Shirdi sai Baba Temple: ମେ’ ୧ରୁ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ବନ୍ଦ ରହିବ ଶିରିଡ଼ି ସାଇ ମନ୍ଦିର, ପଛରେ ରହିଛି ଏହି କାରଣ

ଅହମ୍ମଦନଗର ମନମାଡ଼ ଜାତୀୟ ରାଜମାର୍ଗର ଶିରିଡ଼ିରେ ରହିଛି ପ୍ରସିଦ୍ଧ ସାଇ ମନ୍ଦିର। ଦେଶ ତଥା ଦେଶ ବାହାରୁ ବହୁ ଶ୍ରଦ୍ଧାଳୁ ସାଇ ବାବାଙ୍କ ଦର୍ଶନ ଲାଗି ଏଠାକୁ ଆସିଥାଆନ୍ତି ।

ବାସ୍ତବରେ ମହାରାଷ୍ଟ୍ର ଶିରିଡ଼ି ସାଇ ବାବାଙ୍କ ମନ୍ଦିରରେ ସିଆଇଏସଏଫ ନିୟୋଜନକୁ ଗ୍ରାମବାସୀଙ୍କ ପକ୍ଷରୁ ବିରୋଧ କରାଯାଉଛି।

ଦେଶରେ ସିଆଇଏସଏଫ ସବୁ ପ୍ରତିଷ୍ଠାନ, ମେଟ୍ରୋ ଷ୍ଟେସନ ସହ ଏୟାର ପୋର୍ଟରେ ସୁରକ୍ଷା ନିମନ୍ତେ ମୁତୟନ ଅଛନ୍ତି । ତେବେ ଇତି ମଧ୍ୟରେ ସରକାର ଶିରିଡ଼ି ସାଇଙ୍କ ମନ୍ଦିର ସୁରକ୍ଷା ନିମନ୍ତେ ପ୍ରଥମ କରି ସିଆଇଏସଏଫ ମୁତୟନ ଲାଗି ନିଷ୍ପତ୍ତି ନେଇଛନ୍ତି ।

ସରକାରଙ୍କ ଏହି ନିଷ୍ପତ୍ତିକୁ ଗ୍ରାମବାସୀଙ୍କ ପକ୍ଷରୁ ବିରୋଧ କରାଯାଇଛି । ଏଥିଲାଗି ମନ୍ଦିରକୁ ଆସନ୍ତା ମେ’ ୧ ତାରିଖ ପର୍ଯ୍ୟନ୍ତ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ବନ୍ଦ ଘୋଷଣା କରାଯାଇଛି।

ଶିରିଡି଼ ସାଇ ମନ୍ଦିର ଖାଲି ଦେଶ ନୁହେଁ ଦେଶ ବାହାରେ ମଧ୍ଯ ବେଶ ପ୍ରସିଦ୍ଧ । ଏହି ମନ୍ଦିର ଦାନ ପାଇଁ ମଧ୍ଯ ବହୁ ସମୟରେ ଚର୍ଚ୍ଚାରେ ରହିଥାଏ । ସାଇ ବାବାଙ୍କ ଦର୍ଶନ ଲାଗି ପ୍ରତିବର୍ଷ ଲକ୍ଷ ଲକ୍ଷ ଭକ୍ତ ଏଠାକୁ ଆସିଥାଆନ୍ତି ।