ସଞ୍ଜୟ ରାଉତଙ୍କ ମଧ୍ୟରାତ୍ରି ଗିରଫ ଉପରେ ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ଆସିଲା ପ୍ରଥମ ପ୍ରତିକ୍ରିୟା, ଜାଣନ୍ତୁ କ’ଣ କହିଲେ ଏକନାଥ ସିନ୍ଦେ

ମୁମ୍ୱାଇ: Sanjay Raut Arrest: ଶିବସେନା (Shiv Sena) ର ବରିଷ୍ଠ ନେତା ତଥା ରାଜ୍ୟସଭା ସାଂସଦ ସଞ୍ଜୟ ରାଉତ (Sanjay Raut) ଙ୍କୁ ଜମି ଦୁର୍ନୀତି ମାମଲାରେ ଗିରଫ କରାଯାଇଛି । ଏହି ସମୟରେ ତାଙ୍କ ଗିରଫଦାରୀକୁ ନେଇ ମହାରାଷ୍ଟ୍ର ମୁଖ୍ୟମନ୍ତ୍ରୀ (Maharashtra CM) ଏକନାଥ ସିନ୍ଦେ (Eknath Shinde) ଙ୍କ ପ୍ରଥମ ପ୍ରତିକ୍ରିୟା ମଧ୍ୟ ଆସିଛି । ସିନ୍ଦେ କହିଛନ୍ତି ଯେ, ଯଦିଓ ଶିବସେନାର ପ୍ରଧାନ ମୁଖପାତ୍ର ତଥା ସାମନାର ସମ୍ପାଦକ ସଞ୍ଜୟ ରାଉତଙ୍କୁ ଇଡି (ED) ଗିରଫ କରିଛି, କିନ୍ତୁ ତଦନ୍ତ ପରେ ସତ୍ୟ ପଦାକୁ ଆସିବ । ସେ ଆହୁରି କହିଛନ୍ତି ଯେ ଯଦିଓ ସଞ୍ଜୟ ରାଉତ ଆମକୁ ଓ ଆମ ସହିତ ଥିବା ୫୦ ଜଣ ବିଧାୟକଙ୍କୁ ବାରମ୍ବାର ସମାଲୋଚନା କରିଛନ୍ତି, କିନ୍ତୁ ଆମେ ତାହା କରିବୁ ନାହିଁ । ଏହି ଅବସରରେ ସିନ୍ଦେ ସ୍ପଷ୍ଟ କରିଛନ୍ତି ଯେ ସେ କାର୍ଯ୍ୟ ମାଧ୍ୟମରେ ତାଙ୍କ ସମାଲୋଚନାର ଉତ୍ତର ଦେବେ ।

ଆପଣଙ୍କୁ କହିରଖୁଛୁ ଯେ, ପାତ୍ରା ଚଲ୍ ଜମି ଦୁର୍ନୀତି ମାମଲାରେ ଶିବସେନା ନେତା ସଞ୍ଜୟ ରାଉତଙ୍କୁ ଗତକାଲି ବିଳମ୍ବିତ ରାତିରେ ଅର୍ଥାତ୍ ଅଗଷ୍ଟ ୩୧ରେ ଗିରଫ କରାଯାଇଥିଲା । ଗିରଫ ହେବାର ପ୍ରାୟ ୧୮ ଘଣ୍ଟା ପୂର୍ବରୁ ତାଙ୍କୁ ପଚରାଉଚରା କରାଯାଇଥିଲା । ସଞ୍ଜୟ ରାଉତଙ୍କୁ ଆଜି ସକାଳ ୧୧.୩୦ରେ ଇଡି କୋର୍ଟରେ ହାଜର କରାଯିବ । ଅନ୍ୟପକ୍ଷରେ, ରାଉତଙ୍କ ଗିରଫଦାରୀରେ ଶିବସେନା କାର୍ଯ୍ୟକର୍ତ୍ତା ଅସନ୍ତୋଷ ଅଛନ୍ତି । ତାଙ୍କୁ ଗିରଫ କରାଯିବା ମାତ୍ରେ ଶିବସେନା କାର୍ଯ୍ୟକର୍ତ୍ତାମାନେ ଇଡି କାର୍ଯ୍ୟାଳୟ ବାହାରେ ଏକାଠି ହୋଇ ନାରା ଲଗାଉଥିଲେ ।

ଅର୍ଥ ହେରଫେର ମାମଲାରେ ଇଡି ଶିବସେନା ସାଂସଦ ସଞ୍ଜୟ ରାଉତଙ୍କୁ ଗିରଫ କରିଛି । ତାଙ୍କୁ ତାଙ୍କ ଘରୁ ବଲାର୍ଡ ଇଷ୍ଟେଟ୍ ଅଞ୍ଚଳରେ ଅବସ୍ଥିତ ଇଡି କାର୍ଯ୍ୟାଳୟକୁ ଅଣାଯାଇଛି । ସଞ୍ଜୟ ରାଉତଙ୍କ ଘରୁ ଇଡିକୁ ୧୧.୫ ଲକ୍ଷ ଟଙ୍କା ମିଳିଛି ।

ଏହା ବି ପଢ଼ନ୍ତୁ:-ଖୁସି ଖବର ଦେଲେ ରେଳ ମନ୍ତ୍ରୀ, ଉପକୃତ ହେବେ ଓଡ଼ିଶାବାସୀ

ଏହା ବି ପଢ଼ନ୍ତୁ:-ସର୍ଭେ:ଲୋକସଭା ନିର୍ବାଚନରେ ରାଜସ୍ଥାନରେ ବିଜେପି ନା କଂଗ୍ରେସ, କାହାକୁ ମିଳିବ ଅଧିକ ଆସନ; ଜାଣନ୍ତୁ କ'ଣ ରହିଛି ଜନତାଙ୍କୁ ମୁଡ୍

ଏହା ବି ପଢ଼ନ୍ତୁ:-ଗୁଡ୍ ନ୍ୟୁଜ: LPG ସିଲିଣ୍ଡର ହେଲା ଶସ୍ତା, ଜାଣନ୍ତୁ ଆଜି କେତେ କମିଲା ରେଟ୍

ସୂଚନାଯୋଗ୍ୟ, ୨୦୦୭ ମସିହାରେ ଗୁରୁ ଆଶିଷ ନିର୍ମାଣ କମ୍ପାନୀ (ଯାହାକି HDIL ର ସିଷ୍ଟର କମ୍ପାନୀ) କୁ ପାତ୍ରା ଚଲ୍ ବିକାଶ କରିବାର କାର୍ଯ୍ୟ ମହାରାଷ୍ଟ୍ର ଗୃହ ଏବଂ କ୍ଷେତ୍ର ବିକାଶ ପ୍ରାଧିକରଣ ତରଫରୁ ଦିଆଯାଇଥିଲା । ଗୁରୁ ଆଶିଷ ନିର୍ମାଣ କମ୍ପାନୀକୁ ସେଠାରେ ବାସ କରୁଥିବା ଲୋକଙ୍କୁ ୬୭୨ ଫ୍ଲାଟ ଓ MHADA କୁ ପ୍ରାୟ ୩୦୦୦ ଫ୍ଲାଟ ନିର୍ମାଣ କରି ଦେବାର ଥିଲା । ଏହି ଜମି ୪୭ ଏକର ଥିଲା, ଯେଉଁଠାରେ ସେଠାରେ ରହୁଥିବା ଲୋକମାନେ ଓ MHADA କୁ ଘର ଦେବା ପରେ ବାକି ଜମି ଉପରେ ଘର ନିର୍ମାଣ କରି ନିଜେ ବିକ୍ରି କରିପାରିବେ କିନ୍ତୁ ଗୁରୁ ଆଶିଷ ନିର୍ମାଣ ସେଠାରେ କୌଣସି ବିକାଶ କରି ନାହିଁ ବୋଲି ଅଭିଯୋଗ ହୋଇଛି । ନା ମହଦାକୁ ଫ୍ଲାଟ ଦେଇଛି ବରଂ ସେ ସମଗ୍ର ଜମି ଓ FSI 8 ବିଲଡରକୁ ୧୦୩୪ କୋଟିରେ ବିକ୍ରି କରିଦେଇଥିଲା ।