IND vs AFG: ଟିମ୍ ଇଣ୍ଡିଆକୁ ଫେରିଲେ ଋଷଭ ପନ୍ତ! ରିଙ୍କୁ ସିଂଙ୍କ ଠାରୁ ବ୍ୟାଟ୍ ନେଇ ବିରାଟ କୋହଲିଙ୍କ ସହ କଲେ ଅଭ୍ୟାସ

IND vs AFG 3rd T20: Rishabh Pant, ଭାରତ ଓ ଆଫଗାନିସ୍ତାନ ମଧ୍ୟରେ ତୃତୀୟ ଟି-୨୦ ମ୍ୟାଚ୍ ବେଙ୍ଗାଲୁରୁରେ ଖେଳାଯିବ। ଉଭୟ ଦଳ ବେଙ୍ଗାଲୁରୁରେ ପହଞ୍ଚିଛନ୍ତି। ଅଭ୍ୟାସ ଅଧିବେଶନରେ ଋଷଭ ପନ୍ତ ଭାରତୀୟ ଦଳରେ ଯୋଗ ଦେଇଥିଲେ। ସେ ନେଟରେ ମଧ୍ୟ ଅଭ୍ୟାସ କରିଥିଲେ। ଋଷଭ ପନ୍ତ ମଧ୍ୟ ରୋହିତ ଶର୍ମା ଓ ବିରାଟ କୋହଲିଙ୍କୁ ଭେଟିଥିଲେ। ଦୀର୍ଘ ସମୟ ଧରି ଦଳର ଖେଳାଳିଙ୍କ ସହ ମଧ୍ୟ କଥା ହୋଇଥିଲେ।

ଆଫଗାନିସ୍ତାନ ବିପକ୍ଷ ତୃତୀୟ ତଥା ଅନ୍ତିମ ଟି-୨୦ ମ୍ୟାଚ୍ ପୂର୍ବରୁ ବେଙ୍ଗାଲୁରୁର ଚିନ୍ନାସ୍ୱାମୀ ଷ୍ଟାଡିୟମରେ ଅଭ୍ୟାସ ଅଧିବେଶନରେ ଭାରତୀୟ ପୁରୁଷ କ୍ରିକେଟ୍ ଦଳ ଜୋରଦାର ଝାଳ ବୁହାଇଛନ୍ତି। ଅବଶ୍ୟ, ଅଭ୍ୟାସ ଅଧିବେଶନର ଧ୍ୟାନ ଏକ ବିଶେଷ ଖେଳାଳି ଅର୍ଥାତ୍ ଋଷଭ ପନ୍ତଙ୍କ ଉପରେ ଥିଲା, ଯାହାଙ୍କୁ ପ୍ରଶଂସକମାନେ ଭାରତୀୟ ଦଳକୁ ଫେରିବା ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି।

Rishabh with Indian Cricket Team at Chinnaswamy.#RishabhPant #INDvsAFGpic.twitter.com/fsd7dObYVE

— Cric Krishna (@Krishnak0109) January 16, 2024

ଦଳର ଅଭ୍ୟାସ ଅଧିବେଶନରେ ଷ୍ଟାର ୱିକେଟ୍ କିପର-ବ୍ୟାଟ୍ସମ୍ୟାନ୍ ପନ୍ତ ଯୋଗ ଦେଇଥିଲେ ଓ ବିରାଟ କୋହଲିଙ୍କ ସହ ଗପସପ କରୁଥିବା ଦେଖିବାକୁ ମିଳିଥିଲା। ଏହି ସମୟରେ ଷ୍ଟାର ଖେଳାଳିମାନେ ବହୁତ ହସିଥିଲେ ଓ ଥଟ୍ଟାମଜା କରିଥିଲେ। ଋଷଭ ପନ୍ତ ବର୍ତ୍ତମାନ ବେଙ୍ଗାଲୁରୁର ଏନସିଏରେ ରିହେବ କରୁଛନ୍ତି। ଗତ ବର୍ଷ ଡିସେମ୍ବରରେ ଏକ ସଡକ ଦୁର୍ଘଟଣାରେ ଋଷଭ ପନ୍ତ ଗୁରୁତର ଆହତ ହୋଇଥିଲେ। ସେ ଗତ ଏକ ବର୍ଷ ଧରି କ୍ରିକେଟ୍ ପଡ଼ିଆଠାରୁ ଦୂରରେ ରହିଥିଲେ। ବର୍ତ୍ତମାନ ସେ ଅଭ୍ୟାସ ଆରମ୍ଭ କରିଛନ୍ତି।

କହିରଖୁଛୁ ଯେ କୋହଲି ଟି-୨୦ ରେ ୧୨୦୦୦ ରନ୍ ପୂରଣ କରିବାରେ ପ୍ରଥମ ଭାରତୀୟ ବ୍ୟାଟ୍ସମ୍ୟାନ୍ ହେବା ଠାରୁ କୋହଲି ମାତ୍ର ୬ରନ୍ ଦୂରରେ ଅଛନ୍ତି।