IND vs AUS: ଚତୁର୍ଥ ଟି-୨୦ ରେ ଭାରତୀୟ ଦଳରେ ହୋଇପାରେ ଦୁଇଟି ବଡ଼ ପରିବର୍ତ୍ତନ, ଏପରି ହେବ ଉଭୟ ଦଳର ପ୍ଲେଇଂ-11!

IND vs AUS Playing 11: ୧ ଡିସେମ୍ବର ଅର୍ଥାତ୍ ଶୁକ୍ରବାର ଦିନ ଭାରତ ଓ ଅଷ୍ଟ୍ରେଲିଆ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜର ଚତୁର୍ଥ ଟି-୨୦ ମ୍ୟାଚ୍ ଖେଳିବେ । ରାୟପୁରର ସହିଦ ବୀର ନାରାୟଣ ସିଂ ଅନ୍ତର୍ଜାତୀୟ ଷ୍ଟାଡିୟମରେ ଉଭୟ ଦଳ ମୁହାଁମୁହିଁ ହେବେ । ରାୟପୁରରେ ଏପର୍ଯ୍ୟନ୍ତ ଗୋଟିଏ ବି ଅନ୍ତର୍ଜାତୀୟ ଟି-୨୦ ମ୍ୟାଚ୍ ଖେଳାଯାଇ ନାହିଁ । ପ୍ରଥମ ଥର ପାଇଁ ୧ ଡିସେମ୍ବରରେ ଏଠାରେ ଟି-୨୦ ମ୍ୟାଚ୍ ଖେଳାଯିବ ।

ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ଭାରତ ୨-୧ ରେ ଆଗୁଆ ରହିଛି । ତୃତୀୟ ଟି-୨୦ ମ୍ୟାଚରେ ଅଷ୍ଟ୍ରେଲିଆ ଭାରତକୁ ପାଞ୍ଚ ୱିକେଟରେ ପରାସ୍ତ କରିଛି । ଭାରତ ଏକ ପ୍ରତ୍ୟାବର୍ତ୍ତନ କରିବାକୁ ଚାହୁଁଛି ଓ ଏହି ସିରିଜକୁ କାବୁ କରିବାକୁ ଚେଷ୍ଟା କରିବ । ଭାରତୀୟ ଦଳ ପାଇଁ ଏକ ଖୁସି ଖବର ଅଛି ଯେ ଶ୍ରେୟାସ ଆୟର ଦଳକୁ ଫେରୁଛନ୍ତି । ସେ ଉପ-ଅଧିନାୟକ ଭାବରେ ରାୟପୁର ଟି-୨୦ ମ୍ୟାଚରେ ଦଳରେ ଯୋଗଦେବେ ।

ପ୍ଲେଇଂ ଇଲେଭେନରେ ସ୍ଥାନ ପାଇପାରନ୍ତି ଦୀପକ ଚହର 
ତୃତୀୟ ଟି-୨୦ ମ୍ୟାଚ୍‌ରେ ଭାରତୀୟ ଦଳର ବୋଲିଂ ଖରାପ ପଦର୍ଶନ ଦେଖିବାକୁ ମିଳିଥିଲା । ପ୍ରସିଦ୍ଧ କ୍ରାଷ୍ଣା ବହୁତ ମହଙ୍ଗା ସାବ୍ୟସ୍ତ ହୋଇଥିଲେ । ଏଭଳି ପରିସ୍ଥିତିରେ ଦୀପକ ଚହରଙ୍କୁ ପ୍ଲେଇଂ ଇଲେଭେନରେ ଅନ୍ତର୍ଭୁକ୍ତ କରାଯାଇପାରେ ବୋଲି ଆଶା କରାଯାଉଛି । ତିଲାକ ଭର୍ମାଙ୍କ ସ୍ଥାନରେ ଶ୍ରେୟସ୍ ଆୟର ଦଳରେ ଯୋଗ ଦେଇପାରିନ୍ତ ।

ବଦଳି ଯାଇଛି ଅଷ୍ଟ୍ରେଲିୟ ଦଳ 
ଏଥି ସହିତ, ଯଦି ଆମେ ଅଷ୍ଟ୍ରେଲିଆ ବିଷୟରେ କଥା ହେବା, ତେବେ ଦଳରେ ଅନେକ ପରିବର୍ତ୍ତନ ହୋଇପାରେ, କାରଣ ଷ୍ଟିଭ୍ ସ୍ମିଥ୍, ଆଡାମ ଜାମ୍ପା, ଗ୍ଲେନ୍ ମ୍ୟାକ୍ସୱେଲଙ୍କ ଭଳି ଦଳର ବରିଷ୍ଠ ଖେଳାଳିମାନେ ଅଷ୍ଟ୍ରେଲିଆ ଫେରି ଯାଇଛନ୍ତି । ସେମାନଙ୍କ ସ୍ଥାନରେ ୱିକେଟ୍ କିପର ବ୍ୟାଟ୍ସମ୍ୟାନ୍ ଜୋସ୍ ଫିଲିପ୍ ଓ ବେନ୍ ମ୍ୟାକଡର୍ମଟ୍ ତଥା ଦ୍ରୁତ ବୋଲର ବେନ୍ ଡାର୍ଶ୍ୱିସ୍ ଏବଂ ସ୍ପିନର କ୍ରିସ୍ ଗ୍ରୀନ୍ ଦଳରେ ସାମିଲ ହୋଇଛନ୍ତି ।

ଭାରତର ସମ୍ଭାବ୍ୟ ପ୍ଲେଇଂ ଇଲେଭେନ୍: - ଯଶସ୍ୱୀ ଜୈସୱାଲ, ରୁତୁରାଜ ଗାଇକୱାଡ, ଇଶାନ କିଶନ, ସୂର୍ଯ୍ୟକୁମାର ଯାଦବ, ରିଙ୍କୁ ସିଂ, ଶ୍ରେୟସ ଆୟର, ଅକ୍ଷର ପଟେଲ, ରବି ବିଷ୍ଣୋଇ, ଅର୍ଶଦୀପ ସିଂ, ମୁକେଶ କୁମାର, ଦୀପକ ଚହର ।

ଅଷ୍ଟ୍ରେଲିଆ ଦଳର ସମ୍ଭାବ୍ୟ ପ୍ଲେଇଂ ଇଲେଭେନ୍: - ଟ୍ରାଭିସ୍ ହେଡ୍, ମାଥ୍ୟୁ ସର୍ଟ, ବେନ ମ୍ୟାକଡର୍ମଟ, ଜୋଶ ଫିଲିପେ, ଟିମ୍ ଡେଭିଡ, ଆରୋନ ହାର୍ଡି, ମାଥ୍ୟୁ ୱେଡ, ନାଥନ ଏଲିସ, ତାନଭୀର ସାଙ୍ଗା, କେନ ରିଚାର୍ଡସନ / ବେନ ଡାର୍ସୁଇସ, ଜେସନ ବେହେରେଣ୍ଡଫ ।