ସଲମାନ ରୁଶଦୀଙ୍କୁ ଛୁରୀ ମାରିଥିବା ବ୍ୟକ୍ତି ଜଣକ କିଏ, ଜାଣନ୍ତୁ ଏହି ଆକ୍ରମଣ ପଛରେ କ’ଣ ଥିଲା ଉଦ୍ଦେଶ୍ୟ?

Salman Rushdie Attacked: ବିଶ୍ୱର ପ୍ରସିଦ୍ଧ ଲେଖକ ସଲମାନ ରୁଶଦୀ (Salman Rushdie) ନ୍ୟୁୟର୍କରେ (New York) ସାଂଘାତିକ ଆକ୍ରମଣ ପରେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ରୁଶଦୀଙ୍କ ଚିକିତ୍ସା କରୁଥିବା ଡାକ୍ତରଙ୍କ ଅନୁଯାୟୀ ରୁଶଦୀଙ୍କ ଦେହରେ ଅନେକ ଥର ଛୁରୀରେ ଆକ୍ରମଣ କରଯାଇଥିବା ଚିହ୍ନ ଦେଖିବାକୁ ମିଳିଛି । ଆକ୍ରମଣ ପରେ ରୁଶଦୀ ରକ୍ତରେ ଜୁଡୁବୁଡୁ ହୋଇଥିଲେ । ତାଙ୍କୁ ବର୍ତ୍ତମାନ ଭେଣ୍ଟିଲେଟରରେ ରଖାଯାଇଛି । ସୂଚନାନୁସାରେ, ତାଙ୍କର ଲିଭର ମଧ୍ୟ କ୍ଷତିଗ୍ରସ୍ତ ହୋଇଛି । ନ୍ୟୁୟର୍କ ପୋଲିସ (New York police) ଏହି ଆକ୍ରମଣକାରୀ ୨୪ ବର୍ଷୀୟ ହାଦି ମାତାର (Hadi Matar) ବୋଲି ଚିହ୍ନଟ କରିଛି ।

ନ୍ୟୁୟର୍କର ଚୌଟକ୍ୱା ଇନଷ୍ଟିଚ୍ୟୁଟର ଏକ କାର୍ଯ୍ୟକ୍ରମରେ ଭାଷଣ ଦେବାକୁ ଯାଉଥିବା ବେଳେ ଇଂରାଜୀ ଭାଷା ପ୍ରସିଦ୍ଧ ଲେଖକ ସଲମାନ ରୁଶଦୀଙ୍କୁ ଶୁକ୍ରବାର ଦିନ ଆକ୍ରମଣ କରାଯାଇଥିଲା ।

ସଲମାନ ରୁଶଦୀଙ୍କୁ କିଏ ଛୁରାମାଡ଼ କରିଥିବା ବ୍ୟକ୍ତି କିଏ?
ଲେଖକ ସଲମାନ ରୁଶଦୀଙ୍କୁ ଆକ୍ରମଣ କରିଥିବା ବ୍ୟକ୍ତି ନ୍ୟୁ ଜର୍ସିର ବାସିନ୍ଦା ବୋଲି କୁହାଯାଉଛି । ରୁଶଦୀ ନ୍ୟୁୟର୍କର ଏକ ଇଭେଣ୍ଟରେ ଏକ ବକ୍ତୃତା ଦେବାକୁ ଯାଉଥିଲେ ।
ଏହି ସମୟରେ ଜଣେ ବ୍ୟକ୍ତି ମଞ୍ଚ ଉପରକୁ ଚଢ଼ି ଲେଖକଙ୍କୁ ମୁଥା ମାରିଥିଲେ ଓ ଛୁରୀରେ ଆକ୍ରମଣ କରିଥିଲେ । ଆକ୍ରମଣକାରୀଙ୍କୁ ହାଦି ମାତାର ବୋଲି ପୋଲିସ ଚିହ୍ନଟ କରିଛି । ସେ ୨୪ବର୍ଷୀୟ ବୋଲି କୁହାଯାଉଛି । ଲେଖକ ସଲମାନ ରୁଶଦୀଙ୍କୁ ଛୁରାମାଡ଼ କରିବାର କିଛି ମିନିଟ ପରେ ପୋଲିସ ଏହି ୨୪ ବର୍ଷୀୟ ବ୍ୟକ୍ତିଙ୍କୁ ଗିରଫ କରିଛି ।

ଆଇନ ଶୃଙ୍ଖଳା ଅଧିକାରୀମାନେ ଆକ୍ରମଣକାରୀ ହାଦି ମାତାରଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ପ୍ରାଥମିକ ଯାଞ୍ଚ କରିଛନ୍ତି । ଏନବିସି ନ୍ୟୁଜ୍ ଦ୍ୱାରା ଉଦ୍ଧୃତ ଆଇନ ଶୃଙ୍ଖଳା ଅଧିକାରୀ ଶିୟା ଉଗ୍ରବାଦ ଓ ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ (ଆଇଆରଜିସି) ପ୍ରତି ତାଙ୍କର ସହାନୁଭୂତି ବିଷୟରେ ଜାଣିଥିଲେ । ତେବେ ମତର ଓ ଆଇଆରଜିସି ମଧ୍ୟରେ କୌଣସି ପ୍ରତ୍ୟକ୍ଷ ସଂଯୋଗ ନାହିଁ ବୋଲି କୁହାଯାଉଛି ।

ଏନବିସି ନ୍ୟୁଜ୍ ଅନୁଯାୟୀ, ଆଇନ ଶୃଙ୍ଖଳା ଅଧିକାରୀମାନେ ମତର ସହ ଜଡିତ ଏକ ମୋବାଇଲ୍ ଫୋନ୍ ମେସେଜିଂ ଆପରେ ନିହତ କମାଣ୍ଡର କାସେମ ସୋଲେମାନି ଓ ଇରାନ ଶାସକଙ୍କ ପ୍ରତି ସହାନୁଭୂତି ଦେଖାଇଥିବାର ଫଟୋ ପାଇଥିଲେ । ସୋଲେମାନି ଇରାନର ଜଣେ ବରିଷ୍ଠ ସୈନିକ ଯିଏ ଇସଲାମିକ ବିପ୍ଳବୀ ଗାର୍ଡ କର୍ପସରେ କାର୍ଯ୍ୟ କରିଥିଲେ । ୨୦୨୦ ମସିହାରେ ତାଙ୍କୁ ହତ୍ୟା କରାଯାଇଥିଲା ।

ଆକ୍ରମଣର ଉଦ୍ଦେଶ୍ୟ କ’ଣ ଥିଲା?
ସଲମାନ ରୁଶଦୀଙ୍କ ଉପରେ ହୋଇଥିବା ଆକ୍ରମଣରେ ବ୍ୟବହୃତ ଅସ୍ତ୍ର ସମ୍ପର୍କରେ ନ୍ୟୁୟର୍କ ପୋଲିସ ସୂଚନା ଦେଇନାହିଁ । ଏହି ଆକ୍ରମଣ ପଛରେ କ’ଣ ଉଦ୍ଦେଶ୍ୟ ରହିଛି ସେ ସମ୍ପର୍କରେ ଏପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ । ନ୍ୟୁୟର୍କ ରାଜ୍ୟ ପୋଲିସର ମେଜର ଇଉଜିନ୍ ଷ୍ଟାନିଜେଉସ୍କି କହିଛନ୍ତି ଯେ ଆମେ ଏଫବିଆଇ, ସରିଫ୍ କାର୍ଯ୍ୟାଳୟ ସହ କାର୍ଯ୍ୟ କରୁଛୁ ଓ ଏହି ଆକ୍ରମଣର କାରଣ କ’ଣ ଏବଂ ଉଦ୍ଦେଶ୍ୟ କ’ଣ ତାହା ଆମେ ଶୀଘ୍ର ଖୋଜି ବାହାର କରିବୁ।

ଏହା ବି ପଢ଼ନ୍ତୁ: Asia Cup 2022: ଭାରତ-ପାକିସ୍ଥାନ ମ୍ୟାଚରେ କେଉଁ ଦଳ ଜିତିବ? ପଣ୍ଟିଂ କଲେ ବଡ ଭବିଷ୍ୟବାଣୀ

ଏହା ବି ପଢ଼ନ୍ତୁ: ଆସାମକୁ ଯିବାକୁ ଚାହୁଁଥିଲେ ଆମୀର ଖାନ, ମନାକଲେ ମୁଖ୍ୟମନ୍ତ୍ରୀ ବିଶ୍ବଶର୍ମା; ଜାଣନ୍ତୁ କାରଣ