Gaurav Vallabh Net Worth: ସମ୍ବିତ ପାତ୍ରଙ୍କୁ '0' କୁ ନେଇ ପ୍ରଶ୍ନ କରିଥିବା ଗୌରବଙ୍କ ପାଖରେ ରହିଛି କେତେ ସମ୍ପତ୍ତି, ଜାଣନ୍ତୁ ଲାଗିଛି କେତଟା ଶୂନ?

Gaurav Vallabh Net Worth: କଂଗ୍ରେସର ପୂର୍ବତନ ମୁଖପାତ୍ର ଗୌରବ ବଲ୍ଲବ ଗୁରୁବାର ଦିନ ସକାଳେ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି ଓ ମଧ୍ୟାହ୍ନରେ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି। ଏହି ସମାନ ବ୍ୟକ୍ତି ଯିଏକି କିଛି ବର୍ଷ ପୂର୍ବେ ଏକ ଟିଭି ବିତର୍କରେ ବିଜେପି ମୁଖପାତ୍ର ସମ୍ବିତ୍ ପାତ୍ରଙ୍କୁ ପଚାରିଥିଲେ ଯେ ଏକ ଟ୍ରିଲିୟନରେ କେତେଟା ଶୂନ ଅଛି। ସେହି ପ୍ରଶ୍ନ ପରେ ହିଁ ବଲ୍ଲଭ ଜାତୀୟ ପ୍ଲାଟଫର୍ମରେ ଛାଇ ଯାଇଥିଲେ।

ବୃତ୍ତି ଅନୁଯାୟୀ ଚାର୍ଟାର୍ଡ ​​ଆକାଉଣ୍ଟାଣ୍ଟ ଓ ଅର୍ଥନୀତି ପ୍ରଫେସର ଗୌରବ ବଲ୍ଲବ ପ୍ରଥମେ ୨୦୧୯ ନିର୍ବାଚନରେ ​​ନିଜର ରାଜନୈତିକ କ୍ୟାରିଅର୍ ଆରମ୍ଭ କରିଥିଲେ। ତା’ପରେ ସେ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ରଘୁବର ଦାସଙ୍କ ବିରୋଧରେ ଜାମସେଦପୁର ପୂର୍ବ ବିଧାନସଭା ଆସନରେ ପ୍ରତିଦ୍ୱନ୍ଦ୍ୱିତା କରିଥିଲେ ମଧ୍ୟ ନିର୍ବାଚନରେ ​​ହାରି ଯାଇଥିଲେ। ତେବେ ତତ୍କାଳୀନ ମୁଖ୍ୟମନ୍ତ୍ରୀ ରଘୁବର ଦାସ ମଧ୍ୟ ନିର୍ବାଚନରେ ​​ହାରି ଯାଇଥିଲେ ଏବଂ ସ୍ୱାଧୀନ ବିଜେପି ବିଦ୍ରୋହୀ ସରୟୁ ରାୟ ୪୨.୫୯ ପ୍ରତିଶତ ଭୋଟ୍ ପାଇ ଜିତିଥିଲେ। ଏହି ନିର୍ବାଚନରେ ଗୌରବ ବଲ୍ଲବ କେବଳ ୧୮୯୭୬ (୧୦.୯3 ପ୍ରତିଶତ) ଭୋଟ୍ ପାଇଥିଲେ।

ଏହା ପରେ ଗତ ବର୍ଷ ଅନୁଷ୍ଠିତ ରାଜସ୍ଥାନ ବିଧାନସଭା ନିର୍ବାଚନରେ ​​ମଧ୍ୟ କଂଗ୍ରେସ ବଲ୍ଲବଙ୍କୁ ଉଦୟପୁର ଆସନରୁ ପ୍ରାର୍ଥୀ କରିଥିଲା। ଗୌରବ ବଲ୍ଲବ ମଧ୍ୟ ସେଠାରେ ହାରିଯାଇଥିଲେ। ବିଜେପି ପ୍ରାର୍ଥୀ ତାରଚାନ୍ଦ ଜୈନ ତାଙ୍କୁ ପ୍ରାୟ ୩୨ ହଜାର ଭୋଟ ବ୍ୟବଧାନରେ ପରାସ୍ତ କରିଥିଲେ। ରାଜସ୍ଥାନ ନିର୍ବାଚନ ସମୟରେ ହିଁ ସେ ତାଙ୍କ ନିର୍ବାଚନ ଆଫିଡେଭିଟରେ ନିଜର ମୋଟ ସମ୍ପତ୍ତି ପ୍ରକାଶ କରିଥିଲେ। ସେହି ଆଫିଡେଭିଟ୍ ଅନୁଯାୟୀ, ସେହି ସମୟରେ ବଲ୍ଲବଙ୍କ ମୋଟ ସମ୍ପତ୍ତି ୧୧,୫୬,୫୯,୯୮୬ ଟଙ୍କା ଥିଲା। ଏହାର ଅର୍ଥ ବଲ୍ଲବଙ୍କ ମୋଟ ସମ୍ପତ୍ତି ୧୧.୫୬ କୋଟି ଟଙ୍କା ଥିଲା। ଆପଣଙ୍କୁ କହିରଖୁଛୁ ଯେ ଗୋଟିଏ କୋଟିରେ ସାତଟି ଶୂନ ଥାଏ।

ସୂଚନାନୁସାରେ, ଗୌରବ ବଲ୍ଲବଙ୍କର ମୋଟ ୧,୫୭,୮୯,୬୦୦ ଟଙ୍କା ବ୍ୟାଙ୍କରେ ଜମା ଥିଲା। ଏହା ବ୍ୟତୀତ ଗୌରବ ବଲ୍ଲବ ମଧ୍ୟ ବଣ୍ଡ, ଡେବେନ୍ଚର ଓ କମ୍ପାନୀ ସେୟାରରେ ପ୍ରାୟ ଏକ କୋଟି ଟଙ୍କା ନିବେଶ କରିଥିଲେ। ତାଙ୍କ ପାଖରେ NSS, PPF ପରି ସଞ୍ଚୟ ଯୋଜନାରେ ପ୍ରାୟ ୭୨.୨୮ ଲକ୍ଷ ଟଙ୍କା ଜମା ରହିଛି।

ନିର୍ବାଚନ ପ୍ରମାଣପତ୍ର ଅନୁଯାୟୀ ଗୌରବ ବଲ୍ଲବ ଓ ତାଙ୍କ ପତ୍ନୀଙ୍କର ମୋଟ ୮ଟି ଆବାସିକ ଘର ଏବଂ ୮୫୦ ଗ୍ରାମ ସୁନା ଥିଲା। ଏହି ଆବାସିକ ଘର ରାଜସ୍ଥାନର ଜୟପୁର, ଉଦୟପୁର ଓ ଯୋଧପୁରରେ ଅଛି। ଦିଲ୍ଲୀ-ଏନସିଆରର ଗୁରୁଗାଓଁରେ ତାଙ୍କ ପତ୍ନୀଙ୍କ ନାମରେ ଏକ ଘର ମଧ୍ୟ ଅଛି। ବଲ୍ଲବଙ୍କର ୪୦୦ ଗ୍ରାମ ସୁନା ଥିବାବେଳେ ତାଙ୍କ ପତ୍ନୀଙ୍କର ୪୫୦ ଗ୍ରାମ ସୁନା ଅଛି। ୧୯୭୭ ମସିହାରେ ଜନ୍ମ ହୋଇଥିବା ଗୌରବ ମୂଳତଃ ରାଜସ୍ଥାନର ଯୋଧପୁର ଜିଲ୍ଲାର ପିପର ଗାଁର ବାସିନ୍ଦା। ସେ ଜାମସେଦପୁରର XLRI କଲେଜରେ ପ୍ରଫେସର ମଧ୍ୟ ରହି ସାରିଛନ୍ତି।