Cristiano Ronaldo: ଚିକିତ୍ସା କରି ଟଙ୍କା ଦେଇନାହାଁନ୍ତି ରୋନାଲ୍ଡୋ, ଡାକ୍ତର ପଠାଇଲେ ଏତିକି ଟଙ୍କାର ନୋଟିସ୍

Cristiano Ronaldo: ପ୍ରସିଦ୍ଧ ଫୁଟବଲର୍ କ୍ରିଷ୍ଟିଆନୋ ରୋନାଲ୍ଡୋଙ୍କ ବିରୋଧରେ ଚିକିତ୍ସା ପରେ ଫି' ପୈଠ କରୁନଥିବା ଅଭିଯୋଗ ଆଣିଛନ୍ତି ଜଣେ ଡାକ୍ତର। କୋର୍ଟରେ ଦାଖଲ ହୋଇଥିବା ପିଟିସନ ଅନୁଯାୟୀ, ଆବେଦନକାରୀ ଫୁଟବଲରଙ୍କୁ ପ୍ରାୟ ୪୨.୩୨ ଲକ୍ଷ ଟଙ୍କା ଦେବାକୁ ନିର୍ଦ୍ଦେଶ ଦେବାକୁ କୋର୍ଟଙ୍କୁ ଅନୁରୋଧ କରିଛନ୍ତି।
ଏହି ମାମଲା ଏବେ କୋର୍ଟରେ ବିଚାରାଧୀନ ରହିଛି। ପୂର୍ବତନ ହୃଦ୍ ରୋଗ ବିଶେଷଜ୍ଞ ଡାକ୍ତର ରୋଶନ ରବୀନ୍ଦ୍ରନ ଏହି ପିଟିସନ୍ ଦାଖଲ କରିଛନ୍ତି। ଡକ୍ଟର ରୋଚେ ନାମରେ ଜଣାଶୁଣା ରୋଶନ ବର୍ତ୍ତମାନ ବୋଟକ୍ସ, ଫିଲର, ସ୍କିନ୍ କେୟାର ଏବଂ ଭ୍ରୁ ଲିଫ୍ଟିଂ ପାଇଁ ଜଣାଶୁଣା । ତାଙ୍କ ରୋଗୀ ତାଲିକାରେ ଅନେକ ବଡ଼ ବଡ଼ ଖେଳାଳି, ରାଜନେତା ଓ ବ୍ୟବସାୟୀ ରହିଛନ୍ତି।

୨୦୨୨ରେ ଓଲ୍ଡ ଟ୍ରାଫର୍ଡରେ ଚିକିତ୍ସା
ଡାକ୍ତର ରୋଚେ ଦାବି କରିଛନ୍ତି ଯେ ମାଞ୍ଚେଷ୍ଟର ୟୁନାଇଟେଡର ପୂର୍ବତନ ତାରକା ରୋନାଲ୍ଡୋ ୨୦୨୧ ଏବଂ ୨୦୨୨ରେ ଚିକିତ୍ସା ପାଇଁ ଓଲ୍ଡ ଟ୍ରାଫର୍ଡରେ ଥିବା ତାଙ୍କ କ୍ଲିନିକ୍କୁ ଆସିଥିଲେ, ଯଦିଓ ଡାକ୍ତର ଫୁଟବଲର୍ ଚିକିତ୍ସା ପାଇଁ କ'ଣ ଆସିଥିଲେ ସେ ବିଷୟରେ ସୂଚନା ଦେଇନାହାଁନ୍ତି। ଜଣେ ଡାକ୍ତର ଅଭିଯୋଗ କରିଛନ୍ତି ଯେ ଫୁଟବଲ ସୁପରଷ୍ଟାର କ୍ରିଷ୍ଟିଆନୋ ରୋନାଲ୍ଡୋଙ୍କ ଉପରେ ୪୦ ହଜାର ପାଉଣ୍ଡର ବିଲ୍ ବକେୟା ରହିଛି।

EXCL: Skin doctor sues Cristiano Ronaldo over ace’s £40k ‘unpaid’ bill https://t.co/tDh2uHEKu7

— The Sun Football  (@TheSunFootball) November 24, 2024

ଅଦାଲତ ଦର୍ଶାଇ ବୟାନ ଦେବାକୁ ମନା କରିଦେଇଛନ୍ତି
ଆମେରିକୀୟ ଗଣମାଧ୍ୟମ ଅନୁଯାୟୀ, ଏହି ପିଟିସନରେ ରୋନାଲ୍ଡୋଙ୍କ ସହ ଅନ୍ୟ ଖେଳାଳିଙ୍କ ନାମ ରହିଛି। ତେବେ ଏ ସମ୍ପର୍କରେ ଗଣମାଧ୍ୟମ ପକ୍ଷରୁ ପଚରାଯିବାରୁ ଡାକ୍ତର ରୋଚେ କହିଛନ୍ତି, ଏହା ଏକ ଆଇନଗତ ମାମଲା ଏବଂ ଜଣେ ପେସାଦାର ଭାବେ ମୁଁ ମୋ ରୋଗୀଙ୍କ ସହ ଏ ବିଷୟରେ ଆଲୋଚନା କରିପାରିବି ନାହିଁ। ସୂଚନାଯୋଗ୍ୟ, ବର୍ତ୍ତମାନ କିମ୍ବଦନ୍ତୀ ଫୁଟବଲ ଖେଳାଳି ରୋନାଲ୍ଡୋ ସାଉଦି ଆରବର ଏକ କ୍ଲବ ପାଇଁ ୧୮୩୦ କୋଟି ଟଙ୍କାରେ ଖେଳୁଛନ୍ତି, କିନ୍ତୁ ବର୍ତ୍ତମାନ ସେ ଏ ନେଇ କୌଣସି ବୟାନ ଦେଇନାହାନ୍ତି।

Also Read: IPL Auction 2025: ଖେଳାଳି ନିଲାମୀରେ କିଏ କେତେରେ କିଣା? ଦେଖନ୍ତୁ ତାଲିକା...

Also Read: Utpanna Ekadashi: ଉତ୍ପନ୍ନା ଏକାଦଶୀରେ ୩ଟି ବଡ଼ ଶୁଭ ସଂଯୋଗ, ୫ରାଶିର ଫିଟିବ ଭାଗ୍ୟ...