IND vs ZIM: କମ୍ ପାଣିରେ ଗାଧୋଇବାକୁ ନେଇ ଟିମ୍ ଇଣ୍ଡିଆକୁ ପରାମର୍ଶ ଦେଲା ବିସିସିଆଇ; ଏହା ରହିଛି କାରଣ

Zimbabwe tour of India: ଟିମ୍ ଇଣ୍ଡିଆକୁ (Team India) ୧୮ ରୁ ୨୨ ଅଗଷ୍ଟ ମଧ୍ୟରେ ଜିମ୍ବାୱେରେ (Zimbabwe) ତିନି ମ୍ୟାଚ୍ ବିଶିଷ୍ଟ ଏକ ଦିନିକିଆ ସିରିଜ୍ ଖେଳିବାକୁ ପଡିବ । ଏହି ସମସ୍ତ ମ୍ୟାଚ୍ ହାରେରେ ଥିବା ହରାରେ ସ୍ପୋର୍ଟସ୍ କ୍ଲବ୍ ଗ୍ରାଉଣ୍ଡରେ (Harare Sports Club ground) ଖେଳାଯିବ । ଏହି ଭ୍ରମଣ ପାଇଁ ବୋର୍ଡ ଅଫ୍ କଣ୍ଟ୍ରୋଲ ଫର କ୍ରିକେଟ୍ ଇନ୍ ଇଣ୍ଡିଆ (BCCI) ଟିମ୍ ଇଣ୍ଡିଆର ଖେଳାଳିଙ୍କୁ ଶୀଘ୍ର ଶୀଘ୍ର ଗାଧୋଇବାକୁ ଓ ଆଦୌ ଜଳ ନଷ୍ଟ ନକରିବାକୁ ପରାମର୍ଶ ଦେଇଛି । ବାସ୍ତବରେ, ହାରାରେ ବହୁତ ଜଳ ଅଭାବ ଦେଖାଦେଇଛି, ଏହି କାରଣରୁ ବିସିସିଆଇ ଭାରତୀୟ ଦଳକୁ ଏହି ପରାମର୍ଶ ଦେଇଛି ।

ଇନ୍ସାଇଡ୍ ସ୍ପୋର୍ଟସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, କେଏଲ ରାହୁଲଙ୍କ ଦ୍ୱାରା ପରିଚାଳିତ ଭାରତୀୟ ଦଳକୁ ଏହି ଯାତ୍ରା ସମୟରେ ଯଥାସମ୍ଭବ ଜଳ ସଞ୍ଚୟ କରିବାକୁ ବିସିସିଆଇ ପରାମର୍ଶ ଦେଇଛି ଓ ଏହି କାରଣରୁ ଖେଳାଳିମାନଙ୍କୁ ଖୁବ୍ କମ୍ ସମୟ ମଧ୍ୟରେ ଗାଧୋଇବାକୁ କୁହାଯାଇଛି । ଅତୀତରେ ଟିମ୍ ଇଣ୍ଡିଆ ସହିତ ମଧ୍ୟ ଏହା ଘଟିଛି ।କେପଟାଉନରେ ମଧ୍ୟ ସମାନ ଜଳ ସମସ୍ୟା ଦେଖାଦେଇଥିଲା, ଯେତେବେଳେ ଭାରତୀୟ ଦଳ ୨୦୧୮ ରେ ଦକ୍ଷିଣ ଆଫ୍ରିକା ଗସ୍ତରେ ଥିଲେ, ସେତେବେଳେ ବିସିସିଆଇ ଦ୍ୱାରା ଭାରତୀୟ ଖେଳାଳିଙ୍କୁ ମଧ୍ୟ ସମାନ ପରାମର୍ଶ ଦିଆଯାଇଥିଲା ।

ବିସିସିଆଇର ଜଣେ ଅଧିକାରୀ ଇନସାଇଡ୍ ସ୍ପୋର୍ଟସକୁ କହିଛନ୍ତି, “ହଁ, ହରାରେରେ ଜଳ ସମସ୍ୟା ଅତ୍ୟନ୍ତ ଗମ୍ଭୀର ଓ ଖେଳାଳିଙ୍କୁ ସୂଚନା ଦିଆଯାଇଛି । କୌଣସି ମୂଲ୍ୟରେ ଜଳ ନଷ୍ଟ ନକରିବାକୁ ଓ ଅଳ୍ପ ସମୟ ମଧ୍ୟରେ ଗାଧୋଇବାକୁ ସେମାନଙ୍କୁ କୁହାଯାଇଛି । ଜଳ ସଂରକ୍ଷଣ ପାଇଁ ପୁଲ୍ ସେସନକୁ ବାଦ ଦିଆଯାଇଛି ।

ଏହି ଗସ୍ତରେ ରୋହିତ ଶର୍ମାଙ୍କୁ ବିଶ୍ରାମ ଦିଆଯାଇଥିବାବେଳେ କେଏଲ ରାହୁଲ ଦଳର ନେତୃତ୍ୱ ନେବେ । କେବଳ ରୋହିତ ଶର୍ମା ନୁହଁନ୍ତି, ଋଷଭ ପନ୍ତ, ଜସପ୍ରୀତ ବୁମ୍ରା ଓ ବିରାଟ କୋହଲିଙ୍କ (Virat Kohli) ଭଳି ତାରକା ମଧ୍ୟ ଏହି ଗସ୍ତରେ ଅନୁପସ୍ଥିତ ରହିଛନ୍ତି । ଅଗଷ୍ଟ ୧୮ ରୁ ୨୨ ପର୍ଯ୍ୟନ୍ତ ଜିମ୍ବାୱେ ଗସ୍ତରେ ଭାରତକୁ ତିନି ମ୍ୟାଚ୍ ବିଶିଷ୍ଟ ODI ସିରିଜ୍ ଖେଳିବାକୁ ପଡିବ, ଯେଉଁଥି ପାଇଁ ୱାଶିଂଟନ୍ ସୁନ୍ଦରଙ୍କୁ ମଧ୍ୟ ଚୟନ କରାଯାଇଥିଲା । କିନ୍ତୁ ପୁଣି ଥରେ ଆଘାତ ହେବା ଯୋଗୁଁ ସେ ବାଦ ପଡିଛନ୍ତି, ଏହି ଅଲରାଉଣ୍ଡରଙ୍କ ସମସ୍ୟାକୁ ଆହୁରି ବଢ଼ାଇ ଦେଇଛି । ୧୧ ଅଗଷ୍ଟରେ ମଞ୍ଚେଷ୍ଟରରେ ରୟାଲ ଲଣ୍ଡନର ଏକ ଦିନିକିଆ କପ ମ୍ୟାଚରେ ଭାରତ ଅଲରାଉଣ୍ଡରଙ୍କ କାନ୍ଧରେ ଆଘାତ ଲାଗିଥିଲା । 

ଜିମ୍ବାୱେ ଗସ୍ତ ପାଇଁ ଭାରତୀୟ ଦଳ
କେଏଲ ରାହୁଲ (ଅଧିନାୟକ), ଶିଖର ଧୱନ (ଉପଅଧିନାୟକ), ଋତୁରାଜ ଗାୟକୱାଡ଼, ଶୁଭମନ ଗିଲ୍, ଦୀପକ ହୁଡ଼୍ଡା, ରାହୁଲ ତ୍ରୀପାଠୀ, ଇଶାନ କିଶନ, ସଞ୍ଜୁ ସ୍ୟାମସନ, ଶାହାବାଜ ଅହମଦ, ଶାର୍ଦୁଲ ଠାକୁର, କୁଲଦୀପ ଯାଦବ, ଅକ୍ଷର ପଟେଲ, ଆବେଶ ଖାନ, ପ୍ରସିଦ୍ଧ କୃଷ୍ଣା, ମହମ୍ମଦ ସିରାଜ, ଦୀପକ ଚହର ।

ଏହା ବି ପଢ଼ନ୍ତୁ: FIFA ସହିତ ବୈଠକ କଲେ କେନ୍ଦ୍ର ସରକାର, ମିଳିବାକୁ ଯାଉଛି U17 ବିଶ୍ୱକପକୁ ନେଇ ଖୁସିଖବର!