ବିଶ୍ୱକପ୍ ୨୦୨୩ ରେ ଟିମ୍ ଇଣ୍ଡିଆର ପରବର୍ତ୍ତୀ ମ୍ୟାଚ୍ ବାଂଲାଦେଶ ବିପକ୍ଷରେ ଖେଳିବ । ଏହା ୧୯ ଅକ୍ଟୋବର (ଗୁରୁବାର) ମଧ୍ୟାହ୍ନ ୨ ଟାରେ ପୁଣେର ମହାରାଷ୍ଟ୍ର କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ହେବ । ଭାରତୀୟ ଦଳ ଏପର୍ଯ୍ୟନ୍ତ ଏହି ବିଶ୍ୱକପ୍ର ସମସ୍ତ ତିନୋଟି ମ୍ୟାଚ୍କୁ ଏକପାଖିଆ ଢଙ୍ଗରେ ଜିତିଛି । ଏଭଳି ପରିସ୍ଥିତିରେ ବାଂଲାଦେଶ ବ
Trending Photos
3
5
5
12 "Team India Playing 11")
Team India Playing 11: ବିଶ୍ୱକପ୍ ୨୦୨୩ ରେ ଟିମ୍ ଇଣ୍ଡିଆର ପରବର୍ତ୍ତୀ ମ୍ୟାଚ୍ ବାଂଲାଦେଶ ବିପକ୍ଷରେ ଖେଳିବ । ଏହା ୧୯ ଅକ୍ଟୋବର (ଗୁରୁବାର) ମଧ୍ୟାହ୍ନ ୨ ଟାରେ ପୁଣେର ମହାରାଷ୍ଟ୍ର କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ହେବ । ଭାରତୀୟ ଦଳ ଏପର୍ଯ୍ୟନ୍ତ ଏହି ବିଶ୍ୱକପ୍ର ସମସ୍ତ ତିନୋଟି ମ୍ୟାଚ୍କୁ ଏକପାଖିଆ ଢଙ୍ଗରେ ଜିତିଛି । ଏଭଳି ପରିସ୍ଥିତିରେ ବାଂଲାଦେଶ ବିପକ୍ଷ ମ୍ୟାଚରେ ଟିମ୍ ଇଣ୍ଡିଆ ଏହାର ଦୁଇ ଦ୍ରୁତ ବୋଲର (ବୁମ୍ରା ଓ ସିରାଜ) ମଧ୍ୟରୁ ଜଣକୁ ବିଶ୍ରାମ ଦେଇପାରେ ବୋଲି କିଛି କଳ୍ପନାଜଳ୍ପନା କରାଯାଉଛି । ଏହା ମଧ୍ୟ କୁହାଯାଉଛି ଯେ ଶାର୍ଦ୍ଦୁଲ ଠାକୁରଙ୍କୁ ବାଦ୍ ଦିଆଯାଇପାରେ । ଏହାର ଅର୍ଥ ମହମ୍ମଦ ଶାମି ପ୍ଲେଇଂ ଇଲେଭେନରେ ଏକ ସୁଯୋଗ ପାଇପାରନ୍ତି । ତଥାପି, ଯଦି ଆମେ ବାଂଲାଦେଶ ସହିତ ବିଗତ ୫ଟି ମ୍ୟାଚ୍ କୁ ଦେଖିବା, ତେବେ ଟିମ୍ ଇଣ୍ଡିଆରେ କୌଣସି ପ୍ରକାରର ପରିବର୍ତ୍ତନ ହୋଇନ ପାରେ ।
ବାସ୍ତବରେ ବାଂଲାଦେଶ ସହିତ ଖେଳିଥିବା ଶେଷ ୫ଟି ଦିନିଆ ମ୍ୟାଚରେ ଟିମ୍ ଇଣ୍ଡିଆକୁ ୩ଟି ପରାଜୟର ସମ୍ମୁଖୀନ ହେବାକୁ ପଡ଼ିଛି । ଏଭଳି ପରିସ୍ଥିତିରେ ଟିମ୍ ଇଣ୍ଡିଆ କୌଣସି ପରିସ୍ଥିତିରେ ବାଂଲାଦେଶକୁ ସହଜ ଭାବେ ନେବାକୁ ସାହସ କରିବ ନାହିଁ । ଏହି ଦଳ ବିରୋଧରେ ଟିକିଏ ଅସାବଧାନତା ମଧ୍ୟ ଟିମ୍ ଇଣ୍ଡିଆ ପାଇଁ ମହଙ୍ଗା ସାବ୍ୟସ୍ତ ହୋଇପାରେ । ତେଣୁ ଭାରତୀୟ ଟିମ୍ ମ୍ୟାନେଜମେଣ୍ଟ ଏହି ମ୍ୟାଚ୍ ପାଇଁ କେବଳ ଏହାର ସର୍ବୋତ୍ତମ ପ୍ଲେଇଂ ଇଲେଭେନକୁ ଏହି ମ୍ୟାଚ୍ ଖେଳାଇବାକୁ ଚାହୁଁଛି ।
ଶେଷ ତିନୋଟି ମ୍ୟାଚରେ ବଦଳିଛି ଟିମ୍ ଇଣ୍ଡିଆର ପ୍ଲେଇଂ ଇଲେଭେନ୍
ବଶ୍ୱକପରେ ଟିମ୍ ଇଣ୍ଡିଆ ଖେଳିଥିବା ତିନୋଟି ମ୍ୟାଚରେ ନିଜର ପ୍ଲେଇଂ ଇଲେଭେନ ପରିବର୍ତ୍ତନ କରି ଆସିଛି । ପ୍ରଥମ ମ୍ୟାଚ୍ରେ ସ୍ପିନ୍ ବୋଲ ସୁହାଉଥିବା ୱିକେଟ୍ ଯୋଗୁଁ ଟିମ୍ ଇଣ୍ଡିଆ ତିନୋଟି ସ୍ପିନରକୁ ଖେଳାଇଥିଲା, ଯେଉଁଥିରେ ଆର ଅଶ୍ୱିନ ମଧ୍ୟ ସାମିଲ ହୋଇଥିଲେ । ଦ୍ୱିତୀୟ ମ୍ୟାଚ୍ରେ ଅଶ୍ୱିନଙ୍କ ସ୍ଥାନରେ ଶାର୍ଦ୍ଦୁଲଙ୍କୁ ସୁଯୋଗ ଦିଆଯାଇଥିଲା ଓ ତୃତୀୟ ମ୍ୟାଚରେ ଇଶାନ କିଶନଙ୍କୁ ଡ୍ରପ କରାଯାଇଥିଲା ଓ ଡେଙ୍ଗୁରୁ ଉଦ୍ଧାର ହୋଇଥିବା ଶୁବମନ ଗିଲଙ୍କୁ ପ୍ଲେଇଂ ଇଲେଭେନର ସାମିଲ କରାଯାଇଥିଲା । ତେବେ ଚତୁର୍ଥ ମ୍ୟାଚରେ ପରିବର୍ତ୍ତନ ପାଇଁ କୌଣସି ସୁଯୋଗ ନାହିଁ । ଅର୍ଥାତ୍ ଅହମ୍ମଦାବାଦରେ ପାକିସ୍ତାନ ବିପକ୍ଷରେ ଖେଳିଥିବା ସମାନ ପ୍ଲେଇଂ-୧୧ ସହିତ ଟିମ୍ ଇଣ୍ଡିଆ ପଡ଼ିଆକୁ ଉହ୍ଲାଇବ ।
କହି ରଖୁଛୁ ଯେ, ବାଂଲାଦେଶ ବିପକ୍ଷରେ ଟିମ୍ ଇଣ୍ଡିଆ ଶାର୍ଦ୍ଦୁଲ ଠାକୁରଙ୍କ ସ୍ଥାନରେ ମହମ୍ମଦ ଶାମିଙ୍କୁ ଚେଷ୍ଟା କରିପାରିବ । କାରଣ ଶେଷ ମ୍ୟାଚ୍ରେ ଶାର୍ଦ୍ଦୁଲ ଠାକୁରଙ୍କୁ କେବଳ ଦୁଇଟି ଓଭର ବୋଲିଂ କରିବାରେ ସୁଯୋଗ ଦିଆଯାଇଥିଲା । ଏପରିକି ବ୍ୟାଟ୍ସମ୍ୟାନଙ୍କ ପର୍ଯ୍ୟାୟ ଆସୁନାହିଁ । ଏଭଳି ପରିସ୍ଥିତିରେ ଟିମ୍ ମ୍ୟାନେଜମେଣ୍ଟ ମହମ୍ମଦ ଶାମିଙ୍କୁ ଦଳରେ ସାମିଲ କରିପାରେ ।
ଟିମ୍ ଇଣ୍ଡିଆର ସାମ୍ଭାବ୍ୟ ପ୍ଲେଇଂ ଇଲେଭେନ୍: ରୋହିତ ଶର୍ମା (ଅଧିନାୟକ), ଶୁବମନ ଗିଲ, ବିରାଟ କୋହଲି, ଶ୍ରେୟସ୍ ଆୟର, କେ.ଏଲ୍ ରାହୁଲ (ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଶାର୍ଦ୍ଦୁଲ ଠାକୁର / ମହମ୍ମଦ ଶାମି, କୁଲଦୀପ ଯାଦବ, ଜସପ୍ରୀତ ବୁମରା, ମହମ୍ମଦ ସିରାଜ ।
