Unmukt Chand Vs Team India: ୨୮ ବର୍ଷ ବୟସରେ ଭାରତୀୟ କ୍ରିକେଟରୁ ବିଦାୟ ନେବାର ଦୁଇ ବର୍ଷ ପରେ ଉନ୍ମୁକ ଚାନ୍ଦ ଆମେରିକା ପାଇଁ ଅନ୍ତର୍ଜାତୀୟ କ୍ରିକେଟ୍ ମ୍ୟାଚ୍ ଖେଳିବେ। ସେ ଟି-୨୦ ବିଶ୍ୱକପରେ ଭାରତ ବିପକ୍ଷରେ ଖେଳିବାକୁ ଯାଉଛନ୍ତି।
Trending Photos
5
12
5
12 "Unmukt Chand Vs Team India")
World Cup 2024: ଭାରତୀୟ ଦଳକୁ ଅଣ୍ଡର-୧୯ ବିଶ୍ୱକପ (Under-19 World Cup) ଜିତାଇଥିବା ଭାରତୀୟ କ୍ରିକେଟର ଉନ୍ମୁକ୍ ଚାନ୍ଦ (Unmukt Chand) ବର୍ତ୍ତମାନ ଆମେରିକା ଦଳ (USA team) ପାଇଁ କ୍ରିକେଟ୍ ଖେଳିବେ। ମାର୍ଚ୍ଚ ୨୦୨୪ ରେ ସେ ତାଙ୍କର ନୂଆ ଇନିଂସ ଆରମ୍ଭ କରିବାକୁ ସକ୍ଷମ ହେବେ। ସେ ଆମେରିକା ଦଳ ପାଇଁ ଖେଳିବା ପାଇଁ ଆବଶ୍ୟକ ସମସ୍ତ ନିୟମ ପୂରଣ କରିଛନ୍ତି। ବର୍ତ୍ତମାନ ଯଦି ସେ ଟି-୨୦ ବିଶ୍ୱକପ ୨୦୨୪ (T20 World Cup 2024)ରେ ଆମେରିକା ଦଳରେ ସ୍ଥାନ ପାଆନ୍ତି, ତେବେ ତାଙ୍କୁ ଭାରତ ସାମ୍ନାରେ ଖେଳୁଥିବା ଦେଖିବାକୁ ମିଳିବ। ଟି-୨୦ ବିଶ୍ୱକପରେ ଭାରତ ଓ ଆମେରିକା (India Vs USA) ସମାନ ଗ୍ରୁଫରେ ଅନ୍ତର୍ଭୁକ୍ତ ହୋଇଛନ୍ତି।
ଉନ୍ମୁକ ଚାନ୍ଦଙ୍କ ବର୍ତ୍ତମାନ ୩୦ ବର୍ଷ ବୟସ। ୧୨ ବର୍ଷ ପୂର୍ବେ ସେ ଅଣ୍ଡର-୧୯ ବିଶ୍ୱକପରେ ଭାରତୀୟ ଦଳକୁ ଚାମ୍ପିୟନ କରାଇଥିଲେ। ସେ ୨୦୧୨ ରେ ଅନୁଷ୍ଠିତ ବିଶ୍ୱକପରେ ଭାରତୀୟ ଦଳର ଅଧିନାୟକ ଥିଲେ। ସେ ଫାଇନାଲ ମ୍ୟାଚରେ ଅଷ୍ଟ୍ରେଲିଆ ବିପକ୍ଷରେ ୧୧୧ ରନର ସ୍ମରଣୀୟ ଅଧିନାୟକ ଇନିଂସ ଖେଳି ଭାରତ ପାଇଁ ଏହି ଟ୍ରଫି ଜିତାଇ ଥିଲେ। ଏହା ପରେ ସେ ଭାରତର ଅଣ୍ଡର-୨୩ ଦଳ ଓ ଇଣ୍ଡିଆ-ଏ ପାଇଁ ମଧ୍ୟ କ୍ରିକେଟ୍ ଖେଳିଛନ୍ତି। ଏପରିକି ଆଇପିଏଲରେ ସେ ଦିଲ୍ଲୀ, ରାଜସ୍ଥାନ ଓ ମୁମ୍ବାଇର ଦଳରେ ସାମିଲ ହୋଇ ଖେଳିସାରିଛନ୍ତି।
ଉନ୍ମୁକ ଚାନ୍ଦ ମଧ୍ୟ ଭାରତରେ ଅନେକ ଘରୋଇ କ୍ରିକେଟ୍ ଖେଳିଛନ୍ତି। ସେ ଦିଲ୍ଲୀ ଦଳ ପାଇଁ ଖେଳୁଥିଲେ। ତେବେ ଅଣ୍ଡର-୧୯ ବିଶ୍ୱକପରେ ସେ ଯେଉଁଭଳି ପ୍ରଦର୍ଶନ କରିଥିଲେ, ସେଭଳି ଘରୋଇ କ୍ରିକେଟ୍ କିମ୍ବା ଆଇପିଏଲରେ ନିୟମିତ ପ୍ରଦର୍ଶନ କରିପାରିନଥିଲେ। ଏହି କାରଣରୁ ସେ କେବେବି ଟିମ୍ ଇଣ୍ଡିଆରୁ ଡାକରା ପାଇନଥିଲେ। ପରିଶେଷରେ, ଉନ୍ମୁକ ଭାରତରେ କ୍ରିକେଟ୍ ରୁ ଅବସର ନେଇ ବିସିସିଆଇ ସହିତ ସମସ୍ତ ଚୁକ୍ତିନାମା ସମାପ୍ତ କରି ବିଦେଶରେ ଖେଳିବା ଆରମ୍ଭ କରିଥିଲେ। ବର୍ତ୍ତମାନ ସେ ଅଷ୍ଟ୍ରେଲିଆ, ବାଂଲାଦେଶ ଓ ଆମେରିକାର ଟି-୨୦ ଫ୍ରାଞ୍ଚାଇଜ ଲିଗରେ ଖେଳୁଛନ୍ତି।
ଉନ୍ମୁକ ଚାନ୍ଦ ଏପର୍ଯ୍ୟନ୍ତ ତାଙ୍କର ଆନ୍ତର୍ଜାତୀୟ ଡେବ୍ୟୁ କରିନାହାଁନ୍ତି। କିନ୍ତୁ ବର୍ତ୍ତମାନ ତାଙ୍କର ଏକ ବଡ ସୁଯୋଗ ଅଛି। ୩ ବର୍ଷରେ ୨୦ ମାସ ଆମେରିକାରେ ବାଧ୍ୟତାମୂଳକ ରହିବା ସମାପ୍ତ କରିବା ପରେ, ଆମେରିକା ଦଳ ପାଇଁ ତାଙ୍କ ପାଇଁ ଦ୍ୱାର ଖୋଲିଛି। ମାର୍ଚ୍ଚରୁ ସେ ଏହି ଦଳ ପାଇଁ ଆନ୍ତର୍ଜାତୀୟ ମ୍ୟାଚ୍ ଖେଳିବାକୁ ଯୋଗ୍ୟ ବିବେଚିତ ହେବେ। ବୋଧହୁଏ ସେ ଟି-୨୦ ବିଶ୍ୱକପ ଦଳରେ ମଧ୍ୟ ଖେଳିବା ନିଶ୍ଚିତ। ଏହାର କାରଣ ହେଉଛି ଉନ୍ମୁକ୍ତ ଜଣେ ଭଲ ଟି-୨୦ ଖେଳାଳୀ ଏବଂ ତାଙ୍କ ତୁଳନାରେ ଆମେରିକାର ବର୍ତ୍ତମାନ ଅନେକ ଭଲ ବିକଳ୍ପ ନାହିଁ।
କୌତୁହଳପ୍ରଦ ହେବ ପ୍ରତିଯୋଗିତା?
ଯଦି ଉନ୍ମୁକ୍ତ ଟି-୩୦ ବିଶ୍ୱକପରେ ଆମେରିକାର ଟି-୨୦ ଦଳରେ ଅନ୍ତର୍ଭୁକ୍ତ ହୁଅନ୍ତି, ତେବେ ଏହା କୌତୁହଳପ୍ରଦ ହେବ। ୧୨ ଜୁନରେ ଭାରତୀୟ ଦଳ ଆମେରିକାକୁ ଭେଟିବ। ଏଭଳି ପରିସ୍ଥିତିରେ ଉନ୍ମୁକ୍ତ ଚାନ୍ଦ ତାଙ୍କ ପୁରୁଣା ଦଳ ଓ ପୁରୁଣା ସାଥୀ ଖେଳାଳିଙ୍କ ବିପକ୍ଷରେ ଖେଳିବାର ସୁଯୋଗ ପାଇବେ। ଆମେ ଆପଣଙ୍କୁ କହିରଖୁଛୁ ଯେ ଉନ୍ମୁକ୍ତ ପୂର୍ବରୁ କହିସାରିଛନ୍ତି ଯେ ସେ ଭାରତୀୟ କ୍ରିକେଟ୍ ଛାଡ଼ିବା ପରଠାରୁ ସେ ଭାରତ ବିପକ୍ଷରେ ଖେଳିବାକୁ ଇଚ୍ଛା କରନ୍ତି।
