India and Australia 3rd Test: ବୋର୍ଡର-ଗାଭାସ୍କର ଟ୍ରଫିର ତୃତୀୟ ଟେଷ୍ଟ ମ୍ୟାଚରେ ଅଷ୍ଟ୍ରେଲିଆ ଭାରତୀୟ ଦଳକୁ ପରାସ୍ତ କରିଛି । ଟିମ୍ ଇଣ୍ଡିଆର ଏହି ପରାଜୟ ପଛରେ ଅନେକ କାରଣ ରହିଛି । ଆସନ୍ତୁ ଜାଣିବା ଟିମ୍ ଇଣ୍ଡିଆ ହରିବାର କିଛି ପ୍ରମୁଖ କାରଣ ବିଷୟରେ ।
Trending Photos
12
5
12
6 "ସାଙ୍କେତିକ ଛବି")
IND vs AUS 3rd Test: ଭାରତ ଓ ଅଷ୍ଟ୍ରେଲିଆ (India and Australia) ମଧ୍ୟରେ ଇନ୍ଦୋରରେ (Indore) ଖେଳାଯାଇଥିବା ତୃତୀୟ ଟେଷ୍ଟ ମ୍ୟାଚରେ ଅଷ୍ଟ୍ରେଲିଆ ଦଳ ଚମତ୍କାର ପ୍ରଦର୍ଶନ କରିଛି ଓ ମ୍ୟାଚକୁ ୯ ୱିକେଟରେ ଜିତିନେଇଛି । ଇନ୍ଦୋରରେ ଏହା ଭାରତର (Team India) ପ୍ରଥମ ପରାଜୟ ଥିଲା ଓ ଦଳର ଖରାପ ପ୍ରଦର୍ଶନ ପଛରେ ଅନେକ କାରଣ ରହିଥିଲା । ଏହି ମ୍ୟାଚରେ ଟିମ୍ ଇଣ୍ଡିଆ ପ୍ରଥମ ଇନିଂସରୁ ପଛରେ ରହିଯାଇଥିଲା ଓ ଅଷ୍ଟ୍ରେଲିଆ ପାଇଥିବା ଅଗ୍ରଣି ଶେଷ ପର୍ଯ୍ୟନ୍ତ ରହିଥିଲା ଓ ଭାରତ ପ୍ରତ୍ୟାବର୍ତ୍ତନ କରିବାରେ ସଫଳ ହୋଇ ପାରି ନ ଥିଲା ।
ଭାରତର ପରାଜୟର ପାଞ୍ଚଟି ବଡ଼ କାରଣ
1. ପୁଣିଥରେ ବିଫଳ ଭାରତର ଓପନିଂ ଯୋଡି
କୌଣସି ଏକ ଦଳର ବ୍ୟାଟିଂରେ ଏହାର ଓପନିଂ ଯୋଡି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ସାବ୍ୟସ୍ତ ହୋଇଥାଏ ଓ ଏହାର ଭଲ ପଦର୍ଶନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ମ୍ୟାଚରେ ଖରାପ ଫର୍ମରେ ଚାଲୁଥିବା କେ.ଏଲ୍ ରାହୁଲଙ୍କ ସ୍ଥାନରେ ଭାରତୀୟ ଦଳ ଶୁଭମନ ଗିଲଙ୍କ ସ୍ଥାନ ନେଇଥିଲେ, କିନ୍ତୁ ସେ ମଧ୍ୟ ବିଫଳ ହୋଇଥିଲେ ଓ ଉଭୟ ଇନିଂସରେ ସେ ବିଶେଷ କିଛି କରିପାରି ନଥିଲେ । ତାଙ୍କ ବ୍ୟତୀତ ଅଧିନାୟକ ରୋହିତ ଶର୍ମାଙ୍କ ବ୍ୟାଟରୁ ମଧ୍ୟ ଉଭୟ ଇନିଂସରେ ରନ୍ ବାହାରି ନଥିଲା ।
୨.ପିଚକୁ ପଢିବାରେ ଅକ୍ଷମତା
ମ୍ୟାଚ୍ ଆରମ୍ଭ ହେବାର ୩ ଦିନ ପୂର୍ବରୁ ଭାରତୀୟ ଦଳ ଇନ୍ଦୋରରେ ପହଞ୍ଚି ସାରିଥିଲା କିନ୍ତୁ ଏହା ପରେ ମଧ୍ୟ ପିଚକୁ ସଠିକ୍ ଭାବେ ବୁଝି ପାରି ନଥିଲା । ଭାରତ ପିଚ୍କୁ ବ୍ୟାଟିଂ ବୋଲି ବିବେଚନା କରିଥିଲା ଓ ପ୍ରଥମେ ବ୍ୟାଟିଂ କରିବାକୁ ଚାହୁଁଥିଲା, କିନ୍ତୁ ଏଥିରେ ଅଷ୍ଟ୍ରେଲିଆ ବୋଲର ମାନେ ଛାଇ ଯାଇଥିଲେ ଓ ଦଳ ୧୦୯ ରନ୍ କରି ଅଲଆଉଟ ହୋଇଥିଲା, ଅନ୍ୟପଟେ ଅଷ୍ଟ୍ରେଲିଆ ପିଚ୍କୁ ଭଲଭାବେ ବୁଝିଥିଲା ।
୩. ସଟ୍ ମାରିବାକୁ ଯାଇ ଆଉଟ୍ ହୋଇଥିଲେ ଅଧିକାଂଶ ବ୍ୟାଟ୍ସମ୍ୟାନ୍
ଏହି ମ୍ୟାଚରେ ଭାରତ ଓ ଅଷ୍ଟ୍ରେଲିଆର ବ୍ୟାଟିଂରେ ଏକ ବଡ଼ ପାର୍ଥକ୍ୟ ଥିଲା । ଗୋଟିଏ ପଟେ ଉସମାନ ଖ୍ୱାଜା ଓ ଅଷ୍ଟ୍ରେଲିଆର ଅନ୍ୟ ଖେଳାଳିମାନେ ଆରାମରେ ବ୍ୟାଟିଂ କରିଥିବାବେଳେ, ଅନ୍ୟପଟେ ଭାରତୀୟ ଖେଳାଳିଙ୍କୁ ଖରାପ ସଟ୍ ଖେଳି ଆଉଟ୍ ହୋଇଯାଇଥିଲେ । ଏହି ତାଲିକାରେ ଶ୍ରେୟସ୍ ଆୟର, ଶୁବମନ ଗିଲ ଓ କ୍ୟାପଟେନ ରୋହିତ ଶର୍ମାଙ୍କ ନାମ ମଧ୍ୟ ଅନ୍ତର୍ଭୁକ୍ତ ।
୪. ଅଧିନାୟକତ୍ୱରେ ନିରାଶ କରିଥିଲେ ରୋହିତ ଶର୍ମା
ଯଦିଓ ରୋହିତ ଶର୍ମା ଜଣେ ଭଲ ଅଧିନାୟକ ଭାବରେ ଗଣତି ହୁଅନ୍ତି, ତଥାପି ସେ ଏହି ମ୍ୟାଚରେ ଖରାପ ଅଧିନାୟକତ୍ବ କରୁଥିବାର ଦେଖିବାକୁ ମିଳିଥିଲା । ଏଥିରେ ତାଙ୍କ ନିଜ ବ୍ୟାଟିଂକୁ ନେଇ ହେଉ କିମ୍ବା ବୋଲରମାନଙ୍କୁ ବୋଲିଂ କରିବା କିମ୍ବା DRS ନେବା କଥା ସବୁଠାରେ ରୋହିତ ଦଳକୁ ନିରାଶ କରିଥିଲେ ।
୫.ବିଦେଶୀ ସ୍ପିନରଙ୍କ ସାମ୍ନାରେ ଭାରତୀୟ ବ୍ୟାଟ୍ସମ୍ୟାନଙ୍କ ଆତ୍ମସମର୍ପଣ
ଭାରତୀୟ ଦଳର ଖେଳାଳିମାନେ ପିଲାଦିନରୁ ସ୍ପିନ୍ ବିପକ୍ଷରେ ଖେଳିଆସୁଛନ୍ତି ଓ ସେମାନେ ମଧ୍ୟ ଏହାକୁ ଖେଳିବାର ପାରଙ୍ଗମ ବିବେଚିତ ହୋଇଥାନ୍ତି, କିନ୍ତୁ ଏହି ମ୍ୟାଚରେ ଦଳ ଅଷ୍ଟ୍ରେଲିଆ ସ୍ପିନରଙ୍କ ସାମ୍ନାରେ ଅସହାୟ ଦେଖାଯାଉଥିଲା । ବିଶେଷକରି କୌଣସି ବ୍ୟାଟ୍ସମ୍ୟାନ୍ ନାଥାନ୍ ଲିଅନ୍ଙ୍କୁ ଖେଳିବାରେ ସକ୍ଷମ ହୋଇନଥିଲେ । ନାଥାନଙ୍କ ବ୍ୟତୀତ ଦଳ ଯୁବ ବୋଲର କୁହେମାନଙ୍କୁ ମଧ୍ୟ ସହଜରେ ଟିମ୍ ଇଣ୍ଡିଆରେ ଖେଳାଳି ମାନେ ୱିକେଟ୍ ଦେଇଥିଲେ ।
ଏହା ବି ପଢ଼ନ୍ତୁ: IND vs AUS: ଭାରତର ଲଜ୍ଜାଜନକ ପରାଜୟ, ୯ ଓ୍ୱିକେଟର ଜିତିଲା WTCରେ ସ୍ଥାନ ପକ୍କା କଲା ଅଷ୍ଟ୍ରେଲିଆ
