IPL ନା BBL? ବାବର ଆଜମ ଚୟନ କଲେ ଏହି ଲିଗ୍, କହିଲେ ଏହାର କାରଣ

IPL vs BBL: ବାବର ଆଜମ (Babar Azam) ବର୍ତ୍ତମାନ ପାକିସ୍ତାନ ସୁପର ଲିଗ (PSL) ରେ ପେଶୱାର ଜଲମୀ (Peshawar Zalmi) ଦଳର ନେତୃତ୍ୱ ନେଉଛନ୍ତି । ଏହି ସମୟରେ, ଏକ ସାକ୍ଷାତକାରରେ ବାବର ଆଇପିଏଲ୍ ଓ ବିବିଏଲ୍ (IPL vs BBL) ମଧ୍ୟରେ ତାଙ୍କର ପ୍ରିୟ ଲିଗ୍ ଚୟନ କରିଛନ୍ତି । ବାବର କହିଛନ୍ତି ଯେ ସେ ଆଇପିଏଲ (IPL) ଓ ବିବିଏଲ ମଧ୍ୟରୁ ବିଗ୍ ବାସ୍ ଲିଗକୁ (BBL) ପସନ୍ଦ କରନ୍ତି । କ୍ରିକେଟ୍ ପାକିସ୍ତାନ ଟ୍ୱିଟରରେ ସେୟାର କରିଥିବା ଏକ କ୍ଲିପ୍‌ରେ ବାବର ତାଙ୍କ ପସନ୍ଦ କରୁଥିବା ଦେଖିବାକୁ ମିଳିଛି ।

ବାବର ଆଜମ ବିବିଏଲ ବାଛିବା ପଛରେ ଏହାର କାରଣ ମଧ୍ୟ ବୁଝାଇଛନ୍ତି । ସେ କହିଛନ୍ତି - ଅଷ୍ଟ୍ରେଲିଆରେ ସ୍ଥିତି ଭିନ୍ନ । ସେଠାରେ ଥିବା ପିଚ୍ ଗୁଡିକ ବହୁତ ଦ୍ରୁତ ଅଟେ ଓ ଆପଣ ବହୁତ କିଛି ଶିଖିବାକୁ ପାଇବେ । ଯେତେବେଳେ କି ଆଇପିଏଲରେ ଆପଣ ସମାନ ଏସୀୟ କଣ୍ଡିସନ୍ ମିଳିଥାଏ ।

ଭାରତ ଓ ପାକିସ୍ତାନ ମଧ୍ୟରେ ତିକ୍ତତା କାରଣରୁ ଟୁର୍ଣ୍ଣାମେଣ୍ଟର ପ୍ରଥମ ସିଜିନ ପରଠାରୁ କୌଣସି ପାକିସ୍ତାନୀ କ୍ରିକେଟର ଆଇପିଏଲରେ ସ୍ଥାନ ପାଇନଥିବା ବେଳେ ବାବର ଏପର୍ଯ୍ୟନ୍ତ ବିଗ୍ ବ୍ୟାଗ୍ ଲିଗରେ ସ୍ଥାନ ପାଇ ନାହାଁନ୍ତି । ଏହି ମାସ ଆରମ୍ଭରେ, ବାବର ଆଜାମ ୨୦୨୩ ପାଇଁ 'ଦି ହଣ୍ଡ୍ରେଡ୍' ଟୁର୍ଣ୍ଣାମେଣ୍ଟ ପାଇଁ ଡ୍ରାଫ୍ଟରେ ତାଙ୍କ ନାମ ଲେଖାଇଥିଲେ । ସେ £ ୧୦୦,୦୦୦ ରିଜର୍ଭ ମୂଲ୍ୟ ସହିତ ଡ୍ରାଫ୍ଟରେ ଏଣ୍ଟ୍ରି କରିଛନ୍ତି ।

ବାବର ଆଜମ PSL ୨୦୨୩ ର ୯ଟି ମ୍ୟାଚରେ ହାରାହାରି ୫୨.୦୦ ରେ ୪୧୬ ରନ୍ ସଂଗ୍ରହ କରିଛନ୍ତି । ଏହି ସ୍କୋର କରିବା ସମୟରେ ବାବର ଗୋଟିଏ ଶତକ ଓ ୪ଟି ଅର୍ଦ୍ଧଶତକ ହାସଲ ଲଗାଇଛନ୍ତି । ଇସଲାମାବାଦ ୟୁନାଇଟେଡ୍ ଗୁରୁବାର ଦିନ ପାକିସ୍ତାନ ସୁପର ଲିଗ୍ ୨୦୨୩ ର ଏଲିମିଟରରେ ପେଶୱାର ଜଲମିଙ୍କୁ ଭେଟିବ । ଅନ୍ୟପକ୍ଷରେ, ଇଣ୍ଡିଆନ୍ ପ୍ରିମିୟର ଲିଗ୍ ୩୧ ମାର୍ଚ୍ଚରୁ ଆରମ୍ଭ ହେବ । ଯେଉଁଥିରେ ଡିଫେଣ୍ଡିଂ ଚାମ୍ପିଅନ୍ ଗୁଜୁରାଟ ଟାଇଟାନ୍ସ ଚାରିଥର ଚାମ୍ପିଅନ୍ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଖେଳିବ । ଆଇପିଏଲ୍ ୨୦୨୩ ର ଓପନିଂ ମ୍ୟାଚରେ ଉଭୟ ଦଳ ଏକ ଭଲ ପ୍ରଦର୍ଶନ କରିବାକୁ ଚାହୁଁଛନ୍ତି ।

ଏହା ବି ପଢ଼ନ୍ତୁ: ICC Test rankings: ବିଶ୍ୱ ନମ୍ବର ୱାନ୍ ହେଲେ ଅଶ୍ୱିନ, ଆଠଜଣ ବ୍ୟାଟ୍ସମ୍ୟାନଙ୍କୁ ପଛରେ ପକାଇ ଏହି ନମ୍ବରରେ ପହଞ୍ଚିଲେ ବିରାଟ କୋହଲି

ଏହା ବି ପଢ଼ନ୍ତୁ: Richest Cricketer: ବିରାଟ କିମ୍ୱା ଧୋନି ନୁହଁନ୍ତି, ଏହି ଖେଳାଳି ହେଉଛନ୍ତି ବିଶ୍ୱର ସବୁଠାରୁ ଧନୀ କ୍ରିକେଟର; ମୋଟ ସମ୍ପତ୍ତି ମୂଲ୍ୟ ଜାଣିଲେ ଉଡ଼ିଯିବ ଆପଣଙ୍କ ହୋସ୍!

ଏହା ବି ପଢ଼ନ୍ତୁ: Legends League: ହରଭଜନ ସିଂ ଓ ପୂର୍ବତନ ଭାରତୀୟ କ୍ରିକେଟରଙ୍କ ସହ ଜୋରଦାର ଲଢେଇ! ଉଠାଇ ଫୋଫାଡ଼ି ଦେଲେ ଭଜି