Pension Scheme: ଏହି ସରକାରୀ ଯୋଜନାରେ କରନ୍ତୁ ନିବେଶ, ପ୍ରତି ମାସରେ ପାଇବେ ୧୦ ହଜାର ଟଙ୍କା

ଆମେ ଆପଣଙ୍କୁ ଏପରି ଏକ ସରକାରୀ ଯୋଜନା ବିଷୟରେ କହୁଛୁ, ଯେଉଁଥିରେ ନିବେଶ କରି ଆପଣ ୬୦ ବର୍ଷ ବୟସ ପରେ ପ୍ରତି ମାସରେ ନିଶ୍ଚିତ ଆୟ ପାଇପାରିବେ। ଆପଣଙ୍କର ବୃଦ୍ଧାବସ୍ଥାକୁ ସୁରକ୍ଷିତ ରଖିବା ପାଇଁ ଆପଣ ଭାରତ ସରକାରଙ୍କ ଏକ ଚମତ୍କାର ପେନସନ୍ ଯୋଜନାରେ ନିବେଶ କରିପାରିବେ। ଏହାର ନାମ ଅଟଳ ପେନସନ୍ ଯୋଜନା।

ନିକଟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଅଟଳ ପେନସନ୍ ଯୋଜନା ବିଷୟରେ ଏକ ଗୁରୁତ୍ୱପୂର୍ଣ୍ଣ କଥା କହିଛନ୍ତି। ଏହି ଯୋଜନା ଅଧୀନରେ ଅତି କମରେ ୮ ପ୍ରତିଶତ ରିଟର୍ଣ୍ଣ ଦିଆଯାଉଛି ବୋଲି ଅର୍ଥମନ୍ତ୍ରୀ କହିଛନ୍ତି।

ଅଟଳ ପେନସନ୍ ଯୋଜନା ହେଉଛି ଏପରି ଏକ ପେନସନ୍ ଯୋଜନା, ଯାହା ସ୍ୱଳ୍ପ ଆୟ ବର୍ଗର ଆବଶ୍ୟକତାକୁ ଦୃଷ୍ଟିରେ ରଖି ସ୍ୱତନ୍ତ୍ର ଭାବରେ ପରିକଳ୍ପନା କରାଯାଇଛି। ବର୍ତ୍ତମାନ ସୁଦ୍ଧା ଏହି ଯୋଜନାରେ ୭ କୋଟିରୁ ଅଧିକ ହିତାଧିକାରୀ ଯୋଗ ଦେଇଛନ୍ତି।

ଏହି ଯୋଜନା ୯ ମଇ ୨୦୧୫ ରେ ଆରମ୍ଭ ହୋଇଥିଲା। ଏହି ଯୋଜନା ଅଧୀନରେ ହିତାଧିକାରୀମାନେ ମାସିକ ୧୦୦୦ ରୁ ୫୦୦୦ ଟଙ୍କା ପର୍ଯ୍ୟନ୍ତ ପେନସନ୍ ପାଇପାରିବେ। ଏହି ପେନସନ୍ ଆପଣ ନିବେଶ କରିଥିବା ପରିମାଣ ଉପରେ ନିର୍ଭର କରିବ।

ଏହି ଯୋଜନା ଅଧୀନରେ, ନିବେଶକମାନେ ୬୦ ବର୍ଷ ବୟସ ପରେ ପ୍ରତି ମାସରେ ପେନସନ୍ ପାଆନ୍ତି। ଏହି ଯୋଜନାର ଲାଭ ପାଇବା ପାଇଁ, ଆପଣଙ୍କର ବୟସ ଅତିକମରେ   ୧୮ ରୁ ୪୦ ବର୍ଷ ମଧ୍ୟରେ ହେବା ଉଚିତ୍।

ଆପଣ ଯଦି ୧୮ ବର୍ଷ ପାଇଁ ଆପଣଙ୍କ ଆୟରେ ପ୍ରତି ମାସରେ ୨୧୦ ଟଙ୍କା ନିବେଶ କରନ୍ତି, ତେବେ ୬୦ ବର୍ଷ ବୟସ ପରେ ଆପଣ ପ୍ରତି ମାସରେ ୫୦୦୦ ଟଙ୍କା ପେନସନ୍ ପାଇବେ।

ଯଦି ଉଭୟ ସ୍ୱାମୀ-ସ୍ତ୍ରୀ ଏହି ଯୋଜନାରେ ନିବେଶ କରନ୍ତି, ତେବେ ୬୦ ବର୍ଷ ବୟସ ପରେ ଉଭୟ ମୋଟ ୧୦,୦୦୦ ଟଙ୍କା ପେନସନ୍ ପାଇପାରିବେ।