Cricketers' Love Story: ବିବାହ ପୂର୍ବରୁ ବାପା ହୋଇଛନ୍ତି ଏସବୁ ଷ୍ଟାର କ୍ରିକେଟର, ଲିଷ୍ଟରେ ସାମିଲ ଅଛନ୍ତି ଅନେକ ଭାରତୀୟ, ଦେଖନ୍ତୁ ଫଟୋ

ୱେଷ୍ଟଇଣ୍ଡିଜର ଭେଟେରାନ ବ୍ୟାଟ୍ସମ୍ୟାନ୍ ସାର୍ ଭିଭିଆନ୍ ରିଚାର୍ଡସ୍ (Viv Richards) ବଲିଉଡ ଅଭିନେତ୍ରୀ ନୀନା ଗୁପ୍ତାଙ୍କୁ ତାଙ୍କ କ୍ୟାରିୟରର ସର୍ବୋଚ୍ଚ ସମୟରେ ଥିବା ଅବସ୍ଥାରେ ଡେଟ୍ କରୁଥିଲେ । ଏହି ରିଲେସନସିପ୍ ଅଳ୍ପ ସମୟ ପର୍ଯ୍ୟନ୍ତ ରହିଥିଲା ଓ ନୀନା ଗୁପ୍ତା ମଧ୍ୟ ଗର୍ଭବତୀ ହୋଇଥିଲେ । ନୀନା ଗୁପ୍ତା ତାଙ୍କ ଝିଅ ମାସାବା ଗୁପ୍ତାଙ୍କୁ ଏକାକୀ ଲାଳନ ପାଳନ କରି ବଡ଼ କରିଥିଲେ । ଭିଭିଆନ୍ ରିଚାର୍ଡସଙ୍କ ସହ ଉଭୟ ଏହି ମା' ଓ ଝିଅ ଅନେକ ଥର ନଜର ଆସିଛନ୍ତି ।

ସଚିନ ତେନ୍ଦୁଲକରଙ୍କ ପିଲାଦିନର ବନ୍ଧୁ ବିନୋଦ କାମ୍ବଲି (Vinod Kambli) ମଧ୍ୟ ବିବାହ ନ କରି ବାପା ହୋଇଥିଲେ । ଏହି ପୂର୍ବତନ ଭାରତୀୟ କ୍ରିକେଟର ଖୁବ୍ ଶୀଘ୍ର ନିଜ ପ୍ରଥମ ପତ୍ନୀ ନୋଏଲା ଲୁଇସଙ୍କୁ ଛାଡପତ୍ର ଦେଇଥିଲେ । ଏହା ପରେ କାମ୍ବଲି ଏକ ଫ୍ୟାଶନ୍ ମଡେଲ୍ ଆଣ୍ଡ୍ରେୟା ହେଭିଟଙ୍କ ସହ ରିଲେସନସିପରେ ରହିଥିଲେ । ଏହି ସମୟରେ ଆଣ୍ଡ୍ରେୟା ଏକ ପୁତ୍ର ସନ୍ତାନ ଜନ୍ମ ଦେଇଥିଲେ । ପୁଅ ଜନ୍ମ ହେବାର ୪ ବର୍ଷ ପରେ ଦୁହେଁ ବିବାହ କରିଥିଲେ ।

ୱେଷ୍ଟଇଣ୍ଡିଜ୍ ଭେଟେରାନ୍ ଅଲରାଉଣ୍ଡର ଡୱେନ ବ୍ରାଭୋ (Dwayne Bravo) ମଧ୍ୟ ଏହି ତାଲିକାରେ ମଧ୍ୟ ସାମିଲ ଅଛନ୍ତି । ତାଙ୍କର ଦୁଇଟି ଗର୍ଲଫ୍ରେଣ୍ଡ ଅଛନ୍ତି । ଜଣଙ୍କର ନାମ ଖିତା ଗୋନସାଲଭସ୍ ଓ ଅନ୍ୟଜଣଙ୍କ ନାମ ରେଜିନା ରାମଜିତ । ଏହି ଗର୍ଲଫ୍ରେଣ୍ଡମାନଙ୍କ ଠାରୁ ତାଙ୍କର ତିନୋଟି ସନ୍ତାନ ଅଛନ୍ତି । ଯଦିଓ ବର୍ତ୍ତମାନ ପର୍ଯ୍ୟନ୍ତ ବ୍ରାଭୋ କାହାକୁ ବିବାହ କରିନାହାଁନ୍ତି ।

ଅଷ୍ଟ୍ରେଲୀୟ କ୍ରିକେଟର ଡେଭିଡ ୱାର୍ନର (David Warner) ଓ ତାଙ୍କ ପତ୍ନୀ କ୍ୟାଣ୍ଡିସ ୱାର୍ନର ମଧ୍ୟ ବିବାହ ପୂର୍ବରୁ ପିତାମାତା ହୋଇଥିଲେ । ୨୦୧୪ ମସିହାରେ, ୱାର୍ଣ୍ଣର ପ୍ରଥମ ଥର ପାଇଁ ପିତା ହୋଇଥିଲେ । ପିତା ହେବା ପରେ ୱାର୍ଣ୍ଣର କ୍ୟାଣ୍ଡିସଙ୍କୁ ବିବାହ କରିଥିଲେ । ଏବେ ଏହି ଦମ୍ପତିଙ୍କର ତିନି ଝିଅ ଅଛନ୍ତି ।

ଇଂଲଣ୍ଡ କ୍ରିକେଟର ଜୋ ରୁଟ୍ (joe root) ମଧ୍ୟ ପିତା ହେବା ପରେ ତାଙ୍କ ଗାର୍ଲଫ୍ରେଣ୍ଡଙ୍କୁ ବିବାହ କରିଥିଲେ । ସେ ୨୦୧୭ ରେ ପିତା ହୋଇଥିଲେ । ତାଙ୍କ ପତ୍ନୀଙ୍କ ନାମ କାରୀ କୋଟ୍ରେଲ । ଏହି ଦମ୍ପତି ନିଜ ପୁଅଙ୍କ ପୁଅର ନାମ ଆଲଫ୍ରେଡ୍ ୱିଲିୟମ୍ ରୁଟ୍ ରଖିଥିଲେ । ବିବାହ ପରେ ଉଭୟଙ୍କର ଏକ ଝିଅ ହୋଇଥିଲା, ଯାହାର ନାମ ଇସାବେଲା ।

ଭାରତୀୟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ (Hardik Pandya) କାହାଣୀ ମଧ୍ୟ ସମାନ । ପାଣ୍ଡ୍ୟା ସର୍ବିଆର ମଡେଲ ନତାଶା ଷ୍ଟାନକୋଭିକଙ୍କ ସହ ରିଲେସନସିପରେ ଥିଲେ । ଏହି ସମୟରେ ନତାଶା ଗର୍ଭବତୀ ହୋଇଥିଲେ ଓ ପରେ ହାର୍ଦ୍ଦିକ ତାଙ୍କୁ ବିବାହ କରିଥିଲେ । ନତାଶାଙ୍କୁ ପୁଅ ସହିତ କ୍ରିକେଟ୍ ଷ୍ଟାଡିୟମରେ ଅନେକ ଥର ଦେଖିବାକୁ ମିଳେ ।