ବିଶ୍ୱକପ ମଝିରେ ICC ନେଲା ବଡ଼ ଆକ୍ସନ, ଶ୍ରୀଲଙ୍କା କ୍ରିକେଟ୍ ସଦସ୍ୟତାକୁ କଲା ସସ୍ପେଣ୍ଡ

ICC suspends Sri Lanka Cricket with immediate effect: ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ବୋର୍ଡ ଶୁକ୍ରବାର ଦିନ ତୁରନ୍ତ ପ୍ରଭାବ ସହିତ ଶ୍ରୀଲଙ୍କା କ୍ରିକେଟ୍ ସଦସ୍ୟତାକୁ ନିଲମ୍ବନ କରିଛି । ଆଇସିସି ବୋର୍ଡ ବୌଠକରେ ନିଷ୍ପତ୍ତି ନେଇଛି ଯେ ଶ୍ରୀଲଙ୍କା କ୍ରିକେଟ୍ ସଦସ୍ୟ ଭାବରେ ଏହାର ଦାୟିତ୍ୱକୁ ଗୁରୁତର ଉଲ୍ଲଂଘନ କରୁଛି । ନିଲମ୍ବନ ସର୍ତ୍ତାବଳୀ ଆଇସିସି ବୋର୍ଡ ଦ୍ୱାରା ଧାର୍ଯ୍ୟ ସମୟରେ ସ୍ଥିର କରାଯିବ ।

ବିଶ୍ୱକପ୍‌ ୨୦୨୩ ରେ ଶ୍ରୀଲଙ୍କା କ୍ରିକେଟ୍ ଦଳର ଖରାପ ପ୍ରଦର୍ଶନ ଯୋଗୁଁ ବୋର୍ଡ ଭିତରେ ଓ ଶ୍ରୀଲଙ୍କାରେ ଅଶାନ୍ତି ଦେଖାଦେଇଛି । ଶ୍ରୀଲଙ୍କାର ସଂସଦ ଗୁରୁବାର ଦିନ ସର୍ବସମ୍ମତି କ୍ରମେ ଦେଶର କ୍ରିକେଟ୍ ସଂଞ୍ଚାଳନ ସଂସ୍ଥାକୁ ବରଖାସ୍ତ କରିବାକୁ ନିଷ୍ପତ୍ତି ନେଇଛି । ଏହା ଶାସକ ଦଳ ଓ ବିରୋଧୀ ଦଳଙ୍କ ଠାରୁ ସମ୍ପୂର୍ଣ୍ଣ ସମର୍ଥନ ପାଇଥିଲା ।

International Cricket Council (ICC) Board has suspended Sri Lanka Cricket’s membership of the ICC with immediate effect.

The ICC Board met today and determined that Sri Lanka Cricket is in serious breach of its obligations as a Member, in particular, the requirement to manage… pic.twitter.com/mIk0EuwQw8

— ANI (@ANI) November 10, 2023

ସୋମବାର ଦିନ କ୍ରୀଡ଼ା ମନ୍ତ୍ରୀ ରୋଶନ ରଣସିଂହ ଶ୍ରୀଲଙ୍କା କ୍ରିକେଟ୍ ମ୍ୟାନେଜମେଣ୍ଟକୁ ବରଖାସ୍ତ କରି ପୂର୍ବତନ ବିଶ୍ୱକପ ବିଜେତା ଅଧିନାୟକ ଅର୍ଜୁନ ରାଣାଟୁଙ୍ଗାଙ୍କୁ କ୍ରିକେଟ୍ ବୋର୍ଡ ଚଳାଇବା ପାଇଁ ସାତଜଣିଆ ମଧ୍ୟବର୍ତ୍ତୀକାଳୀନ କମିଟିର ମୁଖ୍ୟ ଭାବରେ ନିଯୁକ୍ତ କରିଛନ୍ତି । ତେବେ ଏହା ପରେ ମଙ୍ଗଳବାର ଦିନ ଅପିଲ କୋର୍ଟ ଶ୍ୟାମି ସିଲଭାଙ୍କ ନେତୃତ୍ୱରେ ଶ୍ରୀଲଙ୍କା କ୍ରିକେଟ୍ ପରିଚାଳନାକୁ ପୁନଃସ୍ଥାପିତ କରିଛନ୍ତି।

କ୍ରିକଇନ୍ଫୋ ଅନୁଯାୟୀ ଆଇସିସି କହିଛି ଯେ ଆଜି ବୈଠକ ପରେ ବୋର୍ଡ ନିଷ୍ପତ୍ତି ନେଇଛି ଯେ ଶ୍ରୀଲଙ୍କା କ୍ରିକେଟ୍ ସଦସ୍ୟ ଭାବରେ ଏହାର ଦାୟିତ୍ୱର ଗୁରୁତର ଉଲ୍ଲଂଘନ କରୁଛି । ବିଶେଷକରି ଜଣେ ବ୍ୟକ୍ତିଙ୍କ କାର୍ଯ୍ୟକୁ ସ୍ୱୟଂଶାସିତ ଭାବରେ ପରିଚାଳନା କରିବାରେ । ତାଙ୍କ କାର୍ଯ୍ୟରେ ସରକାରଙ୍କର କୌଣସି ହସ୍ତକ୍ଷେପ ନହେବାକୁ ସେ ନିଶ୍ଚିତ କରିବା ଆବଶ୍ୟକ । ତେବେ ନିଲମ୍ବନ ପାଇଁ କେଉଁ ସର୍ତ୍ତ ଲଗାଯାଇଛି ସେ ସମ୍ପର୍କରେ ଏପର୍ଯ୍ୟନ୍ତ କୌଣସି ଘୋଷଣା କରାଯାଇନାହିଁ ।