Mulayam Singh Yadav: ଜୋର ଧରିଲା ନେତାଜୀଙ୍କୁ ଭାରତରତ୍ନ ପ୍ରଦାନ ଦାବି, ସମାଜବାଦୀ ପାର୍ଟି ପରେ ସ୍ୱର ଉଠାଇଲା କଂଗ୍ରେସ

Bharat Ratna for Netaji: ପୁଣି ଥରେ ଜୋର ଧରିଛି ନେତାଜୀଙ୍କୁ ଭାରତରତ୍ନ ପ୍ରଦାନ କରିବାକୁ ଦାବି। ସମାଜବାଦୀ ପାର୍ଟି ପରେ ଏବେ କଂଗ୍ରେସ ଏହି ପ୍ରସଙ୍ଗରେ ସ୍ୱର ଉଠାଇଛି। ଏନେଇ ଜଣେ କଂଗ୍ରେସ ନେତା ଦେଶର ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛନ୍ତି। କଂଗ୍ରେସ ପୂର୍ବରୁ ଅନ୍ୟ ଜଣେ ସମାଜବାଦୀ ପାର୍ଟି ନେତା ନେତାଜୀଙ୍କୁ ଭାରତରତ୍ନ ପ୍ରଦାନ କରିବାକୁ ଦାବି କରିଛନ୍ତି।

ଏଠାରେ ଆମେ ଯେଉଁ ନେତାଜୀଙ୍କ (Netaji) କଥା କହୁଛି ସେ ସ୍ୱାଧୀନତା ସଂଗ୍ରାମୀ ସୁଭାଷଚନ୍ଦ୍ର ବୋଷ (Freedom Fighter Subhash Chandra Bose) ନୁହଁନ୍ତି। ସେ ହେଉଛନ୍ତି ସମାଜବାଦୀ ପାର୍ଟି ପ୍ରତିଷ୍ଠାତା (Samajwadi Party Founder) ମୁଲାୟମ ସିଂହ ଯାଦବ (Mulayam Singh Yadav)। ସେ ଉତ୍ତର ପ୍ରଦେଶ ରାଜନୀତିରେ ନେତାଜୀ (Netaji of Uttar Pradesh Politics) ଭାବେ ଜଣାଶୁଣା। ତାଙ୍କ ମୃତ୍ୟୁ ପର ଠାରୁ ତାଙ୍କୁ ଭାରତ ରତ୍ନ (Bharat Ratna) ପ୍ରଦାନ କରିବା ପାଇଁ ଦାବି କରାଯାଉଛି। ପ୍ରଥମେ ଏହି ପ୍ରସଙ୍ଗ ଉଠାଇଥିଲେ ସମାଜବାଦୀ ପାର୍ଟି ମୁଖପାତ୍ର ଆଇପି ସିଂହ (Samajwadi Party Spokesperson IP Singh)। ତାଙ୍କ ପରେ ବର୍ତ୍ତମାନ ମହାରାଷ୍ଟ୍ର କଂଗ୍ରେସ କାର୍ଯ୍ୟକାରୀ ସଭାପତି ନସିମ ​​ଖାନ (Congress Leader Naseem Khan) ନେତାଜୀଙ୍କୁ ଭାରତରତ୍ନ ପ୍ରଦାନ କରିବାକୁ ଦାବି କରିଛନ୍ତି। ଏନେଇ ସେ ରାଷ୍ଟ୍ରପତି ଦ୍ରୌପଦୀ ମୁର୍ମୁ (President Draupadi Murmu) ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ (Prime Minister Narendra Modi) ପାଖକୁ ଏକ ଚିଠି ଲେଖିଛନ୍ତି। 

ନିଜେ ଲେଖିଥିବା ଚିଠିରେ କଂଗ୍ରେସ ନେତା ନସିମ ​​ଖାନ ମୁଲାୟମ ସିଂହ ଯାଦବ ଓବିସି ସହ ଅନ୍ୟ ପଛୁଆ ବର୍ଗର ଲୋକଙ୍କ ପାଇଁ କାମ କରିଛନ୍ତି। ସାମାନ୍ୟ ପରିବାରରୁ ଆସି ନେତାଜୀ ଜନସାଧାରଣଙ୍କ ସେବାରେ ନିଜକୁ ଉତ୍ସର୍ଗ କରିଥିଲେ। ବିଗତ ୬ ଦଶନ୍ଧି ଧରି ଉତ୍ତର ପ୍ରଦେଶ ଏବଂ ଦେଶ ପାଇଁ ଅନେକ କାର୍ଯ୍ୟ କରିଥିବା ନେତାଜୀ ଧନୀ-ଗରିବ, ହିନ୍ଦୁ-ମୁସଲମାନ ସମସ୍ତଙ୍କୁ ଏକ ସୂତ୍ରରେ ବାନ୍ଧି ରଖିବା ପାଇଁ କାର୍ଯ୍ୟ କରିଛନ୍ତି। ସମାଜବାଦ ଏବଂ ସମ୍ବିଧାନର ସୁରକ୍ଷା ଲାଗି ନେତାଜୀ ସର୍ବଦା ସାମାଜିକ ନ୍ୟାୟ ପାଇଁ ସଂଗ୍ରାମ କରିଥିଲେ। ତାଙ୍କର ସଂଗ୍ରାମ ତଥା ଦେଶ ପାଇଁ ତାଙ୍କର ଅବଦାନକୁ ଦୃଷ୍ଟିରେ ରଖି ଦେଶର ସର୍ବୋଚ୍ଚ ନାଗରିକ ପୁରସ୍କାର ଭାରତ ରତ୍ନ ତାଙ୍କ ପାଇଁ ପ୍ରକୃତ ଶ୍ରଦ୍ଧାଞ୍ଜଳି ହେବ। ଏସବୁ ବିଷୟ ଉଲ୍ଲେଖ କରି କଂଗ୍ରେସ ନେତା ନେତାଜୀଙ୍କୁ ଭାରତ ରତ୍ନ ଦେବାକୁ ଦାବି ଉଠାଇଛନ୍ତି। 

Also Read: Shocking News: ତ୍ରୟୋଦଶ କାର୍ଯ୍ୟକ୍ରମ ପାଇଁ ଆଦାୟ ହେଉଥିଲା ଚାନ୍ଦା, ଏପରି ହେଲା ପର୍ଦ୍ଦାଫାଶ

ତାଙ୍କ ପୂ୍ର୍ବରୁ ସମାଜବାଦୀ ପାର୍ଟି ମୁଖପାତ୍ର ଆଇପି ସିଂହ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପାଖକୁ ଏକ ଚିଠି ଲେଖିଥିଲେ। ଏନେଇ ସେ କହିଥିଲେ ଯେ ମୁଲାୟମ ସିଂହ ଯାଦବ ନାମ ହେଉଛିନ୍ତି ସେହି ନାମ ଭାରତ ରତ୍ନର ଗୌରବ ବଢାଇବା ପାଇଁ କାର୍ଯ୍ୟ କରିବ। ସମାଜବାଦର ଏକ ସୁବର୍ଣ୍ଣ ଅଧ୍ୟାୟ ଶେଷ ହୋଇଛି। ଦେଶ ନିଜର ପ୍ରିୟ ନେତା ମୁଲାୟମ ସିଂ ଯାଦବ ଯାଦବଙ୍କୁ ହରାଇଛି। ଜଣେ ନେତା ଯାହାର ଜୀବନ ସଂଗ୍ରାମର ଅନ୍ୟ ନାମ ଥିଲା। ନେତାଜୀ ଏପରି ଜଣେ ବ୍ୟକ୍ତିତ୍ୱ ଯିଏ ଐତିହାସିକ ସାମାଜିକ ନ୍ୟାୟ ଯୁଦ୍ଧ ଲଢିଛନ୍ତି। ସେ ତାଙ୍କର ପୁରା ଜୀବନ ଦେଶ ପାଇଁ ଉତ୍ସଗ କରି ଦେଇଥିଲେ।