ଆସନ୍ତାକାଲି ଉପରାଷ୍ଟ୍ରପତି ନିର୍ବାଚନ, ଜାଣନ୍ତୁ କ'ଣ କିଏ ମାରିବ ବାଜି?

Vice President Election 2022: ଦେଶର ଉପରାଷ୍ଟ୍ରପତି ନିର୍ବାଚନ ପାଇଁ ଶନିବାର ଦିନ ମତଦାନ ଅନୁଷ୍ଠିତ ହେବ । ଏହି ପ୍ରତିଯୋଗିତା ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସର (NDA) ପ୍ରାର୍ଥୀ ଜଗଦୀପ ଧନଖର (Jagdeep Dhankhar) ଓ ବିରୋଧୀ ଦଳର ମିଳିତ ପ୍ରାର୍ଥୀ ମାର୍ଗେଟ୍ ଆଲଭାଙ୍କ (Margaret Alva) ମଧ୍ୟରେ ରହିଛି । ପରିସଂଖ୍ୟାନ ଦୃଷ୍ଟିରୁ ପଶ୍ଚିମବଙ୍ଗର ପୂର୍ବତନ ରାଜ୍ୟପାଳ ଧନଖରଙ୍କ ବିଜୟ ନିଶ୍ଚିତ ମନେହୁଏ । ଉପ-ରାଷ୍ଟ୍ରପତି ନିର୍ବାଚନକୁ ନେଇ ବିରୋଧୀ ଦଳଗୁଡିକରେ ମଧ୍ୟ ମତଭେଦ ସାମ୍ନାକୁ ଆସିଛି, କାରଣ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନେତୃତ୍ୱାଧୀନ ତୃଣମୂଳ କଂଗ୍ରେସ ଏହି ନିର୍ବାଚନର ମତଦାନ ପ୍ରକ୍ରିୟାରୁ ନିବୃତ୍ତ ରହିବାକୁ ଘୋଷଣା କରିଛି ।

ଅଶୀ ବର୍ଷୀୟା ଆଲଭା ଜଣେ ବରିଷ୍ଠ କଂଗ୍ରେସ ନେତା ଓ ରାଜସ୍ଥାନର ରାଜ୍ୟପାଳ ଭାବରେ ମଧ୍ୟ କାର୍ଯ୍ୟ କରିଛନ୍ତି । ଧନଖରଙ୍କୁ ୭୧ ବର୍ଷ ଓ ସେ ରାଜସ୍ଥାନର ପ୍ରଭାବଶାଳୀ ଜାଟ ସମ୍ପ୍ରଦାୟର ଆସିଛନ୍ତି । ତାଙ୍କର ପୃଷ୍ଠଭୂମି ସମାଜବାଦୀ ରହିଛି । ଉପରାଷ୍ଟ୍ରପତି ନିର୍ବାଚନ ପାଇଁ ସଂସଦ ଗୃହରେ ସକାଳ ୧୦ ଟାରୁ ୫ ଟା ପର୍ଯ୍ୟନ୍ତ ମତଦାନ ଅନୁଷ୍ଠିତ ହେବ । ଏହାର କିଛି ସମୟ ପରେ ଭୋଟ୍ ଗଣତି ହେବ ଓ ବିଳମ୍ବିତ ରାତି ସୁଦ୍ଧା ଦେଶର ନୂତନ ଉପରାଷ୍ଟ୍ରପତିଙ୍କ ନାମ ରିଟର୍ଣ୍ଣିଂ ଅଫିସର ଦ୍ୱାରା ଘୋଷଣା କରାଯିବ ।

ଉପରାଷ୍ଟ୍ରପତି ଭାବରେ ଏମ ଭେଙ୍କୟା ନାଇଡୁଙ୍କ କାର୍ଯ୍ୟକାଳ ୧୦ ଅଗଷ୍ଟରେ ଶେଷ ହେବ ଓ ନୂତନ ଉପରାଷ୍ଟ୍ରପତି ୧୧ ଅଗଷ୍ଟରେ ଶପଥ ଗ୍ରହଣ କରିବେ । ଉପରାଷ୍ଟ୍ରପତି ନିର୍ବାଚନ ପାଇଁ ଲୋକସଭା ଓ ରାଜ୍ୟସଭାର ସମସ୍ତ ସଦସ୍ୟ ଭୋଟ ଦେଇଥାନ୍ତି ।

ସଂସଦର ବର୍ତ୍ତମାନର ଶକ୍ତି ହେଉଛି ୭୮୮, ଯେଉଁଥିରୁ କେବଳ ବିଜେପିରେ ୩୯୪ ସାଂସଦ ଅଛନ୍ତି । ଜିତିବା ପାଇଁ ୩୯୦ ରୁ ଅଧିକ ଭୋଟ୍ ଆବଶ୍ୟକ । ଯଦି ଧନଖର ଉପରାଷ୍ଟ୍ରପତି ଭାବରେ ନିର୍ବାଚିତ ହୁଅନ୍ତି, ତେବେ ଏହା ଏକ ସଂକେତ ହେବ ଯେ ଲୋକସଭା ବାଚସ୍ପତି ଓ ରାଜ୍ୟସଭା ଅଧ୍ୟକ୍ଷ ସମାନ ରାଜ୍ୟରୁ ଆସିବେ । ବର୍ତ୍ତମାନ ଓମ ବିର୍ଲା ଲୋକସଭାର ବାଚସ୍ପତି ଓ ସେ ରାଜସ୍ଥାନର କୋଟା ସଂସଦ ନିର୍ବାଚନମଣ୍ଡଳୀରୁ ପ୍ରତିନିଧିତ୍ୱ କରୁଛନ୍ତି । 

ଏକକ ସ୍ଥାନାନ୍ତରିତ ଭୋଟ୍ ମାଧ୍ୟମରେ ଆନୁପାତିକ ପ୍ରତିନିଧିତ୍ୱ ପ୍ରଣାଳୀ ଅନୁଯାୟୀ ନିର୍ବାଚନ ଅନୁଷ୍ଠିତ ହେବ ଓ ନିର୍ବାଚନ ଗୁପ୍ତ ଭୋଟ୍ ମାଧ୍ୟମରେ ହେବ । ୧୯୭୪ ମସିହାର ନିୟମରେ ଧାର୍ଯ୍ୟ ହୋଇଥିବା ଭୋଟ୍ ପ୍ରକ୍ରିୟାରେ, ଏକ ବ୍ୟବସ୍ଥା ଅଛି ଯେ ମତଦାନ ପ୍ରକୋଷ୍ଠରେ ଭୋଟ୍ ଚିହ୍ନଟ କରିବା ପରେ ଭୋଟରଙ୍କୁ ବାଲାଟ ପେପରକୁ ଭାଙ୍ଗି ବାଲାଟ ବକ୍ସରେ ରଖିବାକୁ ପଡିବ। ଭୋଟିଂ ପ୍ରଣାଳୀର ଯେକୌଣସି ପ୍ରକାର ଉଲ୍ଲଂଘନ ହେଲେ ପ୍ରିଜାଇଡିଂ ଅଫିସରଙ୍କ ଦ୍ୱାରା ବାଲାଟ ପେପରକୁ ବାତିଲ କରିଦିଆଯିବ ।

ଏହା ବି ପଢ଼ନ୍ତୁ: LAC ନିକଟରେ ଉଡ଼ୁଥିବା ଚୀନ ଯୁଦ୍ଧ ବିମାନକୁ ନେଇ ଭାରତ ଆଲର୍ଟ; ଡ୍ରାଗନକୁ ଦେଲା ଚେତାବନୀ

ଏହା ବି ପଢ଼ନ୍ତୁ: ବିଦ୍ରୋହ ପରେ ଉଦ୍ଧବଙ୍କୁ ମିଳିଲା ପ୍ରଥମ ବିଜୟ; ବିଜେପିକୁ ବଡ ଝଟକା