମନୀଷ ପାଣ୍ଡେ (୩୪), ଅକ୍ଷର ପଟେଲଙ୍କ (୩୪) ସହଯୋଗ ରହିଥିଲା। ସରଫରାଜ ଖାନଙ୍କ ବ୍ୟାଟ୍ ପୁଣି ଥରେ ବିଫଳ ହୋଇଥିଲା। ସେସ ୧୦ ରନ୍ ସ୍କୋର କରିଥିଲେ। ସଲେମାନଙ୍କ ବ୍ୟତୀତ କୌଣସି ବ୍ୟାଟ୍ସମ୍ୟାନ୍ ଦୁଇ ଅଙ୍କ ଛୁଇଁବାରେ ବିଫଳ ହୋଇଥିଲେ।

ହାଇଦ୍ରାବାଦ ଟିମ୍ ପକ୍ଷରୁ ୱାଶିଂଟନ୍ ସୁନ୍ଦର ଏବଂ ଭୁବନେଶ୍ୱର କୁମାର ଭଲ ବୋଲିଂ କରିଥିଲେ। ୱାଶିଂଟନ୍ ଗୋଟିଏ ଓଭରରେ ଦିଲ୍ଲୀର ୩ ଜଣ ବ୍ୟାଟ୍ସମ୍ୟାନ୍ ଙ୍କ ୱିକେଟ ନେଇଥିଲେ। ୪ ଓଭର ବୋଲିଂ ୨୮ ରନ୍ ବ୍ୟୟରେ ୩ ୱିକେଟ୍ ନେଇଥିଲେ। ଭୁବନେଶ୍ୱର କୁମାର ୪ ଓଭର ବୋଲି ମାତ୍ର ୧୧ ରନ୍ ବ୍ୟୟରେ ୨ ୱିକେଟ୍ ନେଇଥିଲେ। ତାଙ୍କ ବ୍ୟତୀତ ଟି.ନଟରାଜନ ଗୋଟିଏ ଲେଖାଁଏ ୱିକେଟ ପାଇଥିଲେ।