Shocking News: ଖ୍ରୀଷ୍ଟମାସ ପୂର୍ବରୁ ବରଫ ଚାଦରରେ ଘୋଡେଇ ହୋଇଗଲା ଓଭାଲ ଷ୍ଟାଡିୟମ

Oval Cricket Stadium: ୟୁରୋପୀୟ ଦେଶ ବ୍ରିଟେନରେ ଆରମ୍ଭ ହୋଇଗଲାଣି ଶୀତର ପ୍ରକୋପ। ସଦ୍ୟ ଚଳିତ ବର୍ଷର ଶୀତ ଋତୁରେ ଦେଶର ପ୍ରଥମ ବରଫପାତ ମଧ୍ୟ ଆରମ୍ଭ ହୋଇଗଲାଣି। ଯାହାର ପ୍ରମାଣ ରାଜଧାନୀ ଲଣ୍ଡନସ୍ଥିତ ଓଭାଲ କ୍ରିକେଟ ଷ୍ଟାଡିୟମ ଠାରେ ଦେଖିବାକୁ ମିଳିଛି। ସଦ୍ୟ ବରଫପାତର ଏକ ଫଟୋ ବେଶ ଭାଇରାଲ ହେବାରେ ଲାଗିଛି। ଯେଉଁଥିରେ ଦେଖିବାକୁ ମିଳିଛି ଓଭାଲ କ୍ରିକେଟ ଗ୍ରାଉଣ୍ଡ ଖ୍ରୀଷ୍ଟମାସ ପୂର୍ବରୁ ବରଫ ଚାଦରରେ ଘୋଡେଇ ହୋଇଯାଇଛି।   

ଚଳିତ ବର୍ଷର ଖ୍ରୀଷ୍ଟମାସ ପୂର୍ବରୁ ବରଫ ଚାଦରରେ ଘୋଡେଇ ହୋଇଯାଇଛି ଲଣ୍ଡନସ୍ଥିତ ଓଭାଲ କ୍ରିକେଟ ଷ୍ଟାଡିୟମ। ଯାହାର ଫଟୋ ଏବେ ବେଶ ଭାଇରାଲ ହେବାରେ ଲାଗିଛି। ଯାହାକୁ ପ୍ରକୃତିପ୍ରେମୀ ବେଶ ଉପଭୋଗ କରୁଛନ୍ତି। ଏହି ଫଟୋ ଉପରେ ସୋସିଆଲ ମିଡ଼ିଆ ୟୁଜର ସେମାନଙ୍କ ପ୍ରତିକ୍ରିୟା ରଖିଛନ୍ତି।

ସୋମବାର ବ୍ରିଟେନର ଅଧିକାଂଶ ଭାଗରେ ତୁଷାରପାତ ହୋଇଥିବାର ଖବର ମିଳିଛି। ବରଫପାତ କାରଣରୁ ଦେଶରେ ବିମାନ ଏବଂ ରେଳସେବା ପ୍ରଭାବିତ ହୋଇଛି।  ଏପରିକି ସଡ଼କ ସେବା ମଧ୍ୟ ଏଥିରୁ ବାଦପଡ଼ିନାହିଁ। ଡିସେମ୍ବର ୧୨ ତାରିଖ ସୋମବାର ରାତି ଚଳିତ ବର୍ଷର ସବୁଠାରୁ ଥଣ୍ଡା ରାତି ଭାବେ ରେକର୍ଡ ହୋଇଛି। ଶୀତ ଋତୁ ଆରମ୍ଭ ହୋଇଯିବା ପରେ ଏକ ଅଘଟଣ ଘଟିଯାଇଛି। ଦେଶର କୌଣସି ଏକ ଅଞ୍ଚଳରେ ଗୋଟିଏ ବରଫ ଆଚ୍ଛାଦିତ ହ୍ରଦରେ ପଡ଼ିଯିବା ପରେ ୩ ଜଣ ଯୁବକଙ୍କ ମୃତ୍ୟୁ ହୋଇଥିବାର ଖବର ଆସିଛି। 
 
ବ୍ରିଟେନ ରାଜଧାନୀ ଲଣ୍ଡନ ସହରର ଅଣ୍ଡରଗ୍ରାଉଣ୍ଡ ନେଟୱାର୍କ ସ୍ଥଗିତ ରହିଛି। ବରଫପାତ କାରଣରୁ ସହରରେ ମୋଟରୱେ ଗ୍ରୀଡ୍ ଏକ ପ୍ରକାର ବନ୍ଦ ହୋଇଯାଇଥିଲା। ଲଣ୍ଡନସ୍ଥିତ ଗାଟୱିକ୍ ଏବଂ ଷ୍ଟାନଷ୍ଟେଡ୍ ବିମାନ ବନ୍ଦରରେ ବିମାନ ଉଡାଣ କାର୍ଯ୍ୟସୂଚୀରେ ବ୍ୟାହତ ହୋଇପାରେ ବୋଲି ଚେତାବନୀ କରାଯାଇଛି।

ରାଜଧାନୀ ଲଣ୍ଡନ ସମେତ ଦେଶର ଦକ୍ଷିଣ-ପୂର୍ବ ଭାଗରେ ହେବାକୁ ଥିବା ତୁଷାରପାତକୁ ନେଇ ବ୍ରିଟେନ ପାଣିପାଗ ବିଭାଗ ୟେଲୋୱାର୍ଣ୍ଣିଂ ଜାରି କରିଛି। ଦେଶର ଅନ୍ୟ ଅଞ୍ଚଳ ସହିତ ଏବଂ ସମଗ୍ର ଉତ୍ତର ଆୟର୍ଲାଣ୍ଡରେ ବରଫପାତ ଏବଂ କୁହୁଡ଼ି ହେବା ନେଇ ଚେତାବନୀ ଜାରିକରିଛି ବ୍ରିଟେନ ପାଣିପାଗ ବିଭାଗ।

ଶୀତର ପ୍ରକୋପ ଆରମ୍ଭ ହୋଇଯିବା ଉତ୍ତର ସ୍କଟଲାଣ୍ଡରେ ତାପମାତ୍ରା  ୧୫ ଡିଗ୍ରୀ ତଳକୁ ଖସି ଆସିଛି। ପାଣିପାଗ ବିଭାଗ ଗତ ରାତିକୁ ଚଳିତ ବର୍ଷର ସବୁ ଠାରୁ ଥଣ୍ଡା ରାତି ବୋଲି ନିଶ୍ଚିତ କରିଛି । ପାଣିପାଗ ଜନିତ କାରଣରୁ ସମ୍ଭାବ୍ୟ ବ୍ୟାଘାତ ପାଇଁ ସ୍କଟଲାଣ୍ଡ ଏବଂ ଉତ୍ତର-ପୂର୍ବ ଇଂଲଣ୍ଡ ଲାଗି ଅଧିକ ଚେତାବନୀ ମଙ୍ଗଳବାର ମଧ୍ୟରାତ୍ରୀରୁ ଜାରି କରାଯିବା ଆରମ୍ଭ ହେବ।

ବ୍ରିଟେନ ନ୍ୟାସନାଲ୍ ଗ୍ରୀଡ୍ ଦୁଇଟି ଶୀତକାଳୀନ କୋଇଲା କାରଖାନା ପ୍ରସ୍ତୁତ କରିବାକୁ ଏକ ବିଜ୍ଞପ୍ତି ଜାରି କରିଥିଲା, କିନ୍ତୁ ପରବର୍ତ୍ତୀ ସମୟରେ ଅଧିକ ପରମାଣୁ ଉତ୍ପାଦନ ଏବଂ ପବନର ବେଗ ଶକ୍ତି ଅଭାବ ହେବାର ସମ୍ଭାବନାକୁ ହ୍ରାସ କରି ଜାରି ହୋଇଥିବା ବିଜ୍ଞପ୍ତିକୁ ବାତିଲ କରି ଦେଇଥିଲା। ବରଫପାତ ବର୍ତ୍ତମାନ ବର୍ତ୍ତମାନ ନୂଆ ବର୍ଷ ଏବଂ ଖ୍ରୀଷ୍ଟମାନ ଛୁଟି ମନାଇବାକୁ ଯାଉଥିବା ଯାତ୍ରୀଙ୍କ ଆରମ୍ଭରୁ ସମସ୍ୟା ସୃଷ୍ଟି କରିଛି। ଅନ୍ୟପଟେ ରେଳବାଇ କର୍ମଚାରୀ ଏବଂ ସୀମା ଅଧିକାରୀ ଶିଳ୍ପାନୁଷ୍ଠାନ କାର୍ଯ୍ୟକାରୀ କରିବାକୁ ଯୋଜନା କରିଛନ୍ତି।