କେନ୍ଦ୍ରୀୟ ଯାଞ୍ଚ ଏଜେନ୍ସି ବିରୋଧରେ ମମତା ଦିଦିଙ୍କ ହାଲ୍ଲାବୋଲ! ଆସନ୍ତାକାଲି ନେବେ ଏହି ବଡ ଆକ୍ସନ

Mamata Banerjee on Central agency: ପଶ୍ଚିମ ବଙ୍ଗରେ (West Bengal) ଶିକ୍ଷକ ନିଯୁକ୍ତି ସ୍କାମ, କୋଇଲା ସ୍କାମ, ପଶୁ ଚୋରା ଚାଲାଣ ଭଳି ଅନେକ ମାମଲାର ବର୍ତ୍ତମାନ କେନ୍ଦ୍ରୀୟ ଯାଞ୍ଚ ଏଜେନ୍ସି ତଦନ୍ତ କରୁଛନ୍ତି । ଏହି କ୍ରମରେ ପୂର୍ବତନ ମନ୍ତ୍ରୀ ପାର୍ଥ ଚାଟାର୍ଜୀ, ତୃଣମୂଳ କଂଗ୍ରେସ ନେତା ଅନୁବ୍ରତ ମଣ୍ଡଳଙ୍କ ସମେତ ମମତାଙ୍କ ଅନେକ ନେତାଙ୍କୁ ମଧ୍ୟ ଯାଞ୍ଚ ଏଜେନ୍ସି ଦ୍ୱାରା ଗିରଫ କରାଯାଇଛି । ଯାହାକୁ ନେଇ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ (Mamata Banerjee) କେନ୍ଦ୍ରୀୟ ଏଜେନ୍ସିଗୁଡ଼ିକର (Central agency) ସକ୍ରିୟତା ବିରୋଧରେ ନିରନ୍ତର ସ୍ୱର ଉତ୍ତୋଳନ କରି ଆସୁଛନ୍ତି ।

କେନ୍ଦ୍ରୀୟ ତଦନ୍ତ ଏଜେନ୍ସିର ହାଇପରାକ୍ଟିଭିଟିକୁ ନେଇ ସୋମବାର ଦିନ ତୃଣମୂଳ କଂଗ୍ରେସ ରାଜ୍ୟ ବିଧାନସଭାରେ ଏକ ପ୍ରସ୍ତାବ ଆଣିବାକୁ ଯାଉଛି । କେନ୍ଦ୍ରୀୟ ଏଜେନ୍ସିଗୁଡିକ ରାଜନୈତିକ ଉଦ୍ଦେଶ୍ୟରେ ବ୍ୟବହୃତ ହେଉଛି ବୋଲି ତୃଣମୂଳ କଂଗ୍ରେସ ଅଭିଯୋଗ କରି ଆସୁଛି । ବର୍ତ୍ତମାନ ଏହାକୁ ନେଇ ତୃଣମୂଳ କଂଗ୍ରେସ ବିଧାନସଭା ଭିତରେ କେନ୍ଦ୍ରୀୟ ଏଜେନ୍ସିଗୁଡ଼ିକର ସକ୍ରିୟତା ପାଇଁ ନିନ୍ଦା ପ୍ରସ୍ତାବ ଆଣିଛି । ଖବର ଅନୁସାରେ ସୋମବାର ଦିନ ବିଧାନସଭାରେ ଏହି ପ୍ରସ୍ତାବ ପଢିବା ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିଜେ ଉପସ୍ଥିତ ରହିପାରନ୍ତି ।

କୋଇଲା ଚୋରା ଚାଲାଣ ମାମଲାରେ କେନ୍ଦ୍ରୀୟ ଏଜେନ୍ସି ତୃଣମୂଳ କଂଗ୍ରେସର ଜାତୀୟ ସାଧାରଣ ସମ୍ପାଦକ ତଥା ସାଂସଦ ଅଭିଷେକ ବାନାର୍ଜୀ, ତାଙ୍କ ପତ୍ନୀ ରୁଚିରା ବାନାର୍ଜୀ ଓ ବୋହୂ ମନେକା ଗମ୍ଭୀରଙ୍କୁ ମଧ୍ୟ ପଚରାଉଚୁରା କରିଛନ୍ତି । ଏହି ପ୍ରସଙ୍ଗରେ ବିଜେପି ମଧ୍ୟ ସ୍ୱର ଉଠାଇ ସାରିଛି । ରାଜ୍ୟ ବିରୋଧୀ ଦଳର ନେତା ଶୁଭେନ୍ଧୁ ଅଧିକାରୀ ଦୁର୍ନୀତି ଉପରେ ଆଲୋଚନା କରିବାକୁ ଦାବି କରି ଚଳିତ ଅଧିବେଶନରେ ନିଜେ ଏକ ସଂକଳ୍ପ ଆଣିବାକୁ ଚାହୁଁଥିଲେ, କିନ୍ତୁ ବାଚସ୍ପତି ବିମନ୍ ବାନାର୍ଜୀ ଦୁର୍ନୀତି ସମ୍ପର୍କରେ ଆଲୋଚନା ପ୍ରସ୍ତାବକୁ ପ୍ରତ୍ୟାଖ୍ୟାନ କରିଥିଲେ । ଏଭଳି ପରିସ୍ଥିତିରେ ବିଜେପି ନେତାମାନେ କହିଛନ୍ତି ଯେ ସେମାନେ ଦୁର୍ନୀତି ପ୍ରସଙ୍ଗରେ ଆଲୋଚନା କରିବାକୁ ଚାହୁଁଛନ୍ତି । ଦୁର୍ନୀତି ଅଭିଯୋଗର ଯାଞ୍ଚ ପାଇଁ ଇଡି-ସିବିଆଇ ଆଗକୁ ବଢିଛି, କିନ୍ତୁ ସେହି ପ୍ରସଙ୍ଗକୁ ଅତିକ୍ରମ କରି ଶାସକ ଦଳ ଇଡି-ସିବିଆଇ ସକ୍ରିୟ ଥିବା ବିରୋଧରେ ନିନ୍ଦା ପ୍ରସ୍ତାବ ଆଣିଛି ।

ମୋଟ ଉପରେ କହିବାକୁ ଗଲେ ଆସନ୍ତାକାଲି ଅର୍ଥାତ ସୋମବାର ଦିନ ଏହି ପ୍ରସ୍ତାବ ରାଜନୈତିକ ସର୍କଲ ଉପରେ ପ୍ରଭାବ ପକାଇବାକୁ ଯାଉଛି, କାରଣ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଏହି ପ୍ରସ୍ତାବ ଉପରେ ବିଧାନସଭାରେ ଅଂଶଗ୍ରହଣ କରିପାରନ୍ତି । ଏଥି ସହ ରାଜ୍ୟରେ ବିରୋଧୀଦଳର ନେତା ଶୁଭେନ୍ଦୁ ଅଧିକାରୀ ମଧ୍ୟ ବିଧାନସଭାରେ ଯୋଗଦେବେ । ମୋଟ ଉପରେ, ସୋମବାର ଦିନ ପଶ୍ଚିମବଙ୍ଗ ବିଧାନସଭା ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ ହେବାକୁ ଯାଉଛି । ଏହା ବ୍ୟତୀତ ଆସନ୍ତାକାଲି ରାଜ୍ୟ କ୍ୟାବିନେଟର ଏକ ବୈଠକ ମଧ୍ୟ ହେବ । ରାଜ୍ୟ ରାଜନୀତି ବିଶେଷଜ୍ଞମାନେ ମଧ୍ୟ ଏହା ଉପରେ ନଜର ରଖିଛନ୍ତି । ସୂଚନାଯୋଗ୍ୟ ଯେ ଆସନ୍ତାକାଲି କିଛି ସମୟ ପାଇଁ ରାଜ୍ୟସଭାରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଯୋଗଦେବାର କାର୍ଯ୍ୟକ୍ରମ ରହିଛି । ଏଭଳି ପରିସ୍ଥିତିରେ ରାଜନୈତିକ କରିଡରରେ ଏକ ଚର୍ଚ୍ଚା ହେଉଛି ଯେ ଆସନ୍ତାକାଲି ସିଏମ୍ ମମତା ବାନାର୍ଜୀ ପୁଣିଥରେ କେନ୍ଦ୍ରୀୟ ଏଜେନ୍ସି ବିରୋଧରେ ଏକ ମୋର୍ଚ୍ଚା ଖୋଲିପାରନ୍ତି ।

ଏହା ବି ପଢନ୍ତୁ: କଣ୍ଡୋମ ବ୍ୟବହାର ପରେ ବି ଗର୍ଭବତୀ ହେଲେ ଅବିବାହିତା ମହିଳା, ପିଲା ଚାହାଁନ୍ତି ନାହିଁ କହି ପହଞ୍ଚିଲେ କୋର୍ଟ