UP Kanwar Yatra 2024 : ଉତ୍ତରପ୍ରଦେଶରେ ପ୍ରବେଶ ପାଇଁ କାଉଁଡ଼ିଆ ଭକ୍ତଙ୍କୁ ଦରକାର ସମ୍ପୃକ୍ତ ରାଜ୍ୟ ସରକାରଙ୍କ ପରିଚୟପତ୍ର

UP Kanwar Yatra 2024 : ଆଗକୁ ଆସୁଛି ଶ୍ରାବଣ ମାସ।ଏହି ମାସରେ କାଉଡି ଭାଇ ମାନେ କାନ୍ଧରେ ପାଣିଭାର ନେଇ ଶିବଙ୍କୁ ଅର୍ପଣ କରିଥାନ୍ତି।ଚଳିତ ବର୍ଷ କାଉଡ଼ିଆଙ୍କୁ ଦୃଷ୍ଟିରେ ରଖି ୟୁପି ସରକାର ଶନିବାର ପଡୋଶୀ ରାଜ୍ୟମାନଙ୍କୁ ନିଜ ଅଞ୍ଚଳର କାଉଡି ତୀର୍ଥଯାତ୍ରୀଙ୍କ ପରିଚୟ ପତ୍ର ପ୍ରଦାନ କରିବାକୁ ଅନୁରୋଧ କରିଛନ୍ତି। 

 ପବିତ୍ର ଶ୍ରାବଣ ମାସରେ ଅନୁଷ୍ଠିତ ହେବାକୁ ଥିବା କାଉଡ଼ି ଯାତ୍ରା ପାଇଁ ଏବେଠୁ ସୁଚାରୁରୂପେ ପ୍ରସ୍ତୁତି କରିବାକୁ ଏକ ଉଚ୍ଚସ୍ତରୀୟ ବୈଠକ ବସାଇଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଭକ୍ତଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ମୂଖ୍ୟମନ୍ତ୍ରୀ ।ଏନେଇ ଏବେଠୁ ରଣନୀତି ପ୍ରସ୍ତୁତ କରିବାକୁ ମୁଖ୍ୟ ଶାସନ ସଚିବ ମନୋଜ କୁମାର ସିଂ ଏବଂ ପୋଲିସ ଡିଜିପି ପ୍ରଶାନ୍ତ କୁମାରଙ୍କୁ ନିର୍ଦେଶ ଦେଇଛନ୍ତି।

 କାଉଡ଼ି ତୀର୍ଥଯାତ୍ରୀଙ୍କୁ ବର୍ଚ୍ଛା, ତଥା କୌଣସି ପ୍ରକାର ଅସ୍ତ୍ରଶସ୍ତ୍ର ପରିବହନ କରିବାକୁ ଦିଆଯିବ ନାହିଁ। କାଉଡ଼ି ଯାତ୍ରା ମାର୍ଗରେ ବଡ଼ ବାଦ୍ୟଯନ୍ତ୍ର ଉପରେ କୌଣସି ପ୍ରତିବନ୍ଧକ ରହିବ ନାହିଁ।କିନ୍ତୁ ଧ୍ୱନି ନିର୍ଦ୍ଧାରିତ ଆଇନଗତ ସୀମା ମଧ୍ୟରେ ରହିବା ଉଚିତ ଏବଂ ସିସିଟିଭି ଏବଂ ଡ୍ରୋନ୍ ମାଧ୍ୟମରେ ସମସ୍ତ କାଉଡି ଯାତ୍ରା ଉପରେ ନଜର ରଖାଯିବ।

ମୁଖ୍ୟ ଶାସନ ସଚିବ କହିଛନ୍ତି ଯେ ଜୁଲାଇ ୨୨ ରୁ ରାଜ୍ୟରେ କାଉଡି ଯାତ୍ରା ଆରମ୍ଭ ହେବ। ଦିଲ୍ଲୀ, ହରିୟାଣା, ଉତ୍ତରପ୍ରଦେଶ ଏବଂ ରାଜସ୍ଥାନର ବରିଷ୍ଠ ଅଧିକାରୀମାନେ ମେରୁଟରେ ଅନୁଷ୍ଠିତ କାଉଡି ଯାତ୍ରା ସମନ୍ୱୟ ବୈଠକରେ ଅଂଶଗ୍ରହଣ କରିଥିଲେ। ରେଞ୍ଜ ଏବଂ ବିଭାଗୀୟ ଅଧିକାରୀମାନେ ଉପସ୍ଥିତ ଥିବାବେଳେ ମେରୁଟର ସୀମାନ୍ତ ଜିଲ୍ଲାର ବରିଷ୍ଠ ଅଧିକାରୀମାନେ ଅନଲାଇନରେ ଯୋଗ ଦେଇଥିଲେ।

 ସୁରକ୍ଷା ଦୃଷ୍ଟିରୁ ସମଗ୍ର ମାର୍ଗକୁ ପାଞ୍ଚଟି ଜୋନରେ ବିଭକ୍ତ କରାଯାଇଛି। ଏବଂ ଏହି ମାର୍ଗରେ ବିଭିନ୍ନ ସ୍ଥାନରେ କାନୱାର କ୍ୟାମ୍ପ ପ୍ରତିଷ୍ଠା କରାଯିବ ଯେଉଁଥିରେ ଭକ୍ତଙ୍କ ପାଇଁ ବିଶ୍ରାମ, ଖାଦ୍ୟ ଏବଂ ରହିବା ସୁବିଧା କରାଯିବ।

ବିଶେଷ କରି ମହିଳାମାନଙ୍କ ପାଇଁ ପୃଥକ ଶିବିର ଆୟୋଜନ କରାଯିବ।ଏବଂ ସ୍ୱାସ୍ଥ୍ୟ ଶିବିରରେ ସମସ୍ତ ପ୍ରାଥମିକ ଚିକିତ୍ସା ଉପଲବ୍ଧ ହେବ।   ତୀର୍ଥଯାତ୍ରୀମାନଙ୍କ ପାଇଁ ସମସ୍ତ ଆବଶ୍ୟକୀୟ ସୁବିଧା ଯୋଗାଇ ଦିଆଯିବ। ୟୁପି ଏବଂ ଉତ୍ତରାଖଣ୍ଡରେ ଆଠଟି ମିଳିତ ନିୟନ୍ତ୍ରଣ କକ୍ଷ ସ୍ଥାପନ କରାଯିବ। ଯାହା ଉଭୟ ରାଜ୍ୟର ଅଧିକାରୀଙ୍କ ଦ୍ୱାରା ପରିଚାଳିତ ହେବ।

ଡିଜିପି ପ୍ରଶାନ୍ତ କୁମାର କହିଛନ୍ତି ଯେ ଯାତ୍ରାକୁ ଦୃଷ୍ଟିରେ ରଖି ଟ୍ରାଫିକ ବ୍ୟବସ୍ଥାରେ ପରିବର୍ତ୍ତନ କରାଯାଇଛି। ଯାତ୍ରା ସମୟରେ ବୃହତ ବାଦ୍ୟଯନ୍ତ୍ରରେ ବଜାଯାଉଥିବା ଗୀତ ଏବଂ ଧ୍ୱନିର ସୀମାକୁ ପୋଲିସ ନିୟନ୍ତ୍ରଣ କରିବ।ଦିଲ୍ଲୀ, ହରିୟାଣା, ଉତ୍ତରପ୍ରଦେଶ ଏବଂ ରାଜସ୍ଥାନ ସୀମାରେ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା ଗ୍ରହଣ କରାଯିବ। କାଉଡି ଯାତ୍ରା ସମୟରେ ମଦ ଏବଂ ମାଂସ ଦୋକାନ ବନ୍ଦ ରହିବ।