Good Bye 2022: ଚଳିତବର୍ଷ ଏହିସବୁ ସେଲିବ୍ରିଟିଙ୍କ ସମ୍ପର୍କରେ ଟାଣିଲେ ପୂର୍ଣ୍ଣଚ୍ଛେଦ, କାରଣ ଜାଣିଲେ ହେବେ ଆଶ୍ଚର୍ଯ୍ୟ

ବର୍ଷ ୨୦୨୨ରେ ସବୁଠାରୁ ଆଶ୍ଚର୍ଯ୍ୟଜନକ ବିବାହ ବିଚ୍ଛେଦ ଥିଲା ରଜନୀକାନ୍ତଙ୍କ ଝିଅ ଐଶର୍ୟ୍ୟା ଏବଂ ଧନୁଷଙ୍କ ବିବାହ ବିଚ୍ଛେଦ। ସୋସିଆଲ ମିଡିଆରେ ଏହି ଖବର ଆସିବା ମାତ୍ରେ ସବୁଆଡେ ଆଲୋଡ଼ନ ସୃଷ୍ଟି ହୋଇଥିଲା। ୨୦୨୨ ବର୍ଷର ଆରମ୍ଭ ଅର୍ଥାତ୍ ଜାନୁଆରୀ ୧୭ ରେ, ସେମାନଙ୍କ ଛାଡପତ୍ର ଖବର ସାମ୍ନାକୁ ଆସିଥିଲା । ବିବାହର ୧୮ବର୍ଷ ପରେ ଦୁହେଁ ଅଲଗା ହେବାକୁ ନିଷ୍ପତ୍ତି ନେଇଥିଲେ।

ମ୍ୟୁଜିକ କମ୍ପୋଜର ତଥା ରାପର ଏବଂ କୋମଲ ବୋହରାଙ୍କ ବିବାହ ବିଚ୍ଛେଦ ଖବର ମଧ୍ୟ ୨୦୨୨ ମସିହାରେ ଆସିଥିଲା। ଦୁହେଁ ଦୀର୍ଘ ଦିନ ଧରି ପରସ୍ପରଠାରୁ ଅଲଗା ରହୁଥିଲେ ଏବଂ ଜୁନ୍ ମାସରେ ବିବାହ ବିଚ୍ଛେଦ ଖବର ସାମ୍ନାକୁ ଆସିଥିଲା। ଉଭୟେ ଔପଚାରିକ ଭାବେ ବିବାହ ବିଚ୍ଛେଦର ସାମ୍ନା କରିଥିଲେ । ହେଲେ ବିବାହ ବିଚ୍ଛେଦର କାରଣ ଜଣାପଡ଼ିନାହିଁ।

ଅଭିନେତ୍ରୀ ସୁସ୍ମିତା ସେନଙ୍କ ଭାଇ ରାଜୀବ ସେନ ଏବଂ ଭାଉଜ ଚାରୁ ଆସୋପାଙ୍କ କଥା ପୁଣି ଥରେ ବିବାହ ବିଚ୍ଛେଦ ନିକଟକୁ ପହଞ୍ଚି ଯାଇଛି । ଏପରିକି ଚାରୁ ଅଲଗା ଘର ନେଇ ନିଜ ଝିଅ ଜିଆନାଙ୍କ ସହ ରହୁଛନ୍ତି। ଉଭୟ ପରସ୍ପର ବିରୁଦ୍ଧରେ ପ୍ରତିଦିନ ବିବୃତ୍ତି ଜାରି ରଖିଛନ୍ତି।

'ମହାଭାରତ' ଫେମ୍ ନୀତୀଶ ଭରଦ୍ୱାଜ ମଧ୍ୟ ତାଙ୍କ ପ୍ରଶଂସକଙ୍କୁ ଚଳିତ ବର୍ଷ ବିବାହ ବିଚ୍ଛେଦ ବିଷୟରେ ସୂଚନା ଦେଇଛନ୍ତି। ନୀତୀଶ ଅନେକ ସାକ୍ଷାତକାରରେ କହିଛନ୍ତି ଯେ ସେ ୨୦୧୯ ମସିହାରେ ମୁମ୍ବାଇର ଫ୍ୟାମିଲି କୋର୍ଟରେ ଛାଡପତ୍ର ପାଇଁ ଆବେଦନ କରିଥିଲେ। ବିବାହର ୧୨ ବର୍ଷ ପରେ ନୀତୀଶ ଏବଂ ସ୍ମିତା ପରସ୍ପରଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ।

ସଲମାନ ଖାନଙ୍କ ଭାଇ ସୋହେଲ ଖାନ ଏବଂ ସୀମା ସଜଦେହ ଚଳିତ ବର୍ଷ ସେମାନଙ୍କ ବିବାହ ବିଚ୍ଛେଦ ବିଷୟରେ ପ୍ରଶଂସକମାନଙ୍କୁ ସୂଚନା ଦେଇଥିଲେ। ଉଭୟଙ୍କ ଏହି ନିଷ୍ପତ୍ତି ମଧ୍ୟ ଆଶ୍ଚର୍ଯ୍ୟଜନକ ଥିଲା କାରଣ ବିବାହର ୨୪ ବର୍ଷ ପରେ ଦୁହେଁ ଛାଡପତ୍ର ନିଷ୍ପତ୍ତି ନେଇଥିଲେ।