Prime Ministers of India: ଭାରତ ବର୍ଷ ସ୍ୱାଧିନ ହେବା ପର ଠାରୁ ପ୍ରାୟ ୧୪ ଜଣ ପ୍ରଧାନମନ୍ତ୍ରୀ ଦେଶର ଶାସନଭାର ଗ୍ରହଣ କରିଛନ୍ତି।
Trending Photos
15
12
5
6 "PM of India: କେତେ ଦିନ କାର୍ଯ୍ୟ କରିଛନ୍ତି କେଉଁ ପ୍ରଧାନମନ୍ତ୍ରୀ? ସବୁଠାରୁ ଅଧିକ ଏବଂ ସବୁଠାରୁ କମ ସମୟ ଧରି ସମ୍ଭାଳିଛନ୍ତି ପ୍ରଧାନମନ୍ତ୍ରୀ କାର୍ଯ୍ୟକାଳ")
PM Tenure In India: ୧୯୪୭ ମସିହାରେ ସ୍ୱାଧୀନ ହୋଇଥିଲା ଐତିହାସିକ ଭାରତ ବର୍ଷ। ସେବେଠାରୁ ଦେଶର ଶାସନଭାର ପ୍ରଧାନମନ୍ତ୍ରୀଙ୍କ ହାତରେ ନ୍ୟସ୍ତ ରହିଛି। ଭାରତୀୟ ସମ୍ବିଧାନ ଅନୁସାରେ ଦେଶର ପ୍ରକୃତ ଶାସନଭାର ପ୍ରଧାନମନ୍ତ୍ରୀଙ୍କ ଦ୍ୱାରା ନିୟନ୍ତ୍ରିତ ହୋଇଥାଏ। ଦେଶ ସ୍ୱାଧୀନ ହେବା ପର ଠାରୁ ୧୪ ଜଣ ପ୍ରଧାନମନ୍ତ୍ରୀ ଦେଶର ଶାସନଗାଦି ସମ୍ଭାଳିଛନ୍ତି। ବିଶ୍ୱର ସର୍ବବୃହତ୍ତ ଗଣତନ୍ତ୍ର କୁହାଯାଉଥିବା ଭାରତ ବର୍ଷରେ ଶାସନ ବ୍ୟବସ୍ଥା ପ୍ରଧାନମନ୍ତ୍ରୀଙ୍କ ଦ୍ୱାରା ପରିଚାଳିତ ହୋଇଥାଏ। ଅର୍ଥାତ ଭାରତରେ ପ୍ରଧାନମନ୍ତ୍ରୀୟ ସରକାର ଦ୍ୱାରା ଶାସନ ବ୍ୟବସ୍ଥା ପରିଚାଳିତ ହୋଇଥାଏ।
ବର୍ତ୍ତମାନ ଭାରତ ବର୍ଷର ପ୍ରଧାନମନ୍ତ୍ରୀ ପଦ ଭାର ସମ୍ଭାଳୁଛନ୍ତି ନରେନ୍ଦ୍ର ମୋଦି। ପ୍ରଧାମନ୍ତ୍ରୀ ମୋଦିଙ୍କ ଦ୍ୱିତୀୟ ପାଳି କାର୍ଯ୍ୟକାଳ ୨୦୧୯, ମେ ୩୦ ତାରିଖରୁ ଆରମ୍ଭ ହୋଇଛି। ଅନ୍ୟପଟେ ପ୍ରଧାମନ୍ତ୍ରୀ ମୋଦିଙ୍କ ପ୍ରଥମ ପାଳି କାର୍ଯ୍ୟକାଳ ୨୦୧୬ ମେ ୨୬ ତାରିଖରୁ ୨୦୧୯ ମେ ୩୦ ତାରିଖ ପର୍ଯ୍ୟନ୍ତ ରହିଥିଲା। ବର୍ତ୍ତମାନ ଆମେ ଆପଣଙ୍କୁ କହିବାକୁ ଯାଉଛୁ ଦେଶର କେଉଁ ପ୍ରଧାନମନ୍ତ୍ରୀ କେତେ ଦିନ ଶାସନ ଭାର ସମ୍ଭାଳିଛନ୍ତି।
ଦୀର୍ଘ ସମୟ ଧରି କାର୍ଯ୍ୟ କରିଥିବା ପ୍ରଧାନମନ୍ତ୍ରୀ
ଭାରତ ବର୍ଷ ସ୍ୱାଧୀନ ହେବା ପରେ ଦେଶର ପ୍ରଥମ ପ୍ରଧାନମନ୍ତ୍ରୀ ପଦ ଭାର ଗ୍ରହଣ କରିଥିଲେ ପଣ୍ଡିତ ଜବାହରଲାଲ ନେହେରୁ। ଦୀର୍ଘ ସମୟ ଧରି ଦେଶର ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିବାର ରେକର୍ଡ ପଣ୍ଡିତ ନେହେରୁଙ୍କ ନାମରେ ରହିଛି। ପ୍ରାୟ ୧୬ ବର୍ଷ ୨୮୬ ଦିନ ଭାରତ ବର୍ଷର ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଛନ୍ତି ପଣ୍ଡିତ ନେହେରୁ।
ସ୍ୱଳ୍ପ ସମୟ ଧରି କାର୍ଯ୍ୟ କରିଥିବା ପ୍ରଧାନମନ୍ତ୍ରୀ
ପ୍ରଧାନମନ୍ତ୍ରୀ ଭାବରେ ସ୍ୱଳ୍ପ ସମୟ ଧରି କାର୍ଯ୍ୟ କରିବାର ରେକର୍ଡ ଗୁଲଜାରୀ ଲାଲ ନନ୍ଦାଙ୍କ ନାମରେ ରହିଛି। ଯିଏ ୧୯୬୪ ଏବଂ ୧୯୬୬ ମସିହରେ ଦୁଇ ଦୁଇ ଥର କାମଚଳା ପ୍ରଧାନମନ୍ତ୍ରୀ ଭାବେ କାର୍ଯ୍ୟ କରିଛନ୍ତି। ଗୁଲଜାରୀ ଲାଲ ନନ୍ଦା ସର୍ବମୋଟ ୧୩ ଦିନ ପାଇଁ ଦେଶର ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଛନ୍ତି।
ଦେଶର ଅନ୍ୟ ପ୍ରଧାନମନ୍ତ୍ରୀଙ୍କ କାର୍ଯ୍ୟକାଳ ସମ୍ପର୍କରେ ଜାଣନ୍ତୁ
