ମହାରାଷ୍ଟ୍ରରେ ଶିବସେନା ବିରୋଧରେ ଏକାଠି ହେବେ ବିଜେପି-କଂଗ୍ରେସ? ଫଡନାଭିସଙ୍କ ଟ୍ୱିଟରୁ ବଢ଼ିଲା ପାରା

ମୁମ୍ୱାଇ: Maharashtra Politics: ମହାରାଷ୍ଟ୍ର ରାଜନୀତିରେ ଅନିଶ୍ଚିତା ଲାଗି ରହିଛି । କେତେବେଳେ କ’ଣ ଘଟିବ, ତାହା କହି ହେବ ନାହିଁ । ଅଢ଼େଇ ବର୍ଷ ପୂର୍ବେ ଶିବସେନା (Shiv Sena), ଏନସିପି (NCP) ଏବଂ କଂଗ୍ରେସ (Congress) ରାଜ୍ୟରେ ମହା ବିକାଶ ଅଘାଡ଼ି ସରକାର ଗଠନ କରିଥିଲେ । ତିନି ଦଳର ଏକାଠି ହେବା ଅପ୍ରତ୍ୟାଶିତ ଥିଲା । ଉଲ୍ଲେଖନୀୟ କଥା ହେଉଛି, ଅଢ଼େଇ ବର୍ଷ ମଧ୍ୟରେ ବରିଷ୍ଠ ଶିବସେନା ନେତା ଏକନାଥ ସିନ୍ଦେ ଦଳ ବିରୋଧରେ ବିଦ୍ରୋହ କରିଛନ୍ତି ଓ ୩୯ରୁ ଅଧିକ ବିଧାୟକଙ୍କ ସହ ବିଜେପି (BJP) ସହ ହାତ ମିଳାଇଛନ୍ତି । ଏହା ପରେ ମହାରାଷ୍ଟ୍ର ରାଜନୀତିରେ ହଇଚଇ ସୃଷ୍ଟି ହୋଇଥିଲା । ମହାରାଷ୍ଟ୍ରରେ ଏନସିପି, ଶିବସେନା ଏବଂ କଂଗ୍ରେସ ଏକାଠି ମିଶି ସରକାର ଚଳାଉଥିଲେ । କିନ୍ତୁ କ୍ଷମତାକୁ ଯିବା ମାତ୍ରେ କଂଗ୍ରେସ ନେତା ମିଲିନ୍ଦ ଦେଓରା (Milind Deora) ମୁମ୍ବାଇ ମ୍ୟୁନିସିପାଲ କର୍ପୋରେସନ (BMC) ର ୱାର୍ଡ ଗଠନ ସମ୍ପର୍କରେ ମୁଖ୍ୟମନ୍ତ୍ରୀ ଏକନାଥ ସିନ୍ଦେ (Eknath Shinde) ଓ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ (Devendra Fadnavis) ଙ୍କୁ ଚିଠି ପଠାଇଛନ୍ତି । ଏହି ଚିଠିରେ ସେ ଶିବସେନାଙ୍କୁ ସମାଲୋଚନା କରିଛନ୍ତି ।

ତାଙ୍କ ସମାଲୋଚନାକୁ ଧ୍ୟାନରେ ରଖି ଦେବେନ୍ଦ୍ର ଫଡନାଭିସ୍ ମଧ୍ୟ ଟ୍ୱିଟରରେ ତୁରନ୍ତ ପ୍ରତିକ୍ରିୟା ଦେଇଛନ୍ତି । ସେ ଏ ବାବଦରେ ନିଷ୍ପତ୍ତି ନେବେ ବୋଲି ନିଶ୍ଚିତ କରିଛନ୍ତି । ତେବେ ବର୍ତ୍ତମାନ ମୁମ୍ବାଇ ମ୍ୟୁନିସିପାଲିଟି କର୍ପୋରେସନ ନିର୍ବାଚନରେ ​​ଶିବସେନା ବିରୋଧରେ ବିଜେପି ଓ କଂଗ୍ରେସ ଏକାଠି ହୋଇପାରନ୍ତି କି?

ମିଲିନ୍ଦ ଦେଓରା ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଓ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ଏକ ଚିଠି ଲେଖିଛନ୍ତି । ସେହି ଚିଠିରେ ସେ କହିଛନ୍ତି ଯେ, ଶିବସେନା ଦ୍ୱାରା କରାଯାଇଥିବା ୱାର୍ଡ ନିର୍ମାଣ ଅନଧିକୃତ କିମ୍ବା ବେଆଇନ ଅଟେ । ନ୍ୟୁଜ୍ 18 ଲୋକମତରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ମିଲିନ୍ଦ ଦେଓରା କହିଛନ୍ତି ଯେ, "ମୁମ୍ବାଇ ମ୍ୟୁନିସିପାଲିଟି କର୍ପୋରେସନ୍ ହେଉଛି ଭାରତର ସବୁଠାରୁ ଧନୀ ନିଗମ । ମୁମ୍ବାଇ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନ ମୁକ୍ତ ଓ ନିରପେକ୍ଷ ଭାବରେ ଅନୁଷ୍ଠିତ ହୋଇଛି । କେବଳ ଗୋଟିଏ ଦଳର ଲାଭ ପାଇଁ ମୁମ୍ବାଇର ୱାର୍ଡ ସଂରଚନାକୁ ପରିବର୍ତ୍ତନ କରିବା ଅନୈତିକ ଅଟେ । ଏହା ଅସାମ୍ବିଧାନିକ ଅଟେ । ସେଥିପାଇଁ ମୁଁ ଏକନାଥ ସିନ୍ଦେ ଓ ଡେପୁଟି ସିଏମ ଦେବେନ୍ଦ୍ର ଫଡନାଭିସଙ୍କୁ ଏକ ଚିଠି ଲେଖିଛି ।" ମିଲିନ୍ଦ ଦେଓରା ଲୋକଙ୍କୁ ଏକଜୁଟ ହୋଇ ନୂଆ ୱାର୍ଡ ଗଠନ ପାଇଁ ଅପିଲ କରିଛନ୍ତି ।

ଦେବେନ୍ଦ୍ର ଫଡନାଭିସ୍ ନିଶ୍ଚିତ କରିଛନ୍ତି ଯେ, "ମୁଁ ମିଲିନ୍ଦ ଦେଓରାଙ୍କ ଠାରୁ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଓ ମୋତେ ସମ୍ୱୋଧିତ କରି ଚିଠି ମିଳିଛି । ଆମେ ଆପଣଙ୍କ ଭାବନାକୁ ଧ୍ୟାନ ଦେଇଛୁ ଓ ମୁମ୍ବାଇକାର ଏବଂ ମୁକ୍ତ ଏବଂ ନିରପେକ୍ଷ ନିର୍ବାଚନ ପାଇଁ ଆପଣଙ୍କ ଚିନ୍ତାକୁ ଦୂର କରିବାକୁ ଚେଷ୍ଟା କରିବୁ ।"

ଏହା ବି ପଢ଼ନ୍ତୁ:-ଉଦ୍ଧବଙ୍କୁ ଆଉ ଏକ ବଡ଼ ଝଟକା ଦେବେ ଫଡନାଭିସ, ପୁତୁରା ଅମିତ ଠାକରେଙ୍କୁ କରିବେ ମନ୍ତ୍ରୀ!

ଏହା ବି ପଢ଼ନ୍ତୁ:-ରାଷ୍ଟ୍ରପତି ନିର୍ବାଚନରେ ଦ୍ରୌପଦୀ ମୁର୍ମୁଙ୍କୁ ଶିବସେନାର ସମର୍ଥନ ଦେବା ଉପରେ କଂଗ୍ରେସ ଓ ଏନସିପି ଦେଲେ ବଡ଼ ବୟାନ, ଜାଣନ୍ତୁ କ'ଣ କହିଲେ

ଏହା ବି ପଢ଼ନ୍ତୁ:-ସରକାରୀ କର୍ମଚାରୀଙ୍କ ପାଇଁ ବଡ଼ ଖୁସି ଖବର! ଆସିଯାଇଛି DA ବକେୟା ଟଙ୍କା

ମୁମ୍ବାଇ ମ୍ୟୁନିସିପାଲ କର୍ପୋରେସନର ୱାର୍ଡ ଗଠନକୁ ନେଇ କଂଗ୍ରେସ ନେତା ମିଲିନ୍ଦ ଦେଓରା ଖୋଲାଖୋଲି ଭାବେ ଶିବସେନାକୁ ସମାଲୋଚନା କରୁଛନ୍ତି । ମିଲିନ୍ଦ ଦେଓରା ଅଭିଯୋଗ କରିଛନ୍ତି ଯେ, ଉଦ୍ଧବ ଠାକରେ କଂଗ୍ରେସକୁ ଧ୍ୱଂସ କରିବାକୁ ଚେଷ୍ଟା କରୁଛନ୍ତି । ଦେଓରାଙ୍କ ବୟାନ ପରେ କଂଗ୍ରେସ ଓ ଶିବସେନା ମଧ୍ୟରେ ମତଭେଦ ସୃଷ୍ଟି କରିବ କି? ଏହା ଦେଖିବାକୁ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି ।