ଶିବସେନାର ବିଦ୍ରୋହୀ ବିଧାୟକଙ୍କ ଫେରିବାକୁ ନେଇ ବଡ଼ ବୟାନ ଦେଲେ ସଞ୍ଜୟ ରାଉତ; ଅଯୋଗ୍ୟତା ନୋଟିସ ଉପରେ ବି ସିନ୍ଦେଙ୍କୁ ଦେଲେ ଏହି ଜବାବ

ମୁମ୍ୱାଇ: Maharashtra Politics: ମହାରାଷ୍ଟ୍ରରେ ଉଦ୍ଧବ ଠାକରେ ସରକାର (Uddhav Thackeray Govt) ଙ୍କ ପତନ ପରେ ବରିଷ୍ଠ ଶିବସେନା ନେତା ତଥା ସାଂସଦ ସଞ୍ଜୟ ରାଉତ (Sanjay Raut) ଆଜି (ଜୁନ ୫) ଏକ ସାମ୍ବାଦିକ ସମ୍ମିଳନୀ କରିଛନ୍ତି । ଏହି ଅବସରରେ ସେ ଶିବସେନା ବିରୁଦ୍ଧରେ ବିଦ୍ରୋହ କରୁଥିବା ସିନ୍ଦ ଗୋଷ୍ଠୀ ଉପରେ ବର୍ଷିଛନ୍ତି । ସେ କହିଛନ୍ତି ଯେ, "ଆମର ଅର୍ଥାତ୍ ଶିବସେନାର ସମ୍ପୂର୍ଣ୍ଣ ବିଶ୍ୱାସ ଅଛି । ଆମେ ୧୦୦ରୁ ଅଧିକ ଆସନ ଜିତିବୁ । କିନ୍ତୁ କ'ଣ ଆପଣ ପ୍ରସ୍ତୁତ କି? କ'ଣ ଆପଣଙ୍କୁ ବିଶ୍ୱାସ ଅଛି କି? ଏହି ଦେଶରେ ଆପଣ ତଦନ୍ତକାରୀ ସଂସ୍ଥା ଓ ଅର୍ଥ ମାଧ୍ୟମରେ ସରକାରଙ୍କୁ ହାଇଜେକ୍ କରିପାରିବେ ନାହିଁ । ବିଦ୍ରୋହୀ ବିଧାୟକମାନଙ୍କୁ ଟଙ୍କା ବ୍ୟତୀତ ଅନ୍ୟ କିଛି ମିଳିଛି, ଯାହା ଏପର୍ଯ୍ୟନ୍ତ ରହସ୍ୟମୟ ରହିଛି ।"

ରାଉତ କହିଛନ୍ତି ଯେ, "ଆମେ ପ୍ରକୃତ ଶିବସେନା । ଆମେ ଆଶା କରୁଛୁ ଶିବସେନାର ବିଦ୍ରୋହୀ ବିଧାୟକମାନେ ଶୀଘ୍ର ଫେରିବେ । ସେମାନେ ଆମର ଲୋକ, ସେମାନଙ୍କର ଦ୍ୱନ୍ଦ୍ୱ ଦୂର ହେବା ପରେ ସେମାନେ ଫେରି ଆସିବେ । ସିନ୍ଦେଙ୍କ ନେତୃତ୍ୱାଧୀନ ଶିବସେନା ଗୋଷ୍ଠୀ ଦ୍ୱାରା ପଠାଯାଇଥିବା ଉଦ୍ଧବ ଠାକରେ ଗୋଷ୍ଠୀର ବିଧାୟକଙ୍କ ଅଯୋଗ୍ୟତା ନୋଟିସ ଉପରେ ସେ କହିଛନ୍ତି ଯେ ଯଦି ସିନ୍ଦେ କ୍ୟାମ୍ପ ନୋଟିସ ଦେବାକୁ ଚାହୁଁଛନ୍ତି, ତେବେ ସେମାନଙ୍କୁ ଦିଅନ୍ତୁ । ଶିବସେନାକୁ ସମ୍ପୂର୍ଣ୍ଣ ବିଶ୍ୱାସ ଅଛି । ଯଦି ମଧ୍ୟାବଧି କାଳୀନ ନିର୍ବାଚନ ହୁଏ, ତେବେ ଆମେ ୧୦୦ ଆସନ ଜିତିବୁ ।"

ସୂଚନାଯୋଗ୍ୟ, ଗତକାଲି ସିନ୍ଦେ ଆସ୍ଥା ଭୋଟରେ ବିଜୟ ହାସଲ କରିଛନ୍ତି । ବିଧାନସଭାରେ ୧୬୪ ଜଣ ବିଧାୟକ ସିନ୍ଦେ ସରକାରଙ୍କୁ ସମର୍ଥନ କରିଛନ୍ତି । ବାଚସ୍ପତିଙ୍କ ଭୋଟ୍ ଗଣନା କରାଯାଇ ନଥିଲା, ନଚେତ୍ ଏହି ଭୋଟ୍ ୧୬୫ ହୋଇଥାନ୍ତା । ସେପଟେ ବିରୋଧୀ ସପକ୍ଷରେ ୯୯ ଭୋଟ ପଡ଼ିଛି । ଏହା ବ୍ୟତୀତ ମହାବିକାଶ ଅଘାଡ଼ିର ୮ ବିଧାୟକ ଭୋଟିଂ ସମୟରେ ଅନୁପସ୍ଥିତ ଥିଲେ ।

ଏହା ବି ପଢ଼ନ୍ତୁ:-'ମୁଁ ୪ ଥର ମୁଖ୍ୟମନ୍ତ୍ରୀ ରହିଛି କିନ୍ତୁ ରାଜ୍ୟପାଳ ଥରେ ବି ପେଡା ଖୁଆଇ ନାହାଁନ୍ତି'

ଏହା ବି ପଢ଼ନ୍ତୁ:-ମମତା ସରକାରଙ୍କୁ ଝଟକା ଦେଲେ ରାଜ୍ୟପାଳ ଧନଖର, ନେଲେ ଏହି ବଡ଼ ନିଷ୍ପତ୍ତି

ଏହା ବି ପଢ଼ନ୍ତୁ:-ସିନ୍ଦେ ସରକାରଙ୍କ ସଂଖ୍ୟାଗରିଷ୍ଠତା ପ୍ରମାଣକୁ ନେଇ ଉଦ୍ଧବ ଠାକରେଙ୍କ ଆସିଲା ପ୍ରଥମ ପ୍ରତିକ୍ରୟା, ବିଦ୍ରୋହୀ ବିଧାୟକ ଓ ବିଜେପିକୁ କଲେ ଏହି ଚ୍ୟାଲେଞ୍ଜ

ସେପଟେ ପୂର୍ବତନ ମୁଖ୍ୟମନ୍ତ୍ରୀ ତଥା ଶିବସେନା ମୁଖିଆ ଉଦ୍ଧବ ଠାକରେ (Uddhav Thackeray) ବିଦ୍ରୋହୀ ବିଧାୟକ ଓ ବିଜେପି (BJP) କୁ ମଧ୍ୟାବଧି କାଳୀନ ନିର୍ବାଚନରେ ଓହ୍ଲାଇବାକୁ ଚ୍ୟାଲେଞ୍ଜ କରିଛନ୍ତି । ସୋମବାର ଦଳର ନେତାଙ୍କ ସହ ଏକ ବୈଠକରେ ଉଦ୍ଧବ ଠାକରେ ଏହା କହିଛନ୍ତି । ସେ କହିଛନ୍ତି ଯେ, ଶିବସେନା (Shiv Sena) କୁ ହଟାଇବା ପାଇଁ ବିଜେପି ଏକ ଷଡଯନ୍ତ୍ର କରିଛି । ମୋର ଚ୍ୟାଲେଞ୍ଜ ହେଉଛି ଯଦି ଏହି ଲୋକମାନଙ୍କର ସାହସ ଥାଏ, ତେବେ ମଧ୍ୟବର୍ତ୍ତୀକାଳୀନ ନିର୍ବାଚନ ପାଇଁ ଓହ୍ଲାନ୍ତୁ । ଦଳର ଜିଲ୍ଲାଧ୍ୟକ୍ଷଙ୍କ ବୈଠକରେ ସେ କହିଛନ୍ତି ଯେ ଯେଉଁଭଳି ଭାବେ ବିଧାନସଭା ଚାଲିଛି ତାହା ସମ୍ବିଧାନର ଉଲ୍ଲଂଘନ ।