ଦ୍ରୌପଦୀ ମୁର୍ମୁ ରାଷ୍ଟ୍ରପତି ନିର୍ବାଚନ ଜିତି ସୃଷ୍ଟି କଲେ ଏହି ପାଞ୍ଚଟି ଐତିହାସିକ ରେକର୍ଡ

ନୂଆଦିଲ୍ଲୀ: Draupadi Murmu: ୧୫ତମ ରାଷ୍ଟ୍ରପତି ନିର୍ବାଚନରେ ବିଜେପି (BJP) ନେତୃତ୍ୱାଧୀନ ​​ଏନଡିଏ ପ୍ରାର୍ଥୀ (NDA presidential candidate) ଦ୍ରୌପଦୀ ମୁର୍ମୁ (Draupadi Murmu) ବୃହତ ବିଜୟ ହାସଲ କରିଛନ୍ତି । ସେପଟେ ବିରୋଧୀ ଦଳର ମିଳିତ ପ୍ରାର୍ଥୀ ଯଶୱନ୍ତ ସିହ୍ନା (Yashwant Sinha) ତାଙ୍କ ପରାଜୟକୁ ସ୍ୱୀକାର କରିନେଇଛନ୍ତି ଓ ଦ୍ରୌପଦୀ ମୁର୍ମୁଙ୍କୁ ଅଭିନନ୍ଦନ ଜଣାଇଛନ୍ତି । ସେ କହିଛନ୍ତି ଯେ, ଆଶା କରୁଛି ଆପଣ ବିନା ଭୟ ଓ ଅନୁଗ୍ରହରେ ସମ୍ବିଧାନର ରକ୍ଷକ ଭାବରେ କାର୍ଯ୍ୟ କରିବେ । ଦେଶର ସର୍ବୋଚ୍ଚ ପଦରେ ପହଞ୍ଚିବାରେ ଦ୍ରୌପଦୀ ମୁର୍ମୁ ହେଉଛନ୍ତି ସର୍ବକନିଷ୍ଠ ଯୁବ ଆଦିବାସୀ ମହିଳା । ଏହି ବିଜୟ ସହିତ ସେ ଇତିହାସ ସୃଷ୍ଟି କରିଛନ୍ତି ।

ଆସନ୍ତୁ ଜାଣିବା ଦ୍ରୌପଦୀ ମୁର୍ମୁଙ୍କ ବିଜୟ ସହିତ କେଉଁ ପାଞ୍ଚଟି ରେକର୍ଡ ସୃଷ୍ଟି ହୋଇଛି 

ଦେଶର ପ୍ରଥମ ଆଦିବାସୀ ରାଷ୍ଟ୍ରପତି

ବର୍ତ୍ତମାନର ରାଷ୍ଟ୍ରପତି ରାମ ନାଥ କୋବିନ୍ଦ (Ram Nath Kovind) ଓ କେ.ଆର ନାରାୟଣନ (KR Narayanan) ଙ୍କ ରୂପରେ ଦୁଇ ଜଣ ଦଳିତ ରାଷ୍ଟ୍ରପତି ପାଇଛନ୍ତି, କିନ୍ତୁ ଦ୍ରୌପଦୀ ମୁର୍ମୁ ହେଉଛନ୍ତି ଦେଶର ପ୍ରଥମ ଆଦିବାସୀ ନେତା ଯିଏ ଦେଶର ସର୍ବୋଚ୍ଚ ପଦରେ ପହଞ୍ଚିଛନ୍ତି । ଆଜି ପର୍ଯ୍ୟନ୍ତ କୌଣସି ଆଦିବାସୀ ନା ପ୍ରଧାନମନ୍ତ୍ରୀ କିମ୍ୱା ଗୃହମନ୍ତ୍ରୀ ହୋଇପାରିନାହାଁନ୍ତି । ଓଡିଶାରେ ଜନ୍ମିତ ଦ୍ରୌପଦୀ ମୁର୍ମୁ ୨୦୧୫ରୁ ୨୦୨୧ ପର୍ଯ୍ୟନ୍ତ ଝାଡଖଣ୍ଡର ରାଜ୍ୟପାଳ ରହିଥିଲେ । ବିଶେଷ କଥା ହେଉଛି ସେ ହେଉଛନ୍ତି ପ୍ରଥମ ରାଜ୍ୟପାଳ ଯିଏ ଝାଡଖଣ୍ଡରେ ନିଜ କାର୍ଯ୍ୟକାଳ ଶେଷ କରିଥିଲେ ।

ସର୍ବ କନିଷ୍ଠ ରାଷ୍ଟ୍ରପତି

ଦ୍ରୌପଦୀ ମୁର୍ମୁ ୨୦ ଜୁନ୍ ୧୯୫୮ରେ ଜନ୍ମଗ୍ରହଣ କରିଥିଲେ । ଜୁଲାଇ ୨୫ରେ ତାଙ୍କର ବୟସ ୬୪ ବର୍ଷ ୧ ମାସ ୮ ଦିନ ହେବ । ଏହାସହ ଦ୍ରୌପଦୀ ମୁର୍ମୁ ସର୍ବ କନିଷ୍ଠ ରାଷ୍ଟ୍ରପତି ହେବେ । ଏହାପୂର୍ବରୁ ଏହି ରେକର୍ଡ ନୀଲମ ସଞ୍ଜୀବ ରେଡ୍ଡୀ (Neelam Sanjiva Reddy) ଙ୍କ ନାମରେ ଥିଲା । ଯେତେବେଳେ ସେ ରାଷ୍ଟ୍ରପତି ହୋଇଥିଲେ, ତାଙ୍କୁ ୬୪ ବର୍ଷ ଦୁଇ ମାସ ୬ ଦିନ ବୟସ ହୋଇଥିଲା । ସେ ନିର୍ବିରୋଧରେ ରାଷ୍ଟ୍ରପତି ହୋଇଥିଲେ । ଏଥି ସହିତ ସବୁଠାରୁ ବୟସ୍କ ରାଷ୍ଟ୍ରପତି ହେବାରେ ରେକର୍ଡ କେ.ଆର ନାରାୟଣନଙ୍କ ନାମରେ ରହିଛି । ସେ ୭୭ ବର୍ଷ ୫ ମାସ ୨୧ ବୟସରେ ରାଷ୍ଟ୍ରପତି ହୋଇଥିଲେ ।

ସ୍ୱାଧୀନ ଭାରତରେ ଜନ୍ମ ହୋଇଥିବା ରାଷ୍ଟ୍ରପତି 

ସ୍ୱାଧୀନ ଭାରତରେ ଜନ୍ମ ହୋଇଥିବା ଦ୍ରୌପଦୀ ମୁର୍ମୁ ପ୍ରଥମ ରାଷ୍ଟ୍ରପତି ହେବେ । ଏହା ମଧ୍ୟ କୁହାଯାଇପାରେ ଯେ ଭାରତ ଗଣତନ୍ତ୍ରରେ ଜନ୍ମଗ୍ରହଣ କରିଥିଲେ । ବର୍ତ୍ତମାନର ରାଷ୍ଟ୍ରପତି ରାମ ନାଥ କୋବିନ୍ଦ ୧ ଅକ୍ଟୋବର ୧୯୪୫ରେ ଜନ୍ମଗ୍ରହଣ କରିଥିଲେ । ଆମେ ଆପଣଙ୍କୁ କହି ରଖୁଛୁ ଯେ ୨୦୧୪ ପର୍ଯ୍ୟନ୍ତ ଯେତେ ସବୁ ପ୍ରଧାନମନ୍ତ୍ରୀ ଓ ରାଷ୍ଟ୍ରପତି ହୋଇଛନ୍ତି, ସମସ୍ତେ ସ୍ୱାଧୀନତା ପୂର୍ବରୁ ଜନ୍ମ ହୋଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi) ୧୭ ସେପ୍ଟେମ୍ବର ୧୯୫୦ରେ ଜନ୍ମଗ୍ରହଣ କରିଥିଲେ । ସ୍ୱାଧୀନ ଭାରତରେ ଜନ୍ମଗ୍ରହଣ କରିଥିବା ସେ ହେଉଛନ୍ତି ପ୍ରଥମ ପ୍ରଧାନମନ୍ତ୍ରୀ ।

ଓଡିଶାରୁ ପ୍ରଥମ ରାଷ୍ଟ୍ରପତି

ଦେଶରେ ଥିବା ୧୪ ଜଣ ରାଷ୍ଟ୍ରପତିଙ୍କ ମଧ୍ୟରୁ ୭ ଜଣ ଦକ୍ଷିଣ ଭାରତର ଥିଲେ । ଏଥି ସହିତ ଡକ୍ଟର ରାଜେନ୍ଦ୍ର ପ୍ରସାଦ ଏପରି ରାଷ୍ଟ୍ରପତି ଥିଲେ ଯିଏ ଦୁଇଥର ରାଷ୍ଟ୍ରପତି ହୋଇଥିଲେ ଓ ସେ ବିହାରର ବାସିନ୍ଦା ଥିଲେ । ଦ୍ରୌପଦୀ ମୁର୍ମୁ ହେଉଛନ୍ତି ଓଡିଶାର ପ୍ରଥମ ନେତ୍ରୀ ଯିଏ ଏହି ଶୀର୍ଷ ପଦରେ ପହଞ୍ଚିଛନ୍ତି । ସେ ହେଉଛନ୍ତି ଦେଶର ଦ୍ୱିତୀୟ ମହିଳା ରାଷ୍ଟ୍ରପତି । ୨୦୦୭ରେ ପ୍ରତିଭା ଦେବୀ ସିଂ ପାଟିଲ ପ୍ରଥମ ମହିଳା ରାଷ୍ଟ୍ରପତି ହୋଇଥିଲେ ।

ଏହା ବି ପଢ଼ନ୍ତୁ:-ଦ୍ରୌପଦୀ ମୁର୍ମୁଙ୍କ ରାଷ୍ଟ୍ରପତି ହେବାରୁ ବିଜେପିକୁ ହେବ ଏସବୁ ଲାଭ, ବିରୋଧୀଙ୍କ ବଢ଼ିବ ସମସ୍ୟା!

ଏହା ବି ପଢ଼ନ୍ତୁ:-ଜାଣନ୍ତୁ ଦ୍ରୌପଦୀ ମୁର୍ମୁଙ୍କୁ ମିଳିଲା କେତେ ପ୍ରତିଶତ ଭୋଟ, ବିରୋଧୀ ଦଳର କେତେ ସାଂସଦ ଓ ବିଧାୟକ ତାଙ୍କ ସମର୍ଥନରେ କରିଛନ୍ତି ମତଦାନ

ଏହା ବି ପଢ଼ନ୍ତୁ:-ଦାନ କରିଛନ୍ତି ଆଖି..ଦୁଇ ପୁଅ ଓ ସ୍ୱାମୀଙ୍କୁ ହରାଇଲେ; ଏମିତି ଥିଲା ଦ୍ରୌପଦୀ ମୁର୍ମୁଙ୍କ ସଂଘର୍ଷମୟ ଜୀବନ

କାଉନସିଲରରୁ ରାଷ୍ଟ୍ରପତି

ଦ୍ରୌପଦୀ ମୁର୍ମୁ ରାଷ୍ଟ୍ରପତି ହେବାରେ ଏପରି ପ୍ରଥମ ନେତ୍ରୀ, ଯିଏ କାଉନସିଲର ରହିସାରିଛନ୍ତି । ଦ୍ରୌପଦୀ ମୁର୍ମୁ ପ୍ରଥମେ ଜଣେ ଶିକ୍ଷକ ଥିଲେ । ଏହା ପରେ ସେ ରାଜନୀତିରେ ପ୍ରବେଶ କରିଥିଲେ ଓ ୧୯୯୭ରେ କାଉନସିଲର ଭାବରେ ନିର୍ବାଚିତ ହୋଇଥିଲେ । ତିନି ବର୍ଷ ପରେ ସେ ବିଧାନସଭାରେ ପହଞ୍ଚିଲେ । ସେ ଓଡିଶାର ବିଜେପି-ବିଜେଡି ସରକାରରେ ଦୁଇଥର ମନ୍ତ୍ରୀ ରହିଛନ୍ତି । ସେ ମଧ୍ୟ ଦେଶର ପ୍ରଥମ ଆଦିବାସୀ ମହିଳା ଯିଏକି ରାଜ୍ୟପାଳ ହୋଇଥିଲେ ।